Umi profesía ñane renonderã rehe oñeʼẽva
Umi profesía ñane renonderã rehe oñeʼẽva
OÑEʼẼVO umi mbaʼe ñaneraʼarõvare, apóstol Pedro heʼivaʼekue: ‘Ñande katu ñahaʼarõ peteĩ yvága ha yvy ipyahúva, Ñandejára heʼivaʼekue omeʼẽtaha. Ha upépe oĩta tekojoja’ (2 Pedro 3:13). Proféta Isaías heʼivaʼekue avei oĩtaha peteĩ múndo pyahu (Isaías 65:17; 66:22). Péro Pedro ohechauka avei noñekumplipaiha gueteri upe profesía.
Revelación 21:1-4, JMP). Ha jahecháma haguéicha, oñekumplihína koʼág̃a rupi Jesús ha apóstol Pablo heʼivaʼekue oikotaha Ñandejára ogoverna mboyve. Upéicharõ, koʼẽrõitéma Ñandejára Goviérno rupive oĩta peteĩ múndo pyahu. Péro mbaʼéichapa jaikóta upe vove? Jahechamína mbaʼépa heʼi ñandéve Isaías.
Áño 96-pe apóstol Juan, peteĩ visión rupive ohechavaʼekue pe “yvy pyahu” haʼeha umi mbaʼe porã oguerútava Ñandejára Goviérno (Mbaʼéichatapa pe múndo pyahu
Opavave oikóta pyʼaguapýpe ha oñemombaʼeguasúta Ñandejárape. Umi espádagui ojejapóta arádo ha kóga kytĩha. Nopuʼãmoʼãvéima tetãnguéra ojuehe, noñembosakoʼimoʼãvéima ñorairõrã.’ (Isaías 2:2-4, ÑÑB.)
Yvypóra ha mymbakuéra oiko porãta oñondive. ‘Pe aguara guasu oikóta ovecharaʼy ndive, ha jaguarete oñenóta kavararaʼy ndive; vakaraʼy pe leõ ndive, ha umi mymba iñarõvaʼekue oikovaʼerã oñondive, ha peteĩ mitã oñangarekóta hesekuéra. Vaka ha óso hoʼúta kapiʼipe, itaʼyrakuéra oñenóta oñondive; ha leõ hoʼúta avei kapiʼipe vakakuéraicha. Ndojejapomoʼãi ivaíva ha noñemongyʼamoʼãi che sérro amboykevaʼekue; pe tetã henyhẽta Jehová arandúgui ku y omyenyhẽháicha pe már.’ (Isaías 11:6-9, ÑÑB.)
Oĩta heta hiʼupy. ‘Ko sérrope Ñandejára opreparáta opaite tetãme g̃uarã tembiʼu, oĩháme víno iporãmbajepéva ha ojeporavo pyréva.’ (Isaías 25:6, ÑÑB.)
Noñemanomoʼãvéima. ‘Ñandejára oipeʼáta pe ñemano, omokãta opa yvy arigua resay. Hembiguaikuéra noñemotĩvéitama ko yvy tuichakue, upéicha heʼi Jehová.’ (Isaías 25:8, ÑÑB.)
Umi omanovaʼekue oikove jeýta. ‘Umi ojeroviáva Ñandejárare omanóramo jepe oikove jeýta, hetekue opuʼã jeýta, yvyguýpe okéva opáy jeýta ha osapukái rorýta.’ (Isaías 26:19, ÑÑB.)
Jesucristo ohusgáta tekojojápe. ‘Haʼe nombojovakemoʼãi ohecháva rupi, térã ohendúva rupi. Ombojovakéta hekoitépe umi imboriahúvape ha tekojojápe ombojovakéta umi tetãygua oñemomirĩvape, okastigáta umi iñañávape ha péicha oñangarekóta umi ipyʼaporãvare.’ (Isaías 11:3, 4, ÑÑB.)
Umi siégo ha umi nohendúiva okueráta. “Upéramo umi ohechaʼỹva ohecháta Isaías 35:5.)
ha umi ohenduʼỹva ohendúta.” (Pe desiérto hokypáta. ‘Ovyʼáta pe yvy perõ ha pe yvy nandi; ha horyetéta pe ñu ipoty jeýgui ku yvotytýicha. Ipotypa, ovyʼa ha opurahéita torypápe.’ (Isaías 35:1, 2, ÑÑB.)
Oĩta “yvy pyahu”. ‘Ajapóta yvága pyahu [peteĩ goviérno pyahu] ha yvy pyahu [yvypóra ojapóva Ñandejára rembipota]; yma guare opytáta tesaráipe, avave naimanduʼamoʼãi hese. Upévare ojeikóta tory ha vyʼapópe opa árape. Ha haʼekuéra omopuʼãta hogarã ha oikóta ipype, oñotỹta parrál ha hoʼúta hiʼakue. Nomopuʼãmoʼãi hogarã, ambue oiko hag̃ua ipype. Ha noñemitỹmoʼãi ambuépe g̃uarã. Ku yvyra máta oikove pukuháicha, upeichaite avei che retãyguakuéra oikove pukúta ha ovyʼáta ha ipyʼarory asýta hikuái hembiapokue reheve. Nombaʼaporeimoʼãi hikuái, ha ndoguerumoʼãi hikuái mitã ko yvy ape ári pyaʼe omano jey hag̃ua, che ahovasa jeýta che retãyguakuéra ha iñemoñarenguérape. Ha ombaʼejerure mboyve hikuái, che ambohováitama chupekuéra ha oñeʼẽmba mboyve che ajapótama.’ ‘Pe yvága ha yvy pyahu che ajapótava, heʼi Jehová, opa ára g̃uarãta. Upéicha avei pene ñemoñare ha pende réra oikóta opa árape g̃uarã.’ (Isaías 65:17-25, ÑÑB; 66:22.)
Umi profesía ñane renonderã rehe oñeʼẽva
Ndahaʼéi pe lívro de Isaías añónte oñeʼẽva ñane renonderã rehe. Ótro lívro oĩva la Bíbliape omombeʼu avei Ñandejára ojapótava Igoviérno rupive, oisãmbyhýva Jesucristo. a Reikosépa pe múndo pyahúpe? La Biblia omombeʼu mbaʼépa Ñandejára ojapóta amo gotyove ha mbaʼépa nde rejapovaʼerã reime hag̃ua upépe. Testigos de Jehová nepytyvõkuaa reikuaaséramo mbaʼépa rejapovaʼerã.
[Nóta]
a Reikuaasevéramo, pe lívro Mbaʼépa añetehápe omboʼe la Biblia? páhina 76-85-pe, oñeʼẽve Ñandejára Rréinore ha umi mbaʼe porã ikatútava jahupyty upépe. Ko lívro ojapo testigos de Jehová.
[Nóta oĩva taʼanga ndive páhina 8]
Yvypóra ha mymbakuéra oiko porãmbáta oñondive
[Nóta oĩva taʼanga ndive páhina 9]
Omanovaʼekue oikove jeýta
[Nóta oĩva taʼanga ndive páhina 10]
Ko yvy tuichakuégui oikóta peteĩ hardín neporãmbajepéva