Apóstol Pablope trenchipik køn: “Nabe tabigwan martrab indingucha, tru kaig maramibe nainuube nømerrig, nømerrig pasrabig kuin kui” (Romanos 7:21). ¿Manakøpen ñun treek mørørapik kuita? Treek køpene, ik kusremik pørikpe nu purukuntrun.

•  Ikwan nepua asha kømik køn

•  Chi maramikwan

•  Urektelø nø maik isuilø

 Misakmera kaløwan martrai lataik inchene murik køpik køn. Bibliape trenchipik køn: “Kaig marøbeløba linchib pønrraibe tabelø kuigwan ka mindishibig køn [cha]” (1 Corintios 15:33). Misakmerape internetpurap trømpøikwan chull isunkarup kenamarøpelø køn. Treekkutri, ñui mantrøkucha nøm latawai martrap inchun (Éxodo 23:2).

 “Kanmaywane kanelø tap ashchaintø tap kømíikwan martrun, nømun tap peñchap” (Jeremy).

 Ikpurap isu: Katøkaneløpe naimpurap maik isuikwan mentra isumupene treek murik kømøntrun kepenamik (Proverbios 29:25).

 Ikwan martrik: Asilø maik chipen marmøta masken Bibliayukutri kusreikwan mas metraptø marøp intrø.

 Chi kusreikwan tørtø srua pasrau: Tør nepua isua pasrømupene kanelø latawai isua marøp pøntrøntrun. Treempe Biblia maik taikwan møra mar: “Chiwandøgucha maig køtashchab isua ashibmerrig asamig køn. Incha chi tabigwane elachimø, marøb [tøkakøtrømisr]” (1 Tesalonicenses 5:21). Ñi kusreikwan tørtø tøkakuape kepeñip pasramikpe kømøntrun.

 Ikpurap isu: ¿Chintimpatre tapik kera Jeupa maik karuikwan møra maramik?

 “Natøwai wetøpenik køn, Jeupa maik karuikwan møra marene, kaneløpe na køreikwan kørikpala ashipelø kui” (Kimberly).

 Bibliayukutri kan tapik kenamarik: Daniel. Matsinø køppatø Danielpe nui mantraukutri Jeupa maik karuikwan møra martrap isua køtrømisrik køn (Daniel 1:8).

 Ñi chiyu kulla kuikwan nepua ash. Biblia matsørelø chinetø kaik marøp kui intilaimpurapyu waminchipik køn (2 Timoteo 2:22). Tru nømui isuiku mas martrap isuilø. Tru møkpa ishukpa chikøpen trømpøik martrap isuiktø kømøn tru kanelø tap ashchai isuikpa incha chiwantøkucha nømtø isua martrap isuiløpa køn.

 Ikpurap isu: Biblia trenchipik køn kan kan “møigwandøgucha nui kaig isubeløtøwei srua iben, truiløtø yandø tabig” asønankarua kepenøsrkøntrap pasran cha (Santiago 1:14). ¿Chiyutren mas sruaitramapik kuku?

 “Ñitøwai asamik køn cha. Chiyu mas kulla kuikwan. Inchape chi purukuntraptikwan lamik køn cha. Trukutrimpe pøra køtrømar. Øyamay yantø kepenamik pupene chi maramik kuikwan ashchun” (Sylvia).

 Bibliayukutri kan tapik kenamarik: David. Kanmaype kanelø maik chipen marik køn incha nui kullaku maik isuilanpa pero treek kalø marinukkutri Davidpe wetøpenik køn incha mas søl martrap trantrik køn. Jeupawan trencha miaik køn: “Nai mantrøwan newan chish køntrai martra. Nai Tius, na øsik kuikwan srøik køntrai martra, mur pasrøntrai” (Salmo 51:10).

 Ñiaship pasramisra mar. Biblia trenchipik køn: “Tru chigurrimbunø kaibe ñun nø kananrrain kømøtø” (Romanos 12:21). Truyu eshkapik køn ñi kulla køtanmaptø kepeñmumik køn cha. Treempe ñi isua sølwan martrap maramtik køn cha.

 Ikpurap isu: ¿Naaship pasramisra mantø martrap incha kaikyu kepeñmøntrap sølwan mantø martrap?

 “¿Maik mørørai inchipsrupra? cha, ¿na kaik isuikwan maren tap mørørantrauta? Pøs ratotøpe, ¿yanapape tap mørørantrauta? Kak, ¿mas trømpøik ke mørørantrun, trupe tap køntrauta maramik? Pøs, kak” (Sophia).

 Bibliayukutri kan tapik kenamarik: Pablo. Tørtø eshkaik køn chiyupe kullaakik kuinkucha nøaship pasramisra sruaitramamíik kuik køn. Nøpe treek marøpik kur chipik køn, treek kømøtø nape naasitøwai nai asrwane purø muriku purayan kusrentrai kusrenanøp ke treekwan køntrai inchipik kur cha (1 Corintios 9:27).

 Ikwan martrik: Chiyu kulla kuinuk kepeñmøntrappe ñuin tasikutø pasran, mur pasramisra ñiasitøwai sølwan martrap trantramik køn.

 Ñiken isu chiyu kullaaraik pasramikpe manakatik kømøn. Melissa 20 pilamera tøkaik trenchipik køn: “Mas srusrø køpen na kullaarailø mas murelø latailø kuiløpe møyampe chikucha kømøn”. Incha trenchipik køn: “Incha nepua ashar møya chiyu kullaaraik pasraikpe manakatik kømui, incha wentau nepua ashene chiyu kepeñmøntrap sølwan martrap trantrikpe taptøwain kui”.