Jagueromanduʼa Jesús omano hague día
Sábado 12 de abril de 2025
Káda áño, entéro testígo de Jehová oñembyaty ogueromanduʼa hag̃ua pe día Jesús omano hague, haʼe voi heʼi haguéicha ojejapo vaʼerãha: “Pesegíkena pejapo ko mbaʼe penemanduʼa hag̃ua cherehe” (Lucas 22:19).
Roipotaite ningo rejumi ko rreuniónpe.
Oñeporandúva jepi
¿Mboy tiémpo ipuku ko rreunión?
Una órarupi.
¿Moõ ojejapóta?
Eporandukuaa peteĩ testígo de Jehovápe moõitépa ojejapóta.
¿Ojekovráta entráda?
Nahániri.
¿Ojejeruréta pláta?
Nahániri.
¿Mbaʼéicha ñañemonde vaʼerã?
Entéro testígo de Jehová oñehaʼã oñemonde hekópe porã, heʼiháicha la Biblia (1 Timoteo 2:9). Natekotevẽi ñamonde peteĩ ao espesiál térã hepýva.
¿Mbaʼe mbaʼépa ojejapóta ko rreuniónpe?
Ko rreunión oñepyrũ hag̃ua ojepurahéita, ha peteĩ testígo de Jehová oñemboʼéta. Upéi ojejapóta peteĩ diskúrso ohechaukáva mbaʼérepa iñimportantete Jesús sakrifísio, ha mbaʼéichapa ñanepytyvõ la Ñandejára ha Jesús ojapo vaʼekue ñanderehehápe.
Reikuaave hag̃ua, ikatu relee ko informasión: “¿Mbaʼérepa umi testígo de Jehová ojapo pe Séna del Señór diferénte umi ótro rrelihióngui?”.
¿Arakaʼépa ojejapóta pe Konmemorasión umi ótro áño?
2025: sábado 12 de abril
2026: jueves 2 de abril
Koʼã téma ikatu ndegusta avei
KONMEMORASIÓN
Jagueromanduʼa Jesús omano hague ára
Roipotaiterei ningo reju jagueromanduʼa hag̃ua Jesús omano hague ára haʼe ojerure haguéicha. Reaprendéta mbaʼéichapa ikatu nevenefisia isakrifísio.
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼérepa omano Jesús?
Ikatu oime ñahendúma Jesús omano hague ñande pekadokuérare. Péro, ¿ikatu piko peteĩ sakrifísionte ja ovaléma osalva hag̃ua hetaiterei héntepe?