Si. Koʼã mbaʼe ohechauka upeichaha:

•   Roñehaʼã roiko Jesucristo oiko hagueichaite ha omboʼe haguéicha (1 Pedro 2:21).

•   Rohechakuaa Jesús rupive ikatuha jajesalva, “ndaipórigui ko yvy ape ári ótro téra, Ñandejára oiporavo vaʼekue yvyporakuéra apytépe ñandesalva hag̃ua” (Hechos 4:12).

•   Rojevautisa Jesús rérape oiko hag̃ua orehegui testígo de Jehová (Mateo 28:18,19).

•   Roñemboʼe Jesús rérape (Juan 15:16).

•   Roguerovia Jesús omoakãha yvypórape (1 Corintios 11:3).

 Péro, heta mbaʼépe orediferénte ótro kristianokuéragui. Por ehémplo, la Biblia rupive rohechakuaa Jesús haʼeha Ñandejára Raʼy ha ndorogueroviái haʼe, Ñandejára ha pe espíritu sánto peteĩnteha (Marcos 12:29). Ndorogueroviái pe álma nomanoiha ni Ñandejára ñanembohasa asyha ñamano rire peteĩ infiérnope. Avei roikuaa ndovaleiha oñemombaʼeguasu umi omoakãva rrelihión (Eclesiastés 9:5; Ezequiel 18:4; Mateo 23:8-10).