¿Iñimportántepa ñantende porã la Biblia?
Peteĩ mitãkuñaʼi ohechárõ guare peteĩ fávrika chimenéagui osẽha tatatĩ ojoguáva umi araípe, haʼe oimoʼã upépe ojejapoha umi arai porã porã oĩva yvágare. Ñahendúvo péicha ojavyha peteĩ mitã, japuka ha igústo ñandéve, péro idiferentete hína ojejavy tuicháramo ha upéva ikatúrõ ñandeafekta. Por ehémplo, jalee vaíramo peteĩ pohã ryru ape, ikatu hína tuicha jajeperhudika.
Ha jajavýramo ñantende lája peteĩ mbaʼe Ñandejára omboʼéva katu ivaivéntema. Upéva oiko vaʼekue unos kuánto disípulore nontendeporãirõ guare Jesús omboʼese vaʼekue chupekuéra (Juan 6:48-68). Oñehaʼã rangue hikuái oaprendeve Jesúsgui, omboykéntema opa mbaʼe haʼe omboʼéva. ¡Ajépa ñambyasyete oiko haguére upéva!
¿Ndépa relee jepi la Biblia? Oiméramo upéicha, ejapo porã. Péro, sapyʼánte oĩ persóna ontende vaíva heta téxto. Jahechamína mbohapy ehémplo.
-
Oĩ ontende vaíva Jesús heʼírõ guare: “Pekyhyje [Ñandejáragui,] upe ikatúvagui penerundi Gehénape” (Mateo 10:28). Haʼekuéra oimoʼã Ñandejára okastigaha la héntepe pe infiérnope. Péro la Biblia ningo heʼi porãiterei: “Umi omanóva katu ndoikuaái mbaʼeve”, upéva heʼise ndaikatuveimaha avei oñandu mbaʼeve ni osufri (Eclesiastés 9:5, ÑÑB). Avei la Biblia heʼi porã ñandéve Ñandejára haʼeha mborayhu, upévare ikatu ñaime segúro haʼe núnka ndojapomoʼãiha upéva (1 Juan 4:8; Jeremías 7:31). Pe palávra Gehena ningo ojepuru jepi ojeʼe hag̃ua peteĩ mbaʼe oñehundietemaha. Upévare ñande jakyhyje Ñandejáragui térã jarrespeta chupe, pórke haʼe ikatu odesidi mávapa omerese oñehundi ha mávapa omerese oiko pára siémpre.
-
¿Ojehapýtapa ko ñane planéta?
Oĩ avei ontende vaíva ko téxto: “Opa mbaʼe hiʼára. [...] Ára oñenase hag̃ua ha ára oñemano hag̃ua” (Eclesiastés 3:1, 2). Haʼekuéra opensa Ñandejára voi oiporavoha mbaʼe diaitépa ñamanóta. Péro añetehápe pe téxto oñeʼẽnte oĩha peteĩ día ñanaseha ha peteĩ día ñamanoha. Ñandejára Ñeʼẽ ñanemboʼe avei umi mbaʼe jadesidívare odependeha jaikove pukútapa térãpa nahániri. Por ehémplo, heʼi jakyhyjéramo Ñandejáragui jaikove pukutaha (Proverbios 10:27; Salmo 90:10; Isaías 55:3). ¿Mbaʼépa heʼise upéva? Heʼise jarrespetáramo Ñandejárape ndajajaposemoʼãiha mbaʼeve ñandeperhudikátava, por ehémplo ndajakaʼumoʼãi ni nañanderekokyʼamoʼãi (1 Corintios 6:9, 10).
-
Oĩ opensáva pe yvága ha ko yvy oñehunditaha, pórke la Biblia heʼi koʼãva oñeñongatuha hína “oñehundi hag̃ua tatápe”, ha upévare haʼekuéra oimoʼã Ñandejára ohunditaha ko planéta (2 Pedro 3:7). Péro haʼe ningo opromete nopermitimoʼãiha oñehundi ko yvy arakaʼeve. La Biblia heʼi voi: “Ñandejára, nde remopyenda porã ko yvy. Ndaipóri mbaʼeve omomýi vaʼerã hendágui, opytáta upépe opa ára g̃uarã” (Salmo 104:5, TNM; Isaías 45:18). Ha jaikuaa porã avei pe lugár Ñandejára oikoha noñehundimoʼãiha ni pe yvága oĩháme umi estrélla ha galáxia. ¿Mbaʼe piko upéicharõ la oñehundítava tatápe? Umi hénte aña ha umi goviérno korrúpto oĩva ko múndope, ndahaʼéi pe yvága ni ko yvy ñande jaikoha.
¿MBAʼÉREPA OÑENTENDE VAI JEPI LA BIBLIA?
Jahecha haguéicha angete, oĩ hénte ontende vaíva heta párte oĩva la Bíbliape. Péro, ¿mbaʼére piko Ñandejára oheja oiko upéva? Ikatu oĩ opensáva: “Oiméramo Ñandejára iñarandueterei ha oikuaa opa mbaʼe, ¿mbaʼére piko ndojapóinte la Biblia entéro ontende porã hag̃uáicha?”. Jahechamína mbohapy ehémplo ohechaukáva mbaʼérepa sapyʼánte la hénte ontende vai la Biblia.
