Mbaʼépa omboʼe la Biblia

Mbaʼérepa tekotevẽ jaikuaa Ñandejárape?

Ko artíkulo nepytyvõta rembohovái hag̃ua la Biblia rupive umi mbaʼe reikuaaséva. Peteĩ testígo de Jehová ikatu ohesaʼỹijo nendive koʼã porandu.

1. Mbaʼérepa jaikuaavaʼerã Ñandejárape?

La Bíbliape jatopa peteĩ marandu iporãitereíva, ha Ñandejára oipota enterove yvypóra oikuaa upéva. La Biblia ningo haʼete peteĩ kárta omboúva ñande Ru yvagapegua. (Elee Jeremías 29:11.)

2. Mbaʼépa oikuaaukase ñandéve Ñandejára?

Koʼág̃a peve ndaipóri gueteri ni peteĩ mburuvicha ikatuvaʼerã oipeʼa jejuka, umi mbaʼe vai apoha, mbaʼasy ha ñemano. Péro Ñandejára omoĩta peteĩ goviérno oipeʼaitétava opaichagua jehasa asy opa árare. (Elee Daniel 2:44.)

3. Mbaʼérepa koʼág̃ama voi jaikuaavaʼerã Ñandejárape?

Saʼíma ofalta Ñandejára ohundipa hag̃ua umi iñañávape. Péro ojapo mboyve upéva, haʼe omboʼe entéro ipyʼaporãvape oiko hag̃ua mborayhu ha vyʼápe. Iñeʼẽ rupive Ñandejára ñanepytyvõ ikatu hag̃uáicha ñambohovái umi provléma, javyʼa ha jaguata tape porãre. (Elee Sofonías 2:3.)

  4. Mávaguipa ou la Biblia?

La Bíbliape oĩ 66 kuatiañeʼẽ ohaivaʼekue 40 kuimbaʼe. Umi 5 kuatiañeʼẽ tenondegua ohaivaʼekue Moisés, ojapóma amo 3.500 áño rupi. Ha pe último katu ohai apóstol Juan, ojapo 1.900 áño rupi. Péro umi mbaʼe ojehaivaʼekue ou Ñandejáragui, ha upévare la Biblia haʼe Ñandejára Ñeʼẽ. (Elee 2 Timoteo 3:16 ha 2 Pedro 1:21.)

Mbaʼérepa jaguerovia upéva? Omombeʼúgui umi mbaʼe oikótava ha ndojavýi ni michĩmi, yvyporakuéra katu ndaikatúi ojapo upéva (Isaías 46:9, 10). Jaleévo la Biblia jahecha mbaʼeichaitépa imbaʼeporã Ñandejára. Avei ko lívro oipytyvõ umi héntepe okambia hag̃ua ilája. Upévare hetaiterei tapicha oguerovia la Biblia ouha Ñandejáragui. (Elee Josué 23:14 ha 1 Tesalonicenses 2:13.)

5. Mbaʼépa ñanepytyvõta ñantende hag̃ua la Biblia?

Jesús omboʼe porãiterei vaʼekue umi Kuatiañeʼẽ Marangatu. Haʼe oĩrõ guare ko yvy ape ári umi hénte oikuaa mbaʼépa heʼi Ñandejára Ñeʼẽ péro nontendéi. Upévare Jesús oiporu jave peteĩ téysto omyesakã porã chupekuéra mbaʼépa heʼise. Rentende porãve hag̃ua la Biblia heʼíva, ko artíkulope ojejapóta avei upéicha. (Elee Lucas 24:27, 45.)

Katuete revyʼáta reikuaavévo Ñandejárape ha hembipota. Oĩramo jepe heta nandeguerohorýiva restudiase rupi la Biblia, reñehaʼãvaʼerã rejapo upéva. Reiko porã hag̃ua opa árare restudiamantevaʼerã Ñandejára Ñeʼẽ. (Elee Mateo 5:10-12 ha Juan 17:3.)

Reikuaasevéramo koʼã mbaʼe ikatu rehecha ko lívro ojapóva testigos de Jehová, kapítulo 2-pe.