Ndépa remombaʼe Jesucristo marandu?

‘Che katu aju ameʼẽ hag̃ua peẽme tekove, peikove hag̃ua opa ára g̃uarã.’ (JUAN 10:10, JMP)

JESUCRISTO ndoúi ko yvy ape ári oporojokuái hag̃ua, ou guei omeʼẽ hag̃ua heta mbaʼe porã yvyporakuérape ha omomarandu hag̃ua opavavépe. Pór ehémplo oñeʼẽ Ñandejára ha Hembipotáre, upéicha rupi koʼág̃a hetaiterei tapicha omoirũva chupe ovyʼave. * Avei ohechauka mbaʼeichaitépa ohayhu opavavépe omeʼẽvo hekove ñanderehehápe, ha péicha omeʼẽ ñandéve peteĩ jopói iporãmba jepéva. Ñande javyʼaséramo opa ára g̃uarã tekotevẽterei ñamombaʼe imarandu, ha jajapo opa mbaʼe haʼe omboʼevaʼekue.

Peteĩ jopói omeʼẽva Ñandejára ha Cristo Jesús oikuaa porã umi ndaijaʼéiva hese heta ombohasa asytaha chupe omanoite peve (Mateo 20:17-19). Upéicharõ, mbaʼére piko ou ko yvy ape ári? La Biblia ombohovái ñandéve: ‘Ñandejára ohayhuetereígui opa yvypórape omeʼẽvaʼekue Itaʼýra peteĩetépe ani hag̃ua omano umi hese ojeroviáva, oikove hag̃ua guei opa ára g̃uarã’ (Juan 3:16). Ha upéi Jesús voi heʼi ou hague ‘omeʼẽ hekove, opaga ha oguenohẽ hag̃ua yvyporakuérape pekádo poguýgui’ (Mateo 20:28, NM). Péro mbaʼére piko Jesús heʼi omeʼẽ hague hekove, heʼi rangue ojejuka hague chupe?

Ñandejára ñanderayhuetereígui ombou ko yvy ape ári Itaʼýra peteĩetépe omeʼẽ hag̃ua hekove ñanderehehápe, ha péicha ñandepeʼa pekádo ha ñemano poguýgui. Ha Jesús pyʼaporãme ou ohasa asy omanoite peve. Ñapensamíntena mbaʼeichaitépa ñanderayhu Ñandejára, omeʼẽ ñandéve peteĩ jopói iporãitereíva ikatútava ñanepytyvõ jaiko hag̃ua opa ára g̃uarã. *

Mbaʼéichapa ñanepytyvõkuaa Mbaʼéichapa ikatu ideprovécho ñandéve ko jopói? Ñapensami ko mbaʼére, mbaʼépa rejapóta oñemeʼẽséramo ndéve peteĩ jopói iporã ha ojeguapáva? Katueténgo reagradeséta ha rejagarráta, ajépa? Upévante avei Ñandejára oipota jajapo, jahechauka jaguerohoryha pe jopói omeʼẽva ñandéve. Mbaʼéichapa ikatu jajapo upéva?

Jahecháma haguéicha jaikove hag̃ua opa ára g̃uarã tekotevẽ jajerovia Jesús rehe. Ha upéva ikatu jahechauka jaiko lájare (Santiago 2:26). Upéva heʼise jajapovaʼerãha opa mbaʼe Jesús heʼi ha ojapovaʼekue. Péro upearã jaikuaa porã vaʼerã chupe ha Itúvape. Jesús heʼi vaʼekue: ‘Pe jeikove opaveʼỹva ningo kóva: Tandekuaa ndéve Ñandejára añete ha peteĩetéva ha Jesucrístope, pe nde rembou vaʼekuépe’ (Juan 17:3).

Ojapóma ningo 2.000 áño rupi Jesús oikuaauka hague peteĩ marandu iporãitereíva. Heta tapicha ojapóma pe marandu heʼíva ha oiko porãiterei. Ndépa reikuaase mbaʼépa heʼive pe marandu? Reikuaasépa mbaʼépa pejapovaʼerã pende famíliandi pevyʼa hag̃ua koʼág̃a ha opa ára g̃uarã? Eñeʼẽ umi testígo de Jehovándi ha haʼekuéra omyesakãta ndéve koʼã mbaʼe.

Umi artíkulo oúvape oñeñeʼẽve Jesucrístore, haʼe ningo oikuaauka peteĩ marandu iporãitereíva ikatúva okambiaite nde rekove opa ára g̃uarã.

[Nóta]