¿Inchippape ikwan nepua ashipik køtitru? Inchippape ñipe nepua ashipik kuintrun Estados Unidossrø videojuegos marøpelø latrø nu an kanapelø kui.

1.   ¿Tru paíssrø mam pilaelø mas eshekøpelø kera?

   1.   18

   2.   30

2.   ¿Chi porcentaje ishumpurmera incha chi porcentaje møkelø kera?

   1.   55% møkelø køn incha 45% ishumpurmera

   2.   15% møkelø køn incha 85% ishumpurmera

3.   ¿Ik pa grupoyu møilø mastre eshekøpelø kø?

   1.   Ishumpurmera mas de 18 pilamera tøkar

   2.   Møkelø menos de 17 pilamera tøkar

1.   B. søl køn, 30 pilaelø mas eshekøpelø køn.

2.   A. søl køn, 45% ishumpurmera køn, tøpøtak lataik.

3.   A. søl køn, eshekølaimpurap 31% ishumpurmera mas de 18 pilamera tøkar køn. Katøkanpurappe, 19% møkelø menos de 17 pilamera tøkar køn.

 Ik asinuk kenamaran mumera kui eshekøpelø. Møimpe sí, ¿nepua ashtitrø videojuegoskutri møilø tap puntrapik kui kape kalø puntrapik kuikwan?

 ¿Møi asamiku ñipe møikwan tap kui ashku?

•  Irene trentaik køn: “Naimpe celularyu eshekamikpe nai yaweløpa, nai tap linchipeløpa kasraktø puraampamik purukupik køn.”

•  Annette trentaik køn: “Celularpurap eshekikpe nai pøtøkatan chi purep pasraikwan isumumik purukupik køn.”

•  Christopher trentaik køn: “Mayatø isumik purukupik køn.”

•  Amy trentaik køn: “Chikøpen tamaramik purukupik køn.”

•  Anthony trentaik køn: “Tamara pestø isumik purukupik køn.”

•  Thomas trentaik køn: “Møiløpe eshekilø kanpalatø tap maramik purukupik køn.”

•  Jael trentaik køn: “Møilø eshekiløpe tap asrtøka kømik purukupik køn.”

 Inchippa ñipe møi kenamarikwan tap kui asintrun. Møilø eshekiløpe tap isumik, tap asr tøkakøntrap purukuntrun. Annette taimpala pøtøkatan chi purep pasraikwan isumumikpe kanmaiwane kalø kømøn.

 ● Bibliape trenchipik køn: “chi maramiktøkucha utøpe køpik køn” cha, kasraktø purayamikkucha (Eclesiastés 3:1-4).

 ¿Utø ketrapik kø?

 Annette trentaik køn: “Eshekøp pølpasrinukkutrimpe yantø pasramisramkaik køpik køn. Natøwai trenchipik kur: ‘katøkan nivelchitøʼ cha. Inchentø utøpe latrø nu puraipik køn.”

 Serena trentaik køn: “Celularyu eshekiløpe mentra utø ketrapik køn cha. Cinco niveles purayar cha latrø nu kanarmap isupik køn, inchentø chikucha kanamuik køn.”

 Ikwan kusreik køn: Anwan trupishape katøle wetøtramtik køntrun, inchentø utøwan trupishape katøle tøkakømtik kømøntrun. Inchawai utøpe an lataken kømø mas latrø nuik køn. Treekkutri ñui utøwan chikøpen ketrapashmøta.

 ● Biblia trenchipik køn: “[...] purø tab isua [...] ashiptø amønamig køn” cha, trektøwai utøwan “ka purainrraindø ashatø” pønrrømøtay cha (Colosenses 4:5, Tius Namun Waminchip, Wycliffe Inc.).

 ¿Celularyu eshekiløpe ñui isupikwan yunømartrauta?

 Seth trentaik køn: “Møilø misakmera celularyu eshekøppe kwetchip, nilap, treek marøpelø køn. Iklan ñui øsik uninuk marape pishirai yau manakatik keerik wapsruintrun.”

 Annette trentaik køn: “Møilø eshekiløyu tsalø asilan kanantraptø, latrø trømpøik mara kwetcha petamik køn.”

 Nathan trentaik køn: “Kanmaywan linchipeløpa eshekøp wainuk trenta ampupik køn: ‘Kwetchumøn cha, kape kuaptsu chaʼ.”

 Ikwan kusreik køn: Kan eshekinuk kuayailø, brujería, ishukpa møkpa trømpøik marilø tøkaik køpene, eshemøta. Tiuspe iklan tsalø ashipik køn (Gálatas 5:19-21; Efesios 5:10; 1 Juan 2:15, 16).

 ● Bibliape trenchipik køn kuayapelantø kømøta, kuayaikwan tap kui ashipelankucha Jeupape tsalø ashipik køn cha (Salmos 11:5). Ik eshekilø ñun kaik misak marmuinkucha, ¿ñuimpurap chi kenamara?.

 Ikwan isu: Libro Getting to Calm trenchipik køn: “Celularyu eshekiløpe televisoryu lataikken kømø, mas trømpøik kusrenanøpik køn. Kakentø televisoryupe kwetchipikwan ashiwaintrun, inchentø eshekinukpe kwetchipikpe ñi køn. Trupe eshekinutø kuayam kusrentrun”. Mateo 26:52kucha maik taikwan ash.

 Urektelø utøwan tap asha maram kusren. Pakatø maik kenamarikwan ashkun.

 Joseph trentaik køn: “Yemsrønkatik esheka 5 horas kiaintøkucha chi kømøntrun cha, inchentø møimpe nai utøwan eshekinutø kepasrmik kur. Kanmaiwantø eshekar mas tap asha martrap.”

 David trentaik køn: “Yantø mentra eshemuape chikøpen maram kusrer cha, Biblian tap kusrenanøpik misrøp, nai nuchalan purukup, hasta kan instrumentoken kønam kusreik køn, chikøpen maramtik køn.”

 ● Bibliape trenchipik køn kan kølilataik isupikpe maik unamikwan tap isua møra uñipik lataik køn cha (1 Timoteo 3: 2, 11). Treek isupeløkucha chikøpen marøpelø køn kasraktø puraamtrap, inchentø utøwan ashachiktø.

 Ikwan kusreik køn: Celularyu eshekilø tapelø kuintøkucha utøwan ketratramamøta, masken ñui øsik uninuk mas tapelan martrap inchi. Celularyu eshekinutø kanantrap inchiplatape, øsik uninuk tapikwan nepuntrap inchi.