YEMBOE 04
¿Kia pa ko Tumpa añetete vae?
Ɨvɨ iyɨpɨ ete güive kia reta omboete jeta tumpa reta. Ërei Biblia omombeu oime metei Tumpa “imbaepuere yae vae ko opaete tumpa-raanga reta güi” (2 Crónicas 2:5). ¿Kia pa ko jae? ¿Jare maera pa Tumpa jae ko imbaepuere yae vae? Tumpa oipota reikuaa jesegua.
1. ¿Mbae pa Tumpa jee, jare mbae pa oechauka jae oipota yaikuaa jesegua?
Biblia pe, Tumpa jei: “Che ko Jehová, kuae ko jae cheree” (Isaías 42:5, 8, TNM). Tumpa jee ñee hebreo pe jae ko Jehová, kuae oipota jei “jae oyapo opaete mbae jae jei vae”. Jehová oipota yaikuaa jee (Éxodo 3:15). ¿Kërai pa yaikuaa? Echa jae oikuatiauka jee Biblia pe oasa ye 7.000 vese. a Jehová jae ko “Tumpa [añetete vae], ara pe jare ɨvɨ pe, mbaetɨ yé kia” (Deuteronomio 4:39).
2. ¿Mbae pa yandemboe Biblia Jehová regua?
Biblia pe jei, opaete tumpa reta güi jaeño ko Jehová Tumpa añetete vae. Yaecha maera pa. Jehová jae ko mburuvicha tuichagüe yae ete vae, jaeño ko “Tuichagüe yae ete opaete ɨvɨ re vae” (Salmo 83:18). Jae “Imbaepuere yae ete vae”, jáeramo jae ipuere oyapo avei jemimbota. Jae ko yandeapoa, jae oyapo “opaete mbaembae”: ɨvɨ jare mɨmba reta oime ɨvɨ pe vae (Apocalipsis 4:8, 11). Jare vi, Jehová oiko arakae güive jare arakae regua jekuae avei rupi (Salmo 90:2).
YAIKUAA KATU VAERÄ
Kia reta ambuaeyee ye oenɨi Tumpa ërei meteiño ko jee. Yayemboeta kërai jae oikuaauka yandeve jee re jare maera pa oipota yaikuaa jesegua.
3. Tumpa güɨnoi jeta título reta, ërei meteiño ko jee
Yaikuaa vaerä kërai metei título omboyoavɨ jee güi, pemae VIDEO re jare peyemongeta jese:
-
Emoësaka kërai oyoavɨ Tumpa jee itítulo reta güi.
Biblia jei kia reta omboete jeta tumpa reta. Pemongeta Salmo 136:1-3 jare peyemongeta jese:
-
¿Mbae pa ndemboe kuae versículo reta Tumpa añetete vae re?
4. Jehová oipota nde reikuaa jee jare reiporu
¿Kërai pa yaikuaa Jehová oipota nde reikuaa jee re? Pemae VIDEO re jare peyemongeta jese:
-
¿Maera pa Jehová oipota kia reta oikuaa jee re?
Jehová oipota kia reta oiporu jee. Biblia jei “opaete oyerure Jehová jee re güɨrovia katu reve oyemboasaukata ko” (Romanos 10:13, TNM).
-
¿Maera pa ikavi ete yae ko yaiporu vaerä Tumpa jee, Jehová?
-
¿Kërai pa reñemosiente kia nereenɨi yave nderee rupi?
-
¿Kërai pa oñemosiente Jehová reenɨi yave jee rupi?
5. Jehová oipota reiko iamigorä
Metei kuña Camboya pegua Soten jee vae jei ikavi yae ko yaikuaa yave Tumpa jee. Pemae VIDEO re jare peyemongeta jese:
-
Video yaecha rami, ¿kërai pa omborɨ Soten oikuaa yave Tumpa jee?
Yaiko vaerä kia iamigorä yaikuaa rärita ko jee. Pemongeta Santiago 4:8a jare peyemongeta jese:
-
¿Mbae pa oipota Jehová reyapo vaerä?
-
Reikuaa jare reiporu yave Tumpa jee, ¿kërai pa ndemborɨta reyemboya vaerä jese?
AMOGÜE RETA JEI VAE: “Oime meteiño Tumpa, yandepuere ñaenɨi yaipota rami”.
-
¿Rerovia pa Jehová jae ko Tumpa jee?
-
¿Kërai pa remboeta ïru reta pe Tumpa oipota ko yaiporu jee?
YAYEMBOE MA VAE
Tumpa añetete vae jee jae ko Jehová. Jae oipota yaikuaa jare yaiporu jee yaiko vaerä iamigorä.
Emoësaka
-
¿Kërai pa oyoavɨ Jehová ïru tumpa reta güi?
-
¿Maera pa yaiporuta Tumpa jee?
-
¿Oipota pa Jehová nde reiko iamigorä? Emoësaka.
EEKA KUAE
Analice cinco argumentos que demuestran que Dios existe.
“¿De veras existe Dios?” (Artículo de jw.org)
Descubra por qué es lógico pensar que Dios siempre ha existido.
“¿Quién hizo a Dios?” (La Atalaya, 1 de agosto de 2014)
Vea por qué debemos usar el nombre de Dios aunque no sepamos cómo se pronunciaba originalmente.
“¿Quién es Jehová?” (Artículo de jw.org)
¿Importa cómo llamamos a Dios? Vea por qué decimos que Dios solo tiene un nombre propio.
“¿Cuántos nombres tiene Dios?” (Artículo de jw.org)
a Emongeta apéndice A4 La Biblia. Traducción del Nuevo Mundo jei mbae pa oipota jei Tumpa jee jare maera pa amogüe Biblia reta mbaetɨ oikuatía Tumpa jee.