-
Lucas 10:21). La Biblia ojeskrivi ontende hag̃uáicha umi ijaktitu porãvante. Upévare jaʼekuaa Ñandejára oipytyvõha umi iñumílde ha oleévape la Biblia oaprende hag̃uáicha. Péro umi iñarandu ha iñakãporãva ijorgullóso ha ijaktitu vai jepi, upévare hetave vése ontende vai la Biblia heʼíva. Jahechakuaa upéicharõ Ñandejára añetehápe ojapo porãiterei hague la Biblia.
La Biblia ojeskrivi ontende hag̃uáicha umi iñumíldeva ha oaprendeséva. Jesús heʼi vaʼekue Itúape: “Rombotuicha opavave rovake che Ru, yvága ha yvy Ruvicha, remokañy porã haguére koʼã mbaʼe umi iñarandu ha iñakãporãvagui ha reikuaauka umi mitãme” ( -
La Biblia ojejapo ontende hag̃uáicha umi ojeruréva Ñandejára ajúda. Jesús heʼi vaʼekue umi hénte oikotevẽtaha ajúda ontende porã hag̃ua umi mbaʼe haʼe omboʼéva. ¿Péro mbaʼéicha ikatu orresivi upéva? Haʼe heʼi: “Pe Túa omboúta che rérape, pe ajudánte, pe espíritu sánto, upéva penemboʼéta opa mbaʼe” (Juan 14:26). Upéicharõ Ñandejára omeʼẽ ijespíritu sánto, térã pe fuérsa haʼe oipurúva ojapo hag̃ua hembipota, oipytyvõ hag̃ua la héntepe ontende hag̃ua la Biblia. Péro Ñandejára nomeʼẽi ijespíritu umi ndojeroviáivape haʼe oipytyvõtaha chupekuéra, upévare algúnope ijetuʼuve ontende hag̃ua. Pe espíritu sánto omomýi avei umi kristiáno oikuaámavape la Biblia heʼíva, oipytyvõ hag̃ua umi oaprendesévape (Hechos 8:26-35).
-
Oĩ párte la Bíbliagui ikatúva oñentende og̃uahẽ vove itiémpomante. Proféta Daniélpe ojejerure vaʼekue oskrivi hag̃ua peteĩ mbaʼe oikótava amo gotyove. Peteĩ ánhel heʼi chupe: “Eñongatu koʼã mbaʼe ñemiháme, ha ejokua hatã pe kuatiañeʼẽ og̃uahẽ meve upe ára paha”. Heta tiémporema oĩ oleéva umi mbaʼe haʼe oskrivi vaʼekue, péro nontendéi. Daniel jepe nontendéi vaʼekue heta mbaʼe oskrivi vaʼekue, ha heʼi voi: “Che ahendúramo jepe upe heʼíva, nahesakãi chéve mbaʼeve”. Og̃uahẽtante voi kuri pe tiémpo oñentende porãtahápe umi profesía Daniel oskrivi vaʼekue, péro Ñandejára la odesidíva arakaʼetépa oñentendéta. Pe ánhel heʼi chupe: “Koʼã mbaʼe opytáta ñemiháme og̃uahẽ meve upe ára paha”. ¿Ha mávapa umi ontendétava koʼã mbaʼe? Pe ánhel heʼive: “Umi heko añáva katu, akóinte iñañáta oikuaaʼỹre mbaʼépa ojehu. Umi iñarandúva katu oikuaáta pe ojehúva” (Daniel 12:4, 8-10). Upéicharõ jaʼekuaa oĩha párte la Bíbliagui Ñandejára omyesakãva og̃uahẽ vove itiémpo.
Ore testígo de Jehová ningo rontende vaíma avei unos kuánto mbaʼe, ndahaʼéiti rupi itiémpo Ñandejára omyesakã hag̃ua. Péro haʼe odesidírõ guare omyesakã, pyaʼe rokambia la ropensa lája. Ore roñehaʼã rosegi umi apóstol ehémplo, haʼekuéra ningo iñumílde vaʼekue ha pyaʼe okambia la opensa lája Jesús okorrehírõ guare chupekuéra (Hechos 1:6, 7).
Pe mitãkuñaʼi ñañeʼẽ hague oñepyrũvo ko artíkulo ojavýnte kuri, ha ndoafektái avavépe. Péro umi mbaʼe oĩva la Bíbliape ningo iñimportanteterei ha tekotevẽ rentende porã, upévare rekonsegi vaʼerã peteĩ oexplika vaʼerã ndéve, ani ndejeheguínte rentendese. Upévare eñehaʼãkena etopa umi ijaktitu porãvape ostudiávo la Biblia, ojerurévape Ñandejára espíritu sánto ontende hag̃ua la oleéva ha umi oĩva segúro Ñandejára odesidimaha oñentendetaha pe mensáhe oĩva Iñeʼẽme. Ndegustáramo, ikatu reñemongeta umi testígo de Jehovándi, térã ikatu reike Internétpe jw.org-pe retopa hag̃ua hetave informasión. La Biblia ningo heʼi voi: “Ejerure jey jey ajúda nentendído hag̃ua [...] ha katuete reikuaa porãta Ñandejárape” (Proverbios 2:3-5, TNM).