¿MBAʼÉPA umi mokõi mbaʼe iñimportánteva ojapovaʼekue Jesús opredikárõ guare? Primero, Jesús oñehaʼãvaʼekue oipytyvõ umi héntepe okambia hag̃ua, ndahaʼéi umi goviérno polítikope. Jahechamína peteĩ mbaʼe haʼe omyesakã porã vaʼekue pe Sermón del Móntepe. Heʼi mboyvemi hemimboʼekuérape ojoguavaʼerãha juky ha mbaʼerendýpe, heʼi ovyʼaha “umi ohechakuaáva oikotevẽha Ñandejárare”. Avei “umi ipyʼaporãva”, “ipyʼapy potĩva” ha “ipyʼaguapýva” (Mateo 5:1-11, NM). Jesús oipota hemimboʼekuéra ohechakuaa oikovaʼerãha la Biblia heʼiháicha ha oservi Ñandejárape ipyʼaite guive.

Segundo, Jesús oiporiahuvereko umi hénte ohasa asývape ha oipytyvõ chupekuéra oñeñandu porãve hag̃ua. Upéicharõ jepe, upérõ ndojapói ikampáña oipeʼaite hag̃ua opa mbaʼe oporombohasa asýva (Mateo 20:30-34). Añetehápe ningo omonguera umi hasývape, péro pe mbaʼasy ndopái (Lucas 6:17-19). Ombopyʼaguapy umi ohasa asývape, péro umi inhustísia ndopái. Omongaru avei umi iñembyahýivape, péro oĩ gueteri ñembyahýi ko múndope (Marcos 6:41-44).

Oipytyvõ umi héntepe okambia ha oñeñandu porãve hag̃ua

¿Mbaʼérepa Jesús oñehaʼãvaʼekue oipytyvõ umi tapichápe okambia hag̃ua ipyʼaite guive ha oñeñandu porã jey hag̃ua? ¿Mbaʼérepa noñehaʼãi okambia umi goviérnope ha oipeʼaite umi mbaʼe oporombohasa asýva? Oikuaágui Ñandejára osolusionataha koʼã mbaʼe Irréino rupive (Lucas 4:43; 8:1). Upévare, umi hemimboʼe heʼírõ guare chupe oiporuve hag̃ua itiémpo omonguerávo umi hasývape, haʼe ombohovái chupekuéra: “Jaha katu ótro lugárpe, umi puévlo hiʼag̃uívape, apredika hag̃ua avei upépe. Upearã ningo ajuvaʼekue” (Marcos 1:32-38, NM). Upévare, Jesús omongueráramo jepe umi hasývape, iñimportanteve chupe g̃uarã opredika ha omboʼe pe añetegua Ñandejáragui.

Koʼág̃a rupi, umi testígo de Jehová ojapo avei upéicha osegívo Jesús ehémplo. Oñehaʼãmbaite avei oipytyvõ oikotevẽhápe umi ohasa asývape oñeñandu porã hag̃ua. Péro ndojapói hikuái ikampáña oipeʼa hag̃ua umi inhustísia ha opa mbaʼe ombohasa asýva umi héntepe oikuaágui Ñandejára Rréino ojapotaha upéva (Mateo 6:10). Jesús ojapo haguéicha, haʼekuéra oñehaʼã oipytyvõ umi héntepe okambia hag̃ua, ndahaʼéi umi goviérno polítikope. Péro ndahaʼéi ningo pe polítika añónte ogueraha vaíva yvyporakuérape, síno ndoikóigui Ñandejára oipotaháicha.

Opororrespeta

Umi testígo de Jehová heʼi voi peteĩ kristiáno tee opororrespeta ha ojapovaʼerãha oñehaʼarõva chugui. Upévare omombaʼe ha orrespeta umi mburuvichápe, ipredikasión ha umi puvlikasión rupive omokyreʼỹ hapichakuérape ojapo hag̃ua avei upéicha. Péro umi goviérno ojapoukaséramo peteĩ mbaʼe Ñandejára ndoguerohorýiva, umi testígo de Jehová nomboykéi la Biblia heʼíva. Iporãve chupekuéra ‘iñeʼẽrendu Ñandejárape huvicháramo yvypórape rangue’ (Hechos 5:29, NM; Romanos 13:1-7).

 Haʼekuéra oho ogahárupi oikuaveʼẽ hag̃ua estúdio vívliko ivesinokuérape okovraʼỹre mbaʼeve. Péicha ojapo rupi hetaiterei tapicha ipyʼaporãvape omog̃uahẽ pe marandu porã ha oipytyvõ chupekuéra okambia hag̃ua. Káda áño, hetaiterei tapicha oheja umi mbaʼe vai ojapóva, pór ehémplo okambia umi hekovaivaʼekue ha ivísio vaíva, tahaʼe umi opitáva, ikaʼúva, oiporúva dróga térã ihugadórva. Enterovégui oiko tapicha okumplíva irresponsavilida ha hekoporãva ojapo rupi la Biblia heʼíva.

La Biblia omboʼéva oipytyvõ avei umi héntepe ojogueraha porãve hag̃ua hogapýpe. Pór ehémplo, omomýi chupekuéra ojorrespeta hag̃ua, ha oipytyvõ oñemongeta porãve hag̃ua ména hembirekóndi, tuvakuéra ifamíliandi ha mitãnguéra iñermánondi. Umi família ojogueraha porãva hogapýpe oiko porã avei ivesinokuérandi.

Relee rire koʼã artíkulo, ¿mbaʼépa rehechakuaa? ¿Heʼípa la Biblia iporãha rrelihión ojeheʼa polítikare? Jahechakuaa nahanirieteha. Upéicharõ jepe, umi kristiáno añetegua oñehaʼãvaʼerã iñeʼẽrendu mburuvichakuérape, opororrespeta ha oiko porã ivesinokuérandi. ¿Mbaʼéichapa ikatu ojapo upéva? Oikóvo jukýicha ha ohesapévo opavave renondépe, Jesús heʼi haguéicha.

Enterove ojapóva Jesucristo omboʼevaʼekue ideprovécho ijupe, hogayguakuérape ha ivesinokuérape. Oimérõ nde reikuaaseve mbaʼéichapa romboʼe la Biblia ore rapichakuérape, romokyreʼỹ reñeʼẽ hag̃ua umi testígo de Jehovándi. a

[Nóta]

[Komentário oĩva páhina 10-pe]

Jesús oipytyvõvaʼekue umi héntepe okambia hag̃ua, ndahaʼéi umi goviérno polítikope

[Komentário oĩva páhina 11-pe]

Umi testígo de Jehová heʼi voi peteĩ kristiáno tee opororrespeta ha ojapovaʼerãha oñehaʼarõva chugui