Ko rrevísta reguerekóva nde pópe osẽ ypy vaʼekue julio 1879-pe. Upe tiémpo guive okambiáma heta mbaʼe, ha ko rrevísta avei okambia ohóvo (ehecha pe fóto oĩva yvate). Koʼág̃a guive rehecháta heta mbaʼe okambia jeyha rrevísta Ñemañahápe.

Heta tetãme oĩ hetaitereive tapicha ogustavéva chupekuéra oheka informasión Internétpe. Peteĩ clic ojapóvo ikatúma ojuhu heta informasión oĩva Internétpe añoite. Koʼág̃a rupi upépe ikatu ojelee lívro, rrevísta ha diariokuéra.

Upéicha rupi, rombopyahu ore páhina (jw.org) ikatu hag̃uáicha iporãve ha ndahasyive ojeporu hag̃ua. Umi oikéva upe páhinape ikatúta ojuhu umi puvlikasión 430 ári idiómape, ha ko més guive ikatúta olee Internétpe añoite ambue artíkulo osẽva jepi Ñemañahápe. *

Roguenohẽta rupi heta artíkulo Internétpe añónte, ko més guive pe Ñemañaha púvlika orekóta 16 páhinantema. Ko rrevísta oñeguenohẽ hína 204 idiómape; ha koʼág̃a mbykyve rupi ikatúta ojetradusi hetaiteve ñeʼẽme.

Hiʼãite ningo oréve ko rrevísta oipytyvõ hetave tapichápe oikuaa hag̃ua pe marandu ikatúva osalva chupekuéra. Ore rosegíta roguenohẽ Internétpe ha avei impréso umi informasión ñanepytyvõtava ha igústova jalee. Upéva oipytyvõta umi omombaʼévape la Biblia ha oikuaasevévape mbaʼépa omboʼe.

Umi ojapóva ko rrevísta