Ariel: Chediskulpáta chamígo, péro chéko ndahaʼéi peteĩ persóna rrelihiósa. Reperde reíta ne tiémpo chendive.

Pedro: Aagradese ndéve nesinséro haguére, koʼág̃arupi saʼi oĩ peichagua persóna. Chediskulpa, namombeʼúingo ndéve che réra. Che ningo Pedro. ¿Ha nde?

Ariel: Ariel.

Pedro: ¿Ha nde piko Ariel núnka nderehóiva ni peteĩ iglésiape?

Ariel: Si aha, che ymave cherrelihióso vaʼekue. Péro aike rire universidápe ajedeha upévagui.

Pedro: Eʼa nde. ¿Ha mbaʼe restudia universidápe?

Ariel: Astudia Historia ha Ciencias Sociales. Ymaite guive voi chegustáva la istória. Ainvestigase mbaʼéichapa la ser umáno odeskuvri ohóvo heta mbaʼe.

Pedro: Si, iporã jaikuaa umíva umi mbaʼe. Ha oime vaʼerã katuete reikuaa la Biblia haʼeha peteĩ lívro de istória. ¿Reinvestigáma piko algúna ves ko lívro?

Ariel: No legálmente. Aikuaa iñimportanteha la Biblia, péro ndaikuaái kuri haʼeha peteĩ lívro de istória.

Pedro: Ha ja ke ndegusta la istória, ahechaukasemíko ndéve mbaʼérepa ikatu jajerovia umi istória oĩvare la Bíbliape. ¿Ikatúta piko?

Ariel: Oĩma, ndaipóri provléma. Péro chéngo ndarekói koʼápe peteĩ Biblia.

Pedro: Trankílo, che areko peteĩ. Primeroite voi ikatu jalee oñondive 1 Crónicas kapítulo 29, versíkulo 26 ha 27. Koʼápe heʼi: “David, Jesé raʼy, ogoverna Israel 40 áño pukukue. Hebrónpe ogoverna 7 áñore, ha Jerusalénpe ogoverna 33 áñore”.

Ariel: ¿Ha mbaʼe kevér piko oreko upéva la istóriandi?

Pedro: Vuéno, peteĩ tiémpore ningo oĩ vaʼekue heta heʼíva David istória kuénto reinteha.

Ariel: ¿Legál piko? ¿Ha mbaʼére ojeʼe upéva?

Pedro: Pórke apárte de la Biblia, saʼi oĩ ótra pruéva ohechaukáva David oexisti hague. Péro áño 1993-pe umi arkeólogo odeskuvri Isrraélpe peteĩ ita heʼíva hese “David róga”.

Ariel: ¿Añete piko?

Pedro: Si, upeichaite. Ha oĩ avei ótro kuimbaʼe ojeʼe vaʼekue hese ndoexistíri hague. Héra Poncio Pilato, haʼe ningo governadór vaʼekue Jesús tiémpope. La Bíbliape, Lucas kapítulo 3, versíkulo 1-pe oñemensiona heta governadórpe ha umíva apytépe Poncio Pilátope. ¿Ikatúpa relee?

Ariel: Si. Koʼápe heʼi: “Poncio Pilato avei governadór Judéape, Herodes katu ogoverna Galiléape”.

Pedro: Heta áñore umi expérto heʼi Poncio Pilato ndoexistíri hague. Péro ojapóma 50 áñorupi  Oriente Médiope ojetopa hague peteĩ ita orekóva Poncio Pilato réra.

Ariel: ¡Maʼẽ nde! Che ndaikuaái kuri upéva.

Pedro: Avyʼaite ikatu haguére roipytyvõ reikuaa hag̃ua koʼã mbaʼe.

Ariel: Chesinséro porãta nendive, che siémpre arrespetáva la Biblia, aikuaa avei iporãitereiha umi mbaʼe oĩva pype ha koʼág̃a aikuaa orekoha heta párte oñeʼẽva istóriare. Péro chéverõ g̃uarã ndaideprovechovéima koʼág̃a umi konsého oĩva upépe.

Pedro: Heta hénte ningo opensa nde repensaháicha, péro chéve g̃uarã ndaupéichai. Amombeʼúta ndéve mbaʼérepa. Epensamíntena, ymaite guive ningo ñande ñaikotevẽ tembiʼu, ao ha peteĩ lugár jaiko hag̃ua, avei ñañeʼẽse ótrondi ha jaikose vyʼápe ñane famíliandi. Péro ohasáramo jepe heta tiémpo, koʼág̃a peve ñaikotevẽ gueteri koʼã mbaʼe.

Ariel: Si, siertoite upéva.

Pedro: ¿Ha ndépa reikuaa la Biblia ikatuha ñanepytyvõ jahupyty hag̃ua umi mbaʼe? Aréma ningo añete ojeskrivi hague la Biblia, péro koʼag̃aite peve ideprovécho.

Ariel: ¿Nde ere?

Pedro: Si, ha aime segúro upeichaha. Pórke umi konsého oipytyvõma voi kuri umi héntepe ojeskrivi ypýrõ guare, ha koʼág̃a ikatúnte avei ñanepytyvõ.

Ariel: ¿Mbaʼépe por ehémplo?

Pedro: Vuéno, ñanepytyvõ jaipuru porã hag̃ua ñande pláta, javyʼa hag̃ua ñane famíliandi ha ohechauka avei ñandéve mbaʼéichapa ikatu jajogueraha porã ñande rapichakuérandi. Haʼete voi peteĩ mápa ohechaukáva ñandéve mbaʼe tapérupipa jaha vaʼerã javyʼa hag̃ua. Ha upévango la ifáltava ñandéve, ¿ajépa? Koʼýte koʼág̃a, pórke ijetuʼuve ñamoakã porã hag̃ua ñande rogapy térã jajogueraha porã hag̃ua ñane rembirekóndi opa mbaʼépe.

