UMI ermáno oĩva pe Kuérpo Governántepe ombaʼapo seis diferénte komitépe. * Áño 1992 guive koʼã ermáno oiporavo umi ansiáno orekóva heta experiénsia oipytyvõ hag̃ua chupekuéra umi komitépe. Koʼã ansiáno ndahaʼéi unhído. Haʼekuéra oĩ umi “ambue ovechakuéra” apytépe (Juan 10:16). Káda semána oñerreuni hikuái pe komite oñeasignávandi, omeʼẽ informasión pe Kuérpo Governántepe, ha avei omeʼẽ suherénsia. Umi ermáno oĩva pe Kuérpo Governántepe odesidi mbaʼépa ojejapóta, ha iñajudantekuéra oñenkarga oñekumpli hag̃ua umi mbaʼe ojedesidi vaʼekue. Haʼekuéra oĩ dispuésto ojapóvo oimeraẽ tembiapo oñeasignáva chupekuéra. Avei oviaha umi ermáno Kuérpo Governantepeguándi umi asambléa internasionál ha espesiálpe. Sapyʼánte katu ovisita hikuái umi sukursál kómo rrepresentánte de la séde mundiál.

Peteĩ ermáno oservíva kómo ajudánte áño 1992 guive, omombeʼu: “Akumpli porãvo che asignasión, aipytyvõ umi ermáno oĩvape pe Kuérpo Governántepe oñekonsentra hag̃ua hikuái pe tembiapo Jehová oenkarga vaʼekuépe chupekuéra”. Ótro ermáno oservíva avei kómo ajudánte ojapóma 20 áño, heʼi: “Núnka nañeimahinái vaʼekue arekotaha koichagua priviléhio ijojahaʼỹva”.

Umi ermáno Kuérpo Governantepegua oenkarga heta rresponsavilida koʼã ansiáno okumpli porãvape hembiapo, ha ovaloraiterei chupekuéra ombaʼapo jejopy haguére. Upévare, ñande avei ‘akóintekena jaguerohory koʼãichagua kuimbaʼépe’ (Filip. 2:29).