Ñameʼẽkena ñande pyʼaite guive ha vyʼapópe

APÓSTOL Pablo ningo heʼivaʼekue: “Peteĩteĩ omeʼẽvaʼerã ipyʼapýpe oñanduháicha, ombyasyʼỹre, oipota porãguinte. [Ñandejára] niko ohayhu pe ipyʼaite guive omeʼẽvape” (2 Cor. 9:7). Jehová ningo ndoovligái avavépe omeʼẽ hag̃ua orekóva ikatu hag̃uáicha oñemombaʼeguasu chupe. Haʼéngo oheja uvei hembiguaikuéra ohechauka ohayhuha chupe omeʼẽ rupive ikontrivusión ipyʼaite guive ha vyʼapópe. Ha ymaite guive hembiguaikuéra ojapo upéicha. Jahechamína mbohapy ehémplo ohechaukáva upéva.

Jehová oguenohẽ rire umi Israelguápe Egipto poguýgui, heʼi chupekuéra ojapo hag̃ua pe tabernáculo ha omeʼẽ hag̃ua opa mbaʼe oñekotevẽtava upearã. Ha “umi oñandúva omeʼẽseha ipyʼaite guive” omeʼẽ óro, pláta, aláha ha ambue mbaʼe. Umi isrraelíta ningo ipojeraitereíkuri, upévare ojeʼe chupekuéra anivéma hag̃ua omeʼẽ ikontrivusión (Éxo. 35:​5, 21; 36:​6, 7).

 Heta áño rire oñemopuʼã pe témplo, ha upearã umi Israelgua omeʼẽ jey umi mbaʼe orekóva ha upéicha ohechauka hikuái omombaʼeguasuha Ñandejárape. Rréi David ningo hetaiterei mbaʼe omeʼẽvaʼekue ha heʼi umi ambue isrraelítape ipojera hag̃ua omeʼẽvo ikontrivusión. Ha haʼekuéra upeichaite ojapo, pe óro ha pláta omeʼẽvaʼekue hikuái koʼág̃a ohasáne cien mil millones de dólares. Mbaʼépa ohupyty hikuái upéicha ojapo haguére? La Biblia omombeʼu umi Israelgua ovyʼaiterei hague omeʼẽ rupi ipyʼaite guive Jehovápe g̃uarã (1 Cró. 29:​3-9; 2 Cró. 5:1).

Umi Jesús remimboʼe ypykue ningo ipojeravaʼekue avei. Pe áño 33-pe Pentecostés jave ojevautisavaʼekue tres mil tapicha, péro heta umíva apytépe ndoikói Jerusalénpe. Ha umi imboriahúva opytave hag̃ua Jerusalénpe ha omombareteve hag̃ua ijerovia pyahu, umi kristiáno Jerusalengua ovende ijyvy ha ogueraha hepykue umi apóstolpe. Mbaʼeichaitépa oiméne ombovyʼarakaʼe Jehovápe peichaite ojerovia ha oporohayhu haguére hikuái! (Hech. 2:​42-47.)

Koʼág̃a rupi avei Ñandejára siervokuéra ipojera ha oiporu itiémpo, imbaretekue ha opa mbaʼe orekóva omombeʼu hag̃ua pe marandu porã. Pe rrekuádrope jahecháta mbaʼéichapa ikatu ñameʼẽ.

[Rrekuádro oĩva páhina 18-pe]

MBAʼÉICHAPA IKATU ÑAMEʼẼ

ÑANE KONTRIVUSIÓN OJEPREDIKA HAG̃UA

Heta oĩ ohechámava voi mboýpa omoĩta káda més pe “Obra mundial-pe” g̃uarã.

Kongregasionkuéra ningo omondo káda més koʼã kontrivusión pe sukursál de los testigos de Jehovápe. Ha omondovaʼerã ko direksiónpe: Asociación Torre de Vigía de Biblias y Tratados. Casilla de Correo 482, 1209 Asunción Paraguay. Ikatu avei ñameʼẽ aláha ha ambue mbaʼe ikatuvaʼerã oñevende. Péro ñamondovaʼerã peteĩ kárta reheve ñamombeʼu hag̃ua ñameʼẽnteha.

DONACIONES CONDICIONALES

Ikatu ñamoĩ pláta Asociación Torre de Vigía de Biblias y Tratados rérape. Upéva ojeporúta ojepredika hag̃ua, péro ñaikotevẽ vove jajerurekuaa jey. Jaikuaasevérõ mbaʼéichapa ikatu jajapo upéva, ñahenoikuaa Asociación Torre de Vigía de Biblias y Tratados-pe, télefono (021) 578-698 térã ikatu jahai pe idireksiónpe.

DONACIONES PLANIFICADAS

Ikatu avei ñameʼẽ péicha ñane kontrivusión:

Seguros. Ñamoĩkuaa peteĩ seguro de vida térã peteĩ plan de jubilación Asociación Torre de Vigía de Biblias y Tratados rérape.

Cuentas bancarias. Umi certificado de depósito, cuentas bancarias ha cuentas personales de jubilación ikatu ñamoĩ Asociación Torre de Vigía de Biblias y Tratados rérape. Térã ikatu avei ñamoĩ hérape ñamano vove opyta hag̃ua chupe, péro jajapovaʼerã pe léi bancaria heʼiháicha.

Acciones ha bonos. Koʼãva ikatu avei ñameʼẽ Asociación Torre de Vigía de Biblias y Tratados-pe.

Óga, lóte térã yvy. Koʼãva ikatu ñameʼẽ oñevende hag̃ua. Térã ñameʼẽ ñande róga ha jaʼe jaikotaha pype ñamano meve. Péro ñambohasa mboyve sukursál rérape, ñañeʼẽ raẽ vaʼerã upépe.

Donaciones con renta. Upéva heʼise ikatuha oñemeʼẽ pláta Asociación Torre de Vigía de Biblias y Tratados-pe. Upéi pe omeʼẽvape ojepaga káda áño interés oikove aja. Ha saʼive avei opaga impuésto.

Testamentos ha fideicomisos. Ikatu ningo ñameʼẽ yvy, óga, pláta térã ambue mbaʼe Asociación Torre de Vigía de Biblias y Tratados-pe. Upearã ikatu jajapo peteĩ testaménto eskrivanía rupive térã jajapo peteĩ transferencia [fideicomisos]. Ha upéicha jajapóramo saʼive japagáta impuésto.

Ñameʼẽ hag̃ua “donaciones planificadas” ñapensa raẽ vaʼerã mbaʼéichapa jajapóta. Ha jaikuaa hag̃ua upéva ojejapo peteĩ folléto hérava: Donaciones planificadas para favorecer el servicio del Reino en todo el mundo. Upévape oñemombeʼu mbaʼéichapa ikatu ñameʼẽ ñane kontrivusión. Heta tapicha ningo olee rire ko folléto ha oñeʼẽ rire ijavogádondi, odesidi oipytyvõ testigokuérape. Ha upéva ou porã avei chupekuéra. Ikatu jajerure ko folléto Oficinas de Donaciones Planificadas-pe (Charitable Planning Office).

Reikuaasevéramo mbaʼéichapa ikatu rejapo koʼã mbaʼe rehaikuaa térã rehenói ne retãmegua sukursálpe.