Ariel: Legalete upéva. Chéko ojapo un áño amenda hague ha ijetuʼu jepi chéve añemoĩ hag̃ua de akuérdo che rembirekóndi opa mbaʼépe.

Pedro: ¡Ajépa upéicha jepi! Péro ndépa reikuaa la Biblia orekoha heta konsého ifasiletereíva jasegi hag̃ua ha katuete ñanepytyvõtava. Jahechamína por ehémplo mbaʼépa heʼi Efesios kapítulo 5, versíkulo 22, 23 ha 28. ¿Ikatúta piko nde relee?

Ariel: Si, koʼápe heʼi: “Tembirekokuéra oñemoĩ vaʼerã iména poguýpe, oñemoĩháicha ñande Ruvicha poguýpe. Pe ména ningo omoakã hembirekópe, Cristo omoakãháicha kongregasión, haʼéva hete haʼe osalva vaʼekue”. Ha pe 28 heʼi: “Peichaite avei menakuéra ohayhu vaʼerã hembirekópe, haʼekuéra ojehayhuháicha. Pe ohayhúva hembirekópe ojehayhu ijupe voi”.

Pedro: ¿Ajépa ojogueraha porãitevéta ména ha tembireko mokõivévante osegíramo ko konsého?

Ariel: Upéicha vaʼerã katuete. Péro ijetuʼúnte jajapo hag̃ua.

Pedro: Siérto upéva, pórke ñaneimperfékto. Upévare la Biblia heʼi ñandéve nañañemohatãi vaʼerãha ñande jaʼévapente. * Ha peteĩ matrimóniope upéva iñimportanteterei. Che rembirekópe ha chéve tuichaiterei orepytyvõ la Biblia rojogueraha porã hag̃ua.

Ariel: ¿Añete piko?

Pedro: Si, ha ore testígo de Jehová roguereko peteĩ páhina Internétpe orekóva heta informasión oipytyvõva umi matrimóniope ha famíliape. Netiempoʼimíramo ahechaukase ndéve pe sítio.

Ariel: Si, ndaipóri provléma.

Pedro: Ñamoĩ vaʼerã www.pr418.com, ha jahecha hag̃ua guaraníme jaagrega chupe “gug”. Kóva hína pe páhina oĩva iñepyrũme.

Ariel: Iporãite piko umi fóto.

Pedro: Ajépa nde, koʼápe ohechauka mbaʼéichapa ore testígo de Jehová ropredika opárupi. Jaikéta koʼápe heʼihápe “Puvlikasionkuéra”, kóva ko pártepe  jatopa umi rrevísta ipyahuvéva ha ótra puvlikasión oñeʼẽva diferénte témare. Péro koʼág̃a jahecháta ko folléto: ¡Notísia porã oúva Ñandejáragui!, ha jaelehíta pe leksión 9: “¿Mbaʼéichapa ikatu ovyʼa umi família?”.

Ariel: Iporã jaikuaami upéva.

Pedro: ¡Ajépa! Ko leksión ningo oreko heta konsého ikatúva oipytyvõ umi omendávape, ikatu hag̃uáicha ovyʼa imatrimóniope. Ñamañamína pe segunda pregúntare, ikatúpa Ariel eleemi ñandéve pe última párte oĩva ko párrafope.

Ariel: Si, ndaipóri provléma, koʼápe heʼi: “Ména ha tembireko ojoayhu ha ojorrespeta vaʼerã. Avei imanduʼa vaʼerã mokõivévante ojavyha, upévare tekotevẽ oñoperdonakuaa ovyʼa hag̃ua oñondive”. ¡Siertoite la heʼíva koʼápe!

Pedro: ¿Ajépa? Ápe heʼi ñandéve jalee hag̃ua Efesios 5:33. ¿Mbaʼépa ere nde voi eleéramo ñandéve?

Ariel: Si, koʼápe heʼi: “Upéicharõ, káda uno pehayhu vaʼerã pene rembirekópe peẽ voi pejehayhuháicha; pe tembireko katu orrespeta vaʼerã iménape ipyʼaite guive”.

Pedro: Koʼápe ohechauka porã káda uno omoĩ vaʼerãha ipárte

Ariel: ¿Mbaʼéicha upéva? Nantendeporãi.

Pedro: Vuéno, ñande kuimbaʼe ningo ñahaʼãrõ la ñane rembireko ñanderrespeta ¿ajépa? Upéicha avei ñane rembireko oipota pyʼỹinte jahechauka jahayhuha chupekuéra.

Ariel: Si, siertoite upéva.

Pedro: Ha añetehápe ningo ne rembirekópe ifasilvéta nderrespeta hag̃ua, rehechauka meméramo rehayhuha chupe.

Ariel: Ha oime vaʼerãngo upéicha hína.

Pedro: Umi konsého jalee vaʼekue ningo ojapóma 2.000 áñorupi ojeskrivi hague, péro lomímonte ideprovécho koʼag̃aite peve. Ha umi omendáva oaplikáramo, katuete ovyʼavéta oñondive.

Ariel: Che ndaikuaáiva koʼã mbaʼe oĩha la Bíbliape.

Pedro: Avyʼaitépa ikatu haguére ahechauka ndéve koʼã mbaʼe. Ha mbaʼépa ere ñaanalisa jeýramo ág̃a ótrope ko porandu heʼíva: “¿Ikatu piko umi omendáva ojopoi iprovléma haguére?”. *

Ariel: Oĩ porãiterei, haʼéta ág̃a che rembirekópe rohecha hag̃ua Internétpe upe rehechauka vaʼekue chéve koestedía.