Omomanduʼáta chupekuéra Ijapoharére

OJAPÓMA tres mil áño rréi Salomón ohai hague: ‘Nemanduʼáke nde Apoharére nemitã reheve’ (Ecl. 12:1). Pe aty guasu tres diaguávape “Ñandejára espíritu ñanesãmbyhy” ojejapovaʼekue mayo de 2008 ha enéro de 2009 rupi, oñepresentákuri peteĩ lívro oipytyvõtava mitãrusukuérape ojapo hag̃ua Salomón heʼivaʼekue. Upe lívro osẽvaʼekue haʼehína Lo que los jóvenes preguntan. Respuestas prácticas, volumen 2.

Upe lívro oñepyrũvo oĩ peteĩ kárta ohaivaʼekue pe Cuerpo Gobernante mitãrusu ha mitãkuñanguérape g̃uarã. Ha peteĩ pártepe heʼi: “Rojerure ningo Jehovápe ko lívro penepytyvõ hag̃ua ikatu hag̃uáicha pembohovái opa mbaʼe vai ojapoukaséva peẽme ko múndo aña ha pedesidi hag̃ua Jehová oipotaháicha”.

Umi sy ha túva oservíva Jehovápe ningo ohekomboʼese ifamíliape ‘Ñandejára Jehová oipotaháicha’ (Efe. 6:4). Ha heta mitãkuña ha mitãrusu okakuaavévo ohóvo ndojeroviái ijehe ha ndoikuaái mbaʼépa ojapóta. Mbaʼépa peẽ tuvakuéra ikatu pejapo peipytyvõ hag̃ua chupekuéra? Jahechamína mbaʼéichapa ikatu jaiporu upearã pe lívro Los jóvenes preguntan.

▪ Perekókena peteĩ livro penembaʼéva ha pehesaʼỹijo porã. Ndahaʼeivaʼerã peleénteva ko lívro, pehechavaʼerã mbaʼépa omboʼesehína. Ko lívro ningo ndahaʼéi heʼínteva mbaʼépa oĩ porã ha mbaʼépa oĩ vai. Ojejapo uvei ombokatupyry hag̃ua mitãkuña ha mitãrusukuérape ohechakuaa hag̃ua mbaʼépa iporã ha mbaʼépa ivai (Heb. 5:14). Ko lívrope oñemoĩ avei mbaʼépa ikatu ojapo hikuái pono okyhyje ha odefende hag̃ua ijerovia. Pór ehémplo, kapítulo 15-pe (“¿Cómo puedo resistir la presión de grupo?”) ndojeʼéi chupekuéra heʼínte hag̃ua “ndajapomoʼãi” ojejapoukase jave chupekuéra ivaíva. Oñemeʼẽ uvei chupekuéra konsého la Biblia rupive oikuaa hag̃ua mbaʼépa ‘heʼíta peteĩteĩme (Col. 4:6).

▪ Peiporu umi porandu oĩva pe lívrope. Umi porandu ningo mitãkuña ha mitãrusukuérape g̃uarã, upéicharõ jepe iporãta peẽ pembohovái  avei. * Pór ehémplo pe páhina 16-pe oĩ mokõi porandu umi ojegustasévape g̃uarã. Pepensamíntena mbaʼéichapa peẽ peñeñandurakaʼe perekórõ guare pe pene família eda ha upéi pehai mbaʼéichapa pembohovaivaʼerãmoʼã upérõ umi porandu. Upe rire katu peñeporandumi: “Napensavéimapa koʼág̃a chemitãrõ guaréicha koʼã mbaʼére? Mbaʼépa chemboʼe umi mbaʼe ahasavaʼekue? Ha mbaʼéichapa ikatu amboʼe upéva che famíliape?”.

▪ Perrespetákena pene família mbaʼéva. Ko lívrope ningo oñemoĩ heta porandu oñembohovaivaʼerã. Ha upéva oñemoĩ pene família ombohovái hag̃ua ha upéicha peikuaa porãve chupekuéra. Pór ehémplo, ikatu peikuaa mbaʼépa opensa ha mbaʼéichapa oñeñandu hikuái. Péro aníkena penderesarái pe páhina 3-pe heʼívagui tuvakuérape. Upépe heʼihína: “Peẽ peipotáramo pene família oanota ilívrope umi mbaʼe opensáva, peprometevaʼerã chupekuéra ndapeleemoʼãiha pe ohaivaʼekue. Upéicha pejapóramo haʼekuéra voi ikatu omombeʼu peẽme mbaʼéichapa ombohováiraʼe umi porandu”. Ñande ningo la jaikuaasevañaína mbaʼépa oĩ ñane família korasõme, ndahaʼéi ilívrope oĩva.

