Mbaʼépa heʼi la Biblia vevídare?

ÑANDE Apohare ningo iporãvante oipota ñandéve g̃uarã ha ndoproivíri voi ñandehegui jaʼu michĩmi la vevída. * Haʼe voi ningo omeʼẽ ‘víno ombopyʼarorýva kuimbaʼe ha kuñanguérape, pe aséite omboveráva yvypóra rova ha tembiʼu omombaretéva chupekuéra’ (Salmo 104:​15, ÑÑB). Jesús jepe ombovyʼavaʼekue heta héntepe peteĩ kasamientohápe ojapóvo ýgui “víno iporãvéva” (Juan 2:​3-10, BNP).

Ñande Apohare oĩva yvágape ningo oikuaa mbaʼépa ikatu pe vevída ojapo ñande rete ha ñane apytuʼũre. Haʼe ningo oipota jaiko porã, upévare heʼi ñandéve la Bíbliape ndovaleiha jaʼu rasa vevída (Isaías 48:17).

Ñandejára Ñeʼẽme heʼi voi: ‘Aníke peiko pekaʼu, upéva ogueru mbaʼe vai’ (Efesios 5:​18, BNP). Heʼi avei ‘umi ikaʼúva ndoikemoʼãiha Ñandejára Rréinope’ (1 Corintios 6:​9-11, BNP). La Bíbliape ohechauka porã ivaiha ‘jakaʼu, nañaneakãguapýi ha jajapo mbaʼe vai’ (Gálatas 5:​19-21, BNP).

Péro añetehápe piko ikatu ojapo vai ñanderehe jaʼu rasáramo vevída?

Mbaʼépa ojapo ñanderehe jaʼu rasáramo vevída?

Jaʼumimínteramo la vevída ningo ojapo porã ñanderehe, péro jaʼu rasáramo ojapo vaíma ñane apytuʼũ ha ñande retére. Jahechamína mbaʼe mbaʼépa ikatu oiko jaʼu rasáramo vevída:

Ñanembotavyrai, ñanemopensa vai ha ‘heʼika ñandéve vyrorei’ (Proverbios 23:33). Alan heʼi voi: “Pe kaʼu ningo peteĩ mbaʼasy vai, ombyai ñande rete, ñanemopensa vai ha ojapouka ñandéve vyrorei. Ndajahechakuaái  avei mbaʼéichapa ñambohasa asy ñaína ñande rapichakuérape”.

Nañapensavéima jajapovaʼerãre. Ñandejára Ñeʼẽ heʼi voi: “Víno ha opa mbaʼe ñanemongaʼúva omoakãtavyraipa chupekuéra” (Oseas 4:11). Upeichaite ningo añete, umi mbaʼe ndajajaposéiva jepi ikatu kaʼu reheve ndaivaivéima ñandéve térã jajapose voi. Upéicha rupi ikatu nañamombaʼevéima pe iporãva, jaʼa tekovaípe ha ñambopochy Ñandejárape.

John rehe oikovaʼekue ohechauka porã upéva. Peteĩ árape haʼe ojodiskuti hembirekóndi, ipochyeterei ha osẽ oho peteĩ várpe. Heta omokõ riréma, oñemboja hendápe peteĩ kuña, ha omokõmiẽ rire oho upe kuñándi ha omoakãratĩ hembirekópe. Ojera rire John ombyasyeterei la ojapovaʼekue ha ohechakuaa ndokaʼúirire ndojapomoʼãi hague upe mbaʼe vaiete.

