Michĩraʼymi ha ipojeraiterei

NDAʼARÉI peteĩ mitãkuñaʼi Brasilgua orekóva nueve áño omeʼẽ ipláta oñongatuvaʼekue: 89.000 guaraníes omoĩ Salón del Rreinopegua káha de kontrivusiónpe ha 124.000 guaraníes katu oguerahauka pe sukursál hetãmeguápe peteĩ kartaʼi reheve. Upe kartaʼípe heʼi: “Chéngo ameʼẽ kóva aipytyvõségui oñemombeʼu hag̃ua pe marandu porã oparupiete. Ha che pyʼaite guive ameʼẽ ahayhúgui Jehovápe”.

Isy ha itúva ningo omboʼe chupe iñimportantetereiha haʼete voi omombeʼu pe marandu porã. Ha omboʼe avei chupe hikuái ‘omombaʼeguasuvaʼerãha Ñandejárape opa mbaʼe orekóva rupive’ (Pro. 3:9). Ñandékena jajapo ko mitãkuñaʼi ojapo haguéicha ha ñandepojera ikatu hag̃uáicha ojekuaauka pe marandu porã oparupiete.