“Jehová Tiusbe trenchibig køn: —Møg nøtø unamiibe chi tab kømøn cha, nun purugunrrabig nø maig palain køben, treegwan martrab— cha [...] Inchen Jehová Tiusbe tru tømbul tsutsig wesraigwane ishug misag mara, møweimay pera arrubig køn” (Génesis 2:18-24).

¿Namui ya umpu kasrak putrøntrappe nampe chi maramik kø?

• Génesis 1:26-28

  Srøtøpe Jeupa møkwan ishukwan marik køn kantø misra urek tøkakøntrai.

• Efesios 5: 1, 2

  Ya umpu kasrak putrøntrappe, Jeupa Jesús mailø kuikwan trektøwain køntrap maramik køn.

“Keløbe møitøgucha sralane [...] undaguelø kømig køn. Inchen sraløgurrimbe kelane maig købash inchimø, kørig tøgar kømig køn” (Efesios 5:33).

¿Sraimpa kekpa mantø putramik kø?

• Efesios 5:22-29

  Kekpe nui nakchakuilan tap køntrai ashiptø pera yamik køn. Nøpe srawan untaramik køn incha sraimpe kek isua martrai inchen purukumik køn.

• Colosenses 3:19; 1 Pedro 3:4

  Kasherawarpe ampumay imay untarap tammay maramik køn.

• 1 Pedro 3:1, 2, 7

  Kasherawa pøntrainuk ampumay imay maik køpash inchimø køripala pøntramik køn.

• 1 Timoteo 5:8; Tito 2:4, 5

  Kekpe ya umpu chi palai pøntraikwan tranamik køn. Sraimpe ya umpu asha maramik køn.

“Ñimui uregwane [...] namig køtanmaptø menrra inchimøtay [...]. Treeg kømøtø [...], [Jeupa] maig kusrenaniitøga ‘øyeeg maramig køn’ chib waminchib kusrenanamig køn” (Efesios 6:4).

¿Møskaløpe chi maramik kø?

• Deuteronomio 6:4-9; Proverbios 22:6

  Ñi urekmera tøkakuape Jeupawaimpurø utø wesrawa kusrenanamik køn. Shushkutri Jeupawaimay kemallchai kusrenanamik køn.

• 1 Pedro 5:8

  Ñui urekmeran nømasiktøwai purømisrøpelø køntrai tap kusrennø, mukucha katørawa mintishimøntrai, chikøpen kalø puraimøntrai.

• Jeremías 30:11; Hebreos 12:9-11

  Ñui urekmera kaløyu kepenmøntrai mur pasramik køn, manakøpen namik wappe namik køtanmaptø ichimøta.

“Ureemerabe ñimui møskalane mandø chiben treeg møramig køn” (Efesios 6:1).

¿Ñui møskalø maik chipen chincha møra maramik kø?

• Proverbios 23:22-25; Colosenses 3:20

  Ñui møskalan mørene Jeupapa ñui møskaløpa kasrak kui mørtrun.

• 1 Corintios 15:33

  Jeupawan untarapelan ñui linchipelø køntrai lau, treek marene sølwan maramik murik kømøntrun.