Nañandepuʼakavéima ñandejehe, ndajaikuaavéima mbaʼépa jaʼe ha jajapo. La Bíbliape oñeporandu: “Mávape g̃uarãpa pe pyahẽ, mávape g̃uarãpa pe jaheʼo, mávape g̃uarãpa jeikovai, mávape g̃uarãpa pe ñorairõ?”. Ha péicha ombohovái: ‘Umi oguapy aretereíva víno ipópe, umi hoʼusetereíva pe víno oñembojeheʼapyréva g̃uarã’ (Proverbios 23:​29, 30, ÑÑB). Upéi heʼive: ‘Reñandúta ku yguasu mbytépe reñenorõguáicha, ku yvyra puku apỹime reimérõguáicha’ (Proverbios 23:34). Ha ivaiveha katu peichagua peteĩ árape opáyta ha heʼi: “Añenupã ha nañandúi, añembyepoti ha ndahechakuaái” (Proverbios 23:35).

Ñanembohasy. La Biblia heʼi avei vevída rehe: “Amo ipahápe mbóicha oporosuʼuvaʼerã, ha mbói ponsoñáicha oporombohasyvaʼerã” (Proverbios 23:​32, ÑÑB). Umi doktór heʼi avei jaʼu tuichaicháramo la vevída ikatuha ponsóñaicha ñandejukaite voi. Ojekuaa oprodusiha kánser, tirísia, cirrósis, pancreatitis, omboguejy rasa ijasuka umi huguy asukávagui, ombohasy umi mitã isy ryepýpe oĩvape, oprodusi avei derrame cerebral ha provléma ñane korasõme. Ikatu hína una vesmínte jaʼu rasa la vevída ha ñandejukaitéma voi térã ñanembohasyete. Péro pe mbaʼe ivaivéva oprodusíva la vevída ningo noñemombeʼúi umi lívro de medisínape.

 Mbaʼépa la ivaivéva?

Peteĩ tapicha omokõ rasa ha ndokaʼúiramo jepe, omoĩ vaíta chupe upéva Ñandejára ndive. Proféta Isaías ningo heʼivaʼekue: ‘Cháke peẽ koʼẽ mboyve pepuʼãva pekaʼu hag̃ua, ha pyharepyte peve vínogui ndapepoíriva’. Mbaʼérepa heʼi péicha? Oikuaágui mbaʼépa ogueru upéva, haʼe heʼi voi: ‘Napemaʼẽi Ñandejára ojapóvare, ndapeikuaaséi mbaʼeve hembiapokuégui’ (Isaías 5:​11, 12).

Ñandejára Ñeʼẽ heʼi ñandéve ani hag̃ua ñandekaʼu (Proverbios 23:20). Ha umi kuña ijedávape ojeʼe avei ‘ani hag̃ua ikaʼu’ (Tito 2:3). Mbaʼérepa iporã ñañeñangareko? Pórke heta ningo oĩ michĩmimínte oñepyrũva hoʼu la vevída ha pyʼỹi pyʼỹive. Ha oñemeʼẽʼỹre en kuénta heʼi: Hiʼãitémapa koʼẽ haʼuve hag̃ua (Proverbios 23:35). Umi opuʼãre omokõva hetiaʼe hag̃ua ningo ohasa vaipaitéma hína la rrája.

Ñandejára Ñeʼẽ heʼi umi ‘hoʼu rasáva víno, hekovai ha oñembyatýva okaʼu hag̃ua ojechataha hembiapokuére upe oĩva ndive ohusga hag̃ua omanóva ha oikovévape’ (1 Pedro 4:​3, 5). Ha Jesús oñeʼẽrõ guare Ñandejára Jehová ára guasúre heʼi: ‘Peñeñangarekóke, anítei peñemopyʼahatã vísio ha kaʼúpe, ha pejepyʼapy pene rembiʼurãre ha ambue mbaʼére, ha ou sapyʼa pende ári upe ára pehaʼarõʼỹhágui’ (Lucas 21:​34, 35).

Péro mbaʼépa ikatu ojapo upéicharõ umi hoʼu rasáva vevída koʼág̃a rupi?

[Nóta]

[Nóta oĩva taʼanga ndive páhina 4]

Jaʼu rasáramo vevída oguerúta ñandéve heta provléma