Jaiporavo porã ñane angirũrã
Konsého 4
Jaiporavo porã ñane angirũrã
MBAʼÉPA HEʼI LA BIBLIA: “Nearanduséramo eiko iñarandúva ndive” (Proverbios 13:20).
PROVLÉMA: Ñane irũnguéra heʼíva ha opensáva opoko ñanderehe, ha haʼekuéra ndovyʼáirõ voi mbaʼevére oguerovapáta ñanderehe ilája (1 Corintios 15:33).
Jahechami mbaʼépa oikovaʼekue yma 12 isrraelíta ohórõ guare omangea Canaán rehe. La Biblia omombeʼu umíva apytégui 10 kuimbaʼe oñepyrũ hague “omyasãi japu” ha heʼi upe tetã ivaiha. Umi mokõi hembýva katu heʼi: ‘Pe yvy ore rohechavaʼekue ningo peteĩ yvy neporãmba jepéva’. Péro umi isrraelíta ohendu umi 10 kuimbaʼépe ha opensáma avei haʼekuéra opensaháicha. Upeakuére ‘oñepyrũ osapukái ha ojeplageajoa’ hikuái (Números 13:30–14:9).
Koʼág̃a rupi oĩ avei heta ‘ipochýva opa mbaʼére ha opavavére oñeʼẽ vai’ (Judas 16). Añetehápe hasy lénto javyʼa hag̃ua ñane irũnguérape ndogustáirõ voi mbaʼeve ha ivaívarente ojesarekóramo.
MBAʼÉPA IKATU JAJAPO: Jahechavaʼerã mbaʼérepa oñemongeta jepi ñane irũnguéra japilla hag̃ua mbaʼeichaguápa hikuái. Ñapensami: Oikópa omombeʼu hikuái ijuru renyhẽ mbaʼe mbaʼépa oreko? Ojeplageápa manterei ofalta haguére chupekuéra heta mbaʼe? Ha ñande, jaikópa jajechaukase umi mbaʼe jarekóva reheve ñambopyʼarasy hag̃ua ñande rapichápe? Térãpa ñaipytyvõ chupekuéra oñekontenta hag̃ua orekóvare?
La Bíbliape oñeñeʼẽ David ha Jonatán rehe. Haʼekuéra ohechauka porã mbaʼéichapa ojotratavaʼerã umi amígo tee. Jonatán ningo rréi Saúl raʼy, ha haʼe opytavaʼerãkuri itúva rendaguépe. Péro upéi Ñandejára heʼi oiporavoha Davídpe mburuvicharã. Upévare Saúl ojukase Davídpe, ha haʼe okyhyjégui oho okañy pe desiértore, ha opyta oiko upérupi. Mbaʼépa ojapo Jonatán? Haʼe ndaipochýi David rehe, orrespeta Ñandejára heʼíva ha oñehaʼãmbaite oipytyvõ iñamígope (1 Samuel 19:1, 2; 20:30-33; 23:14-18).
Umi amígo teete oipota oho porã ñandéve ha ndaipyʼarasýi ohecháramo ñañakãrapuʼãha (Proverbios 17:17). Péro jaipotáramo peichagua ñane angirũrã, ñande upéicha vaʼerã avei (Filipenses 2:3, 4).
[Nóta oĩva taʼanga ndive páhina 7]
Ñanemokyreʼỹpa ñane irũnguéra ñañekontenta hag̃ua jarekomívare?
