¿Rehesaʼỹijópa raʼe umi rrevísta Ñemañaha osẽramovéva? Ehechamína ikatúpa nemanduʼa koʼã mbaʼére:

¿Mbaʼépa heʼi la Biblia espiritísmo rehe?

Deuteronomio 18:10-12-pe la Biblia heʼi: “Ndaiporivaʼerã pende apytépe [...] ohóva umi oadivináva, ojapóva máhia, espiritísta ha paje apoha rendápe. Ni umi ojapóva paje hapicháre, oñeʼẽva omanovaʼekuéndi ni umi heʼíva mbaʼépa oikóta tenonderãme. Jehovápe ombojeguaru umi ojapóva koʼãichagua mbaʼe vai” (1/4, páhina 18).

¿Mbaʼéicha rupípa Sansón imbaretevaʼekue?

Sansón naimbaretéi iñakãrague puku haguére, síno Jehová omombarete chupe. Haʼe ningo nasaréo ha iñakãrague orrepresenta pe kompromíso orekóva Jehová ndive. Péro Dalila oikytĩkárõ guare chugui iñakãrague ombyai upe kompromíso (15/4, páhina 9).

¿Mbaʼépa umi mbohapy mbaʼe ñanepytyvõtava ñane korasõ hesãi hag̃ua ha ñañangareko porã hag̃ua ñande pyʼapýre?

1) Ñañealimenta porã vaʼerã. Ñane korasõ hesãi hag̃ua tekotevẽ ñañealimenta porã. Upéicha avei, peteĩ kristiáno omombaretevaʼerã ijerovia opa mbaʼe Jehová omeʼẽva rupive. 2) Jajapovaʼerã ehersísio. Ñanekyreʼỹ ha ñambaʼapo meme vaʼerã predikasiónpe. 3) Ani jajepyʼapyeterei. Tekotevẽ jajeheʼa meme ñane ermanokuérare. Haʼekuéra ningo ñanderayhu (15/4, páhina 16).

¿Mbaʼérepa ndovaléi ojeporu Salmo 116:15 diskúrso ojejapóvape oĩ jave omanóva?

Ko téysto heʼi: ‘Ñandejárape g̃uarã iporã ohechávo omano umi hese ojeroviáva’. Upéva heʼise Jehovápe g̃uarã tuichaiterei mbaʼeha enterove isiérvo rekove ha omanombárõ hikuái tuichaiterei operdetaha. Upéicha rupi arakaʼeve ndohejamoʼãi oiko upéva. Jehová ndohejamoʼãi avave ohundi enterove isiérvo iñeʼẽrendúvape (15/5, páhina 22).

¿Mávapa rakaʼe umi kolportór?

Áño 1931 guive pe ñeʼẽ kolportór (rrepartidór) rekovia ojeporu pe ñeʼẽ prekursór (15/5, páhina 31).

¿Mávapa hína ‘opaite koʼã goviérno’ oñeʼẽha Daniel 2:44?

Ko profesía oñeʼẽ umi goviérnore oñerrepresentáva pe estátua tuichaitévape oñeʼẽ hague Daniel (15/6, páhina 17).

¿Arakaʼépa oiko Gran Bretaña ha Estados Unídosgui pe goviérno omanda guasuvéva heʼiháicha umi profesía?

Primera gérra mundiál aja Gran Bretaña ha Estados Unidos oñomoirũ mbarete ha oiko chuguikuéra pe goviérno sieteha omanda guasuvéva (15/6, páhina 19).

¿Mbaʼéichapa umi omendáva ikatu ojerovia jey ojuehe?

1) Heʼivaʼerã pe añetegua, 2) oñehaʼã oñondive, 3) okambia tekotevẽhápe ha 4) ipasiensiavaʼerã oho porã jey hag̃ua chupekuéra (1/7, páhina 12-15).

¿Mbaʼérepa Ñandejára oipota jaikuaa héra?

Ñandejára oipota enterove jaikuaa héra ou porãtagui ñandéve. Jaikuaávo héra ikatu ñañemoag̃ui hese ha jaiko opa ára g̃uarã. Upévare Ñandejára oipota jaikuaauka opárupi héra tee (1/7, páhina 17).

¿Mbaʼépa rejapovaʼerã redesidi porã hag̃ua?

Redesidíta jave: 1) Epensa mbaʼépa oguerúta ndéve, 2) ndete rehecha mbaʼépa iporãve, 3) emaña mbaʼépa oĩ ne renonderãme ha 4) embaʼapo pe rehupytysévare (1/7, páhina 26, 27).