Penepytyvõta pestudia hag̃ua pene família ndive

Pe lívro Los jóvenes preguntan (volumen 2) ikatu peiporu peñembyaty jave pestudia hag̃ua pende rogaygua ndive. Ko lívro ningo ndorekói porandu káda párrafope g̃uarã. Upévare peẽ tuvakuéra pehechavaʼerã mbaʼéichapa pestudiáta pene família ndive oipytyvõve hag̃uáicha chupekuéra.

Pór ehémplo oĩ oiporúva pe seksión heʼihápe “Estrategia contra la presión de grupo” (páhina 132 ha 133) ha oñensaja upéva ifamiliakuéra ndive. Pe primer porandu penepytyvõta pehechakuaa hag̃ua mbaʼe provlémapa ohasahína pene família. Mokõiha katu, moõpa ikatu oiko hesekuéra upéva. Upéi pehesaʼỹijo oñondive mbaʼépa oguerúta chupekuéra ojapóramo umi mbaʼe vai ojejapoukaséva chupekuéra ha mbaʼéichapa ikatu ombohovái upéva. Ha ipahápe katu pejerure pene famíliape ojeprepara hag̃ua mbohapy hendáicha ombohovái hag̃ua ikompañerokuérape. Peẽ voi ikatu peipytyvõ pene famíliape ombohovaikuaa hag̃ua ha ojapo ogustaveháicha chupekuéra. Upéicharõmante ipyʼaguasúta hikuái ojapo hag̃ua upe oñensaja haguéicha (Sal. 119:46).

Penepytyvõta peñemongeta hag̃ua

Los jóvenes preguntan (volumen 2) ningo omokyreʼỹ mitãrusu ha mitãkuñanguérape oñemongeta hag̃ua ituvakuéra ndive. Pór ehémplo umi rekuádro heʼihápe “¿Cómo puedo hablar de sexo con mis padres?” (páhina  63 ha 64) ha “Habla con tus padres” (páhina 189) oipytyvõta chupekuéra oñeʼẽ hag̃ua umi téma ijetuʼúvare. Peteĩ mitãkuña orekóva 13 áño ohai: “Pe lívro chepytyvõ añeʼẽ hag̃ua che tuvakuéra ndive umi mbaʼe apensávare ha amombeʼu hag̃ua chupekuéra mbaʼépa ajapóraʼe”.

Péro ko lívro oipytyvõta tuvakuérape oñemongeta hag̃ua ifamíliandi ótro hendáicha. Pór ehémplo káda kapítulo opakuévo oĩ pe rrekuádro heʼíva “Y tú, ¿qué piensas?”. Upéva oipytyvõta chupekuéra ohecha jey hag̃ua umi informasión ostudiavaʼekue ha oñemongeta hag̃ua. Péro upe mboyvemi oĩ pe seksión heʼíva “¡Manos a la obra!”. Upéva oñemoĩ ikatu hag̃uáicha umi mitãrusu ha mitakuña oanota mbaʼéichapa ojapóta upe oaprendevaʼekue. Ha opakuetévo ko seksión oĩ pe porandu heʼíva: “¿Qué quiero preguntarle a mi padre o a mi madre sobre este tema?”. Upéva oñemoĩ ikatu hag̃uáicha umi mitãkuña ha mitãrusu ohechakuaa mávapa pe oipytyvõ porãvétava chupekuéra.

Peg̃uahẽkena ikorasõmekuéra!

Peẽ tuvakuérape ningo oiméne hiʼãiterei peg̃uahẽ pene família korasõme. Ha pe lívro Los jóvenes preguntan (volumen 2) penepytyvõta upearã. Jahechamína mbaʼéichapa peteĩ túva oiporu ko lívro akóinte oñemongeta hag̃ua itajýra ndive. Haʼe heʼi:

“Che rajy Rebekah ndive roho jepi umi lugár porã oregustahápe. Sapyʼánte roho yvýrupi, visikléta ári térã áutope. Ha che ahechakuaa upéicha rosẽ jave oñondive haʼe oñeñandu porãveha oñemongeta hag̃ua chendive.

