¿Nemanduʼápa koʼã mbaʼére?
¿Rehesaʼỹijópa raʼe umi rrevísta Ñemañaha osẽ ramovéva? Ehechamína ikatúpa nemanduʼa koʼã mbaʼére:
¿Mbaʼéichapa ikatu jajoko ñande juru ani hag̃ua ñamyendy tata kongregasiónpe?
Jahechavaʼerã mbaʼéichapa oĩ ñande pyʼapy. Jaikóramo ñadeskonfia ótrogui, ñañeporanduvaʼerã mbaʼérepa ñañeʼẽ vai hese. Ikatu oime jaipota omombaʼe jajapóva, térã jaikose ñandevaleverõguáicha, tajaʼapoʼi jepe raʼe ñande rapichápe upearã. Ñanemanduʼavaʼerã tuicha jajeperhudikataha jatakýramo ótrore (15/8, páhina 21).
¿Mbaʼéichapa pe Léi ohechauka Ñandejára omombaʼeha kuñanguérape?
Pe Léi heʼivaʼekue umi kuña isrraelíta orekoha heta liverta ha avei derécho ostudia hag̃ua. Chupekuéra oñemombaʼe ha ojerrespetavaʼerã. Avei oñeñangarekovaʼerã hesekuéra (1/10, páhina 5-7).
¿Mbaʼe mbaʼépa oikovaʼerã oñehundi hag̃ua ko múndo?
Ojeʼéta: “¡Jaikóma pyʼaguapýpe ha kyhyjeʼỹme!”. Mburuvichakuéra opuʼãta “Babilonia Guasúre” ha ohundietéta chupe. Oñepuʼãta Jehová puévlore. Oñepyrũta Armagedón. Satanás ha idemoniokuérape ojeitýta pe yvykua pypukúpe (15/9, páhina 4).
¿Mbaʼéichapa ñanepytyvõ ndajaikuaái rupi arakaʼetépa oñehundíta ko múndo aña?
Upéicha jahechaukáta mbaʼépa oĩ ñande pyʼapýpe. Ikatúta ñambopyʼarory Jehovápe. Ñanekyreʼỹvéta ñandesakrifikádo hag̃ua. Ikatúta jajeroviave Jehováre ha Iñeʼẽre. Ikatúta jagueropuʼaka umi mbaʼe ijetuʼúva ha upéicha ñamombareteve ñande jerovia (15/9, páhina 24 ha 25).
¿Mbaʼépa heʼi Jesús umi ojepokuaávare ohurapa rei?
Jesús heʼi: “Pejéramo pejapotaha peteĩ mbaʼe, pejapovaʼerã”. Upéva heʼise nañapyrũivaʼerãha ñane ñeʼẽre. Avei heʼivaʼekue: “Ni mbaʼevéicharõ ani pehura”. Péicha ohechauka ndoguerohoryiha umi ohurapa reívape ha ndojepyʼapýiva okumpli hag̃ua oprometéva (15/10, páhina 27).
¿Mbaʼépa orrepresenta umi “siete mbyja” Jesús orekóva ipo akatúape, oñeñeʼẽha Revelación 1:16, 20-pe?
Orrepresenta umi ansiáno unhídope ha avei opavave umi ansiáno oĩvape kongregasionkuérape (15/10, páhina 14).
¿Mbaʼéichapa Jehová ohechauka ñanderayhuha?
Ñandeguerohory, ñandeporiahuvereko, oñangareko ñanderehe, ñandekorrehi ha omeʼẽ ñandéve ñaikotevẽva (1/10, páhina 19-22).
¿Mbaʼéichapa Jesús ohechauka hekomirĩha, heʼiháicha Isaías 50:4, 5?
Koʼã versíkulo heʼi Jehová ‘omeʼẽha chupe peteĩ juru omokyreʼỹkuaa hag̃ua ikaneʼõvape’ ha avei ‘nomboykeiha Iñeʼẽ’. Jesús ningo hekomirĩ ha oaprendeseterei Ñandejára omboʼéva chupe. Ha katuete ohechakuaáne raʼe Jehová voi iñumildeha oiporiahuverekóvo yvyporakuéra imperféktope (15/11, páhina 11).
¿Mbaʼérepa Ñandejára omandavaʼekue umi isrraelítape ani hag̃ua omenda umi ndoservírivare chupe?
Ñandejára ningo oikuaa mbaʼépa ikatu oiko peteĩ isiérvo omendáramo peteĩ ndoservírivare chupe. Jehová heʼi porã isrraelitakuérape omendáramo umi ndahaʼéivare hetãygua, iména térã hembireko omboyketaha chupekuéra hapégui ha oservitaha umi ñandejára guaʼúpe. Haʼe oikuaa porã, peteĩ tapicha ovyʼa ha oiko porã hag̃ua, tekotevẽha oĩ porã hendive (1/10, páhina 29).
