“Ñi ashib karub [pasraikwan yu Pirau trektøwai martrap] amø, srømbalasrø latawei yu piraugucha, ñi maig maramdiig køben, treegwei marig kønrrai” (Mateo 6:9-13).

¿Tius Nø Aship Karup Waikpe chi kø?

• Apocalipsis 11:15

  Tius Nø Aship Karup Waikpe srømpalasrøn køn. Trusrønkutri yu Pirau misakmeran aship karup wantrun.

• 1 Timoteo 6:15

  Jeupa Nø Aship Karup Waikwan Jesúswan karup wantrai tranik køn.

• Apocalipsis 14:1, 4

  Srømpalasrønkutri 144.000 misakmerapa Jesúspa aship karup putrøntrun.

• Hebreos 4:15; 5:8

  Jesúspa 144.000 karupeløpape, nam maik mørøraikwan, isui pui putrøpen trektøwai isui pusrkuai mørøpelø køn.

“Nøpe waachamerankucha sølkantø tap asha martrun” (Isaías 11:4).

¿Tius Nø Aship Karup Wainuk Jesús chincha tap asha sruaintrera?

• 1 Timoteo 6:16

  Yu Pirau aship karup pøntrapelø kuantrapelø køn, Jesús manaken kuamøntrun. Incha namuimpurø tapik mariløpe manaken patsøntrapkeik martrun.

• Isaías 11:2-4

  Jesús yu Pirau aship karup pøntrapelø lataik kømøn, namun mas tap purukupik køn. Tru yu Pirau aship karup pøntrapelø kantø misrinken Jesús mas murik køn. Incha nøpe sølkantø marøpik kua, lástima ashipik køn.

“Srømpala wap Tiuspe kan aship karup wamik pasrtrun, manaken pinøntrapikkeik martrun” (Daniel 2:44).

¿Tius Nø Aship Karup Waikpe møinkatik chitø mara? ¿Wentøsrø chitø martrera?

• Apocalipsis 12:7-12

  1914 pilasrø Jesús aship karup wamisra Satanáswan yu Piraumay pinøkutsik køn. Incha yu Pirau namun kiship waramik puik køn.

• Eclesiastés 8:9; Apocalipsis 16:16

  Tius Nø Aship Karup Waikpe Armagedónyu kuayawa yu Pirau aship karup pøntrapelan pinisaik køntrun.

• Salmo 37:10

  Chikøpen kalø marilan lelachik kømui inchipelan Tiuspe