Umi testígo de Jehová omenda jave ojapo jepi peteĩ párte rrelihiósa isensíllova ojejapohápe peteĩ diskúrso bíblico, ha opa rire la diskúrso algúno odesidi ojapo peteĩ festého okomparti hag̃ua ifamília ha iñamigokuérandi. a Jesús oho vaʼekue peteĩ kasamientohápe siuda de Canápe (Juan 2:1-11).

•  ¿Mbaʼéicha ojejapo pe párte rrelihiósa?

•  ¿Moõpa ojejapo jepi pe kasamiénto?

•  ¿Mávapa ikatu oho?

•  ¿Mbaʼéichapa oñemonde umi invitadokuéra?

•  ¿Oguerahápa rregálo umi invitadokuéra?

•  ¿Ojejapo piko vríndis pe ojefestehahápe?

•  ¿Ojepoi piko arrós térã papél pikádo umi noviokuéra ári?

•  ¿Ojeservi piko tembiʼu ha vevída?

•  ¿Oñemoĩ piko músika ha ojejeroky?

•  ¿Umi testígo de Jehová piko ofesteha umi aniversário de kasamiénto?

 Pe diskúrso haʼe hína pe párte iñimportantevéva, odura 30 minútorupi ha ojapo peteĩ Testígo de Jehová. Pe diskúrsope oñemeʼẽ umi nóviope konsého oĩva la Bíbliape oipytyvõtava chupekuéra ojoayhu ha ovyʼa hag̃ua imatrimóniope tóda la vída (Efesios 5:33).

 Heta paíspe pe goviérno omeʼẽ autorisasión algúno testígo de Jehovápe ojapo hag̃ua pe matrimónio sivíl térã pe párte legál. Umíva umi kásope pe diskúrso opakuévo umi nóvio ojapo peteĩ vóto térã kompromíso. Ikatu avei omoĩ ojupe kuãirũ ha ipahápe pe testígo de Jehová orekóva pe autorida del goviérno oanunsia haʼekuéra haʼemaha peteĩ matrimónio legál.

 Ótro paíspe katu pe léi heʼi peteĩ autorida del goviérno ojapo vaʼerãha pe párte sivíl térã legál. Umi testígo de Jehová oikóva umi lugár rupi, primero ojapo pe párte legál ha upéi pe diskúrso bíblico. Umi nóvio ndojapóiramo umi vóto pe sivíl aja, ikatu ojapo pe diskúrso opakuévo. Ha oiméramo ja ojapóma raʼe umi vóto pe sivílpe péro orrepetise jey pe diskúrso aja, ikatu ojapo jey. Péicha jave umi nóvio heʼi vaʼerã ivóto en tiémpo pasádo. Opa rire pe diskúrso bíblico ojejapo peteĩ orasión ojejerure hag̃ua Ñandejárape ovendesi hag̃ua pe matrimónio pyahúpe.

 Heta testígo de Jehová ojapo pe párte rrelihiósa peteĩ Salón del Réinope oiméramo oĩ disponívle. b Umi nóvio ojapótaramo álgo okomparti hag̃ua iñinvitadokuérandi, ohecháta ótro lugár ojapo hag̃ua upéva.

 Pe kasamiénto ojejapóramo peteĩ Salón del Réinope, normálmente ikatu oho ohoséva guive tahaʼe testígo de Jehová térã ndahaʼéiva. Péro umi nóvio odesidi vaʼerã mávapepa oinvitáta pe festehorã.

 Ndaipóri ni peteĩ rrégla heʼíva mbaʼéichapa ñañemonde vaʼerã jaha hag̃ua peteĩ kasamiénto ojejapóvape Salón del Réinope. Péro umi testígo de Jehová oñehaʼã oreko enkuénta umi konsého bíblico oñemonde lájape. Oñehaʼã omonde ao idesénteva, ani oñemañamba hag̃uáicha hese, oipuru hikuái umi ao ohechaukáva orrespeta ha omombaʼeha pe okasiónpe ojejapóva (1 Timoteo 2:9). Ha péichante avei oñemonde oho hag̃ua pe oikotahápe pe festého.

 La Biblia ñanemokyreʼỹ ñandepojera hag̃ua (Salmo 37:21). Umi testígo de Jehová ovyʼa orresivi ha omeʼẽ jave rregálo (Lucas 6:38). Péro ndojeruréiva hikuái rregálo ni ndoikói oñeanunsia umi omeʼẽva rregálo réra (Mateo 6:3, 4; 2 Corintios 9:7; 1 Pedro 3:8). La Biblia ohechauka upéva naiporãiha jajapo, avei ikatu omoñeñandu vai umi invitadokuérape.

 No, umi testígo de Jehová ndojapói vríndis pórke upe kostúmbre omoñepyrũ vaʼekue umi rrelihión fálsa. c Umi Testígo heʼi umi omenda ramóvape oipotaha ovyʼa ha oho porã chupekuéra imatrimóniope, péro novrindái hikuái ojapokuévo upéva.

 No, ndojejapói upéva. Algúno lugárpe umi hénte opoi umi omenda ramóva ári arrós, papél pikádo térã ótra kósa. Ojeguerovia jepi upéva omeʼẽha vuéna suérte ha oipytyvõha umi omenda ramóvape ovyʼa ha oikove puku hag̃ua. Péro umi testígo de Jehová ndosegíri umi kostúmbre ojejapóva ojeguerovia rupi peteĩ aguería. Por ehémplo umi Testígo ndeʼíri ótrope “suérte”, pórke la Biblia ohechauka upéva naiporãiha (Isaías 65:11).

 Oiko jave peteĩ diskúrso de vóda pe Salón del Réinope ndojeservíri tembiʼu ni vevída. Péro umi nóvio odesidíramo ojapo peteĩ festého, ikatu oservi koʼã mbaʼe pe lugár ojejapohápe pe festého (Eclesiastés 9:7). Umi nóvio odesidíramo oĩtaha vevída, ojasegura ani hag̃ua oĩ hoʼu rasáva, ha pe léi heʼiháicha noñemeʼẽi vevída umi menór de edápe (Lucas 21:34; Romanos 13:1, 13).

 Umi nóvio ojapótaramo peteĩ festého ikatu odesidi omoĩtapa músika ha ojejerokýtapa (Eclesiastés 3:4). Pe músika oñemoĩva odependéma umi nóviope ogustávare ha ikultúrare, péro ojasegura hikuái ani upéva omoñeñandu vai umi invitadokuérape. Pe Salón del Réinope oñemoĩ jepi músika oñeʼẽva umi téma oĩvare la Bíbliape.

 La Biblia ndeʼíri iporãha ni ivaiha jafesteha umi aniversário, upévare káda matrimónio testígo de Jehová odesidi ofestehátapa térãpa nahániri. Oiméramo odesidi ke si, ikatu ofesteha haʼekuéra añónte térã ifamília ha iñamigokuérandi.