UMI sédro oĩva pe kordilléra de Líbanope tuichaicha ha iporã porã. Umíva rovairã, umi olívo máta ikarape ha ojeroʼapa, péro imbaretetereive ha ikatu oikove 1.000 áño. Pe hapo ipoguasu ha imbarete, ha pe imáta oñekytĩramo jepe, ikatu hoky jey hapokuégui.

Job ojerovia vaʼekue omanóramo jepe ikatuha oikove jey (Job 14:13-15). Ha ohechauka hag̃ua upéva, oipuru ehémploramo peteĩ yvyramáta, ha ikatu voi imanduʼa raʼe pe olívore. Haʼe heʼi kuri umi yvyramátape g̃uarã jepe oĩha esperánsa, pórke oñekytĩramo ikatu hoky jey. Oúramo jepe peteĩ séka puku, oky vovéntema pe yvyramáta rapokue hoky jeýta “peteĩ plánta pyahúicha” (Job 14:7-9, NM).

Peteĩ chokokue ohecháramo oñekytĩ hague peteĩ yvyramáta, oipotaiterei hoky jey. Péicha avei, Jehová ohechávo isiervokuéra ha ambue hénte omanoha, omoingoveseterei jey chupekuéra (Mat. 22:31, 32; Juan 5:28, 29; Hech. 24:15). Ñande avei jaipotaiterei oikove jey umi omano vaʼekue. ¡Ajépa javyʼaitéta og̃uahẽ vove upe ára!