“¡Ciertonik Tiuspe manaken kaik maramikwane marmíik køn, Marampurap Marøpipe sølkantik kømíikwane marmøntrap isumíik køn!” (Job 34:10).

¿Yu Pirau misakmeran chincha nu kiship amønamik pup pasra?

• 1 Juan 5:19

  Satanás yu Pirau aship karup pasran.

• Eclesiastés 8:9

  Møilø misakmeratøwai kanelan kiship amøñintrai inchipelø køn.

• Eclesiastés 9:11

  Kanmay pasrankasrø pasraikkutri namun chikøpen trømpøik pupik køn.

• 1 Pedro 5:7

  Jeupa namun latrø nu untakik kua nam kiship amønamik pupen, Nø purø køtrø pusrkuai mørøpik køn.

“Tiusbe asha køn cha, [...] ¡katø! chinetø nebua asamigwan ñimui isubig kuren, ñimbe Tius lataitøwein kønrrabguen cha, kaigwanba, tabigwanba nebua ashibelø” (Génesis 3:5).

¿Jeupape Satanáswan chincha truyutøwai patsøkømuik kø?

• Génesis 3:2-5

  Satanáspe Tius tap karup wamøntrun cha wamintik køn. Misakmeratøwai kaikwanpa tapikwanpa nepua asha pøntrøntrai intik køn. Tiuspe Satanás isaptik kui wepintrai latrø yam pilamera puraipasik køn.

• Job 38:7

  Latrø yam ángelesmerai metrap pasramisra, Satanáspe Jeupawan ñi øyeek marøpik køn cha taik køn.

“Møk trak punap unamikpe nuinuk pasrømøn” (Jeremías 10:23).

¿Misakmera chintimpatre latrø yana kiship amønaira?

• Isaías 55:9

  Aship karup pøntrapelan yamelø purampik nepua asha køn, inchentø Tiuswai purukuikwan tøkar kømuape tap sruamtrap kaimapelø køn.

• 2 Pedro 3:9, 10

  Jeupape namun tammaytø munirap pasrapik køn, nun tap nepua asha nuinkatøtø pøntrøntrai, utøtøka køntrai tranik køn.

• 1 Juan 3:8

  Jeupape Jesúswan kuaimantsik chitø marilan kutike pinisaik køntrai karuntrun.

“Nai nusrkai ñi latrø kusrepik sølkantik mar, [...] nan namik ashipikwan niløtø køtrømisrinkaruntrap” (Proverbios 27:11).

¿Jeupape namune nuyelan martraimpe chintimpa karumíik kø?

• Proverbios 30:24

  Ushamerape chikucha isumelø køn. Inchentø Jeupape namune sí namtøwai isua marøpelø køntrai tranik køn. Incha nuyelan martrap isuwape martrai inchen marmøntrappe marmøntrai tranik køn.

• Mateo 22:37, 38

  Nuyelan marøppe Jeupape nam untak tøkar kua martrai intan.