¿Rehesaʼỹijópa raʼe umi rrevísta Ñemañaha osẽramovéva? Ehechamína ikatúpa nemanduʼa koʼã mbaʼére:

¿Mbaʼéichapa ikatu ñanepytyvõ Salomón rembiasakue?

Ñandejára ovendesi ha oiporuvaʼekue Salomónpe. Upéicharamo jepe, haʼe heta mbaʼépe naiñeʼẽrendúi chupe oisãmbyhy aja. Pór ehémplo, omendavaʼekue Faraón rajýre ha upéi hetave kuña ndoservírivare Jehovápe. Hiʼarive opermiti umi hembireko nomombaʼeguasúiva Jehovápe omboyke chupe Ñandejára rapégui. Ñande avei ñañatendevaʼerã ani hag̃ua mbeguekatúpe oike ñane akãme umi mbaʼe ikatúva ñandegueraha vai (Deu. 7:1-4; 17:17; 1 Rey. 11:4-8) (15/12, páh. 10-12).

¿Mbaʼéichapa Ester odefende Ñandejára puévlo?

Hamán ojukapasérõ guare umi hudíope, Ester ndokyhyjéi oike hag̃ua rréi Asuero rendápe ha omombeʼu chupe mávapa upe iñañáva. Ester ojerovia mbarete Ñandejárare ha ndokyhyjéi ojejukárõ g̃uarã chupe. Haʼe okonsegi pe rréi ohendu chupe ha odefende Jehová puévlo (1/1, páh. 10-15).

¿Mbaʼérepa ymaiterei guivéma oñemombaʼe umi olívo?

Ipire ha hogue ojeporu akãnundúpe g̃uarã, hakã itujávagui katu ojejapo perfúme. Oñemombaʼeterei ningo hiʼa, ha koʼýte ijaseitekue. Peteĩ yvyramáta iporãvagui ikatu oñenohẽ 57 lítro aséite káda áño (1/1, páh. 30).

¿Mbaʼérepa jaʼekuaa síglo primero guive oĩ hague ko yvy ape ári kristiáno unhído?

Jesús oñeʼẽvaʼekue pe “trígo” okakuaátavare “ñana vai” apytépe. Ko ehémplope pe “semílla iporãva” orrepresenta pe “Rréino ñemoñare” (Mat. 13: 24-30, 38, NM). Pe ñana vai okakuaáta pe trígo apytépe og̃uahẽ meve pe kosécha tiémpo. Ndajaikuaaporãiramo jepe mávapa orrepresenta pe “trígo” peteĩ tiémpore, jaʼekuaa síglo primero guive koʼág̃a peve oĩ hague unhído ko yvy ape ári (15/1, páh. 7).

¿Mbaʼe mbaʼépa oikóta Armagedón mboyvemi?

Umi mburuvicha heʼíta jaikomaha “pyʼaguapy ha kyhyjeʼỹme” (1 Tes. 5:3, JMP). Goviernokuéra oñemoĩta umi rrelihión japúre (Rev. 17:15-18). Oñepuʼãta Jehová siervokuérare. Ha upéi oúta Armagedón (Rev. 7:14; Mat. 24:21) (1/4, páh. 9).

¿Mbaʼépa ñanepytyvõ ani hag̃ua ñaneenvidióso?

Jahayhu ñane ermanokuérape, jajeheʼa meme umi ijerovia mbaretévare, ñaipytyvõ ñande rapichápe, javyʼa umi ovyʼáva ndive (Rom. 12:15) (15/2, páh. 16, 17).

¿Máva mávapa oñeʼẽ pe idióma náhuatl, ha mbaʼépa ojejapo hesehapekuéra?

Ko idióma oñeʼẽvaʼekue umi astéka yma guare, péro koʼág̃a peve oĩ gueteri Méxicope 1.500.000 oñeʼẽva náhuatl. Testígo de Jehová opredika chupekuéra ha ojapo heta puvlikasión ko idiómape (1/4, páh. 29-31).

Ñañemoñeʼẽta jave, ¿mbaʼe rehépa ñanemanduʼavaʼerã?

Reikuaa porã raẽ vaʼerã mbaʼépa pe oikóva. Ani rejapura rembohovái hag̃ua. Eñemomirĩ ha ejapo la Biblia heʼiháicha. Eiporu umi informasión omeʼẽva tembiguái. Ani redesidi ótrore (15/3, páh. 7-9).

¿Mbaʼéichapa jaikóta pyʼaguapýpe ñande rogayguakuéra ndahaʼéirõ ñane rrelihiongua?

Oĩ ohasa asýva ihentekuéra oñemoĩgui hese, péro iñeʼẽrendúramo Jehovápe, katuete ovendesíta chupe ha oñeñandu porãitereíta. Opavave ñañehaʼãvaʼerã jaiko pyʼaguapýpe ñande rogayguakuérandi ha jajapo ikatúva haʼekuéra oservi hag̃ua avei Jehovápe (15/02, páh. 26-30).