“Primero roñepyrũ rolee pe kárta del Cuerpo Gobernante ha pe nóta oĩva tuvakuérape g̃uarã. Che aipota che rajy ohai la ohaiséva ilívrope oikuaágui che ndaleemoʼãiha chugui, pe páhina 3-pe heʼiháicha ñandéve.

“Che aheja avei che rajýpe oiporavo mbaʼe kapítukopa roleéta. Ha ñepyrũrãite voi haʼe oiporavo pe kapítulo heʼihápe ‘¿Tienen algo de malo los videojuegos?’. Chéngo ni naimoʼãikuri upéva ointeresataha chupe. Péro upéi ahechakuaa mbaʼérepa haʼe oleeséraʼe upéva. Omombeʼu chéve ombotavyraieteha oikóvo ikompañerokuérape umi videojuego ivaietereíva, ivioléntova ha henyhẽva pype ñeʼẽ tieʼỹ. Che ningo ni naimoʼãikuri oĩha umichagua! Ha koʼã mbaʼe che rajy omombeʼupaite chéve rohechávo pe rrekuádro heʼíva ‘¡Manos a la obra!’ (páhina 251). Upe párte oipytyvõ avei chupe opensa hag̃ua mbaʼéichapa ombohováita ikompañerokuérape ojopyse jave chupe ohuga hag̃ua hendivekuéra.

“Koʼág̃a che rajy omombeʼupaitéma chéve la ohaíva guive ilívrope. Ore ningo rostudia jave roñemongeta ha roñoturna rolee hag̃ua. Ha haʼéngo oñeʼẽse voi opa mbaʼére, umi rrekuádro ha taʼangakuéra oĩvare entéro. Che katu amombeʼu chupe mbaʼéichapa rakaʼe yma arekórõ guare ijeda. Ha haʼe omombeʼu avei chéve mbaʼéichapa haʼekuéra koʼág̃a. Che rajy ningo omombeʼuseterei voi chéve mbaʼépa opensa!”

Oiméne peẽ tuvakuéra pevyʼaitereíraʼe oñepresentárõ guare ko lívro. Koʼág̃a katu ikatúma peiporu ha ideprovechoitereíta peẽme. Upévare pe Cuerpo Gobernante oipotaiterei tuvakuéra ha família oiporu ko lívro. Jaikuaa ningo tuichaiterei ñanepytyvõtaha enterovépe. Ha koʼýte oipytyvõta umi mitãkuña ha mitãrusúpe oiko hag̃ua “espíritu sánto poguýpe” (Gál. 5:​16, ÑÑB).

[Nóta]

[Rrekuádro oĩva páhina 30-pe]

Mbaʼépa heʼi umi mitãkuña ha mitãrusu

“Ko lívro jalee jave ñañatende porã vaʼerã ha jareko peteĩ lápis jahai hag̃ua. Ko lívro ningo haʼete voi pe ñane kuadérno ñaanotaha umi mbaʼe jahasavaʼekue ára ha ára ha ñanepytyvõ jajepyʼamongeta ha jaguata hag̃ua tape porãre.” (Nicola)

“Pyʼỹinte heʼi chéve hikuái aheka hag̃ua che chikorã, chéko ahechakuaa ndodeseaiha chéve hikuái ivaíva. Péro pe seksión oĩva ko lívro oñepyrũvo chepytyvõ ahechakuaa hag̃ua iporãvetaha ahaʼarõve che chíko hag̃ua. Teʼi la heʼíva hikuái.” (Katrina)

“Pe rrekuádro heʼihápe ‘¿Estás pensando en bautizarte?’ chepytyvõ apensa porã hag̃ua upe mbaʼére. Chepytyvõ avei akóinte astudia ha añemboʼe hag̃ua.” (Ashley)

“Che tuvakuéra ningo oservi Jehovápe ha che avei chemichĩ guive aikuaa Jehovápe. Upéicharõ jepe ko lívro chepytyvõ apensa ha adesidi porã hag̃ua. Ha koʼág̃a ndahasyive avei chéve amombeʼu hag̃ua che tuvakuérape mbaʼéichapa añeñandu.” (Zamira)

[Nóta oĩva taʼanga ndive páhina 31]

Tuvakuéra, pehesaʼỹijo ha peikuaa porãkena ko lívrope heʼíva

[Nóta oĩva taʼanga ndive páhina 32]

Peñehaʼãmbaitékena peg̃uahẽ pene família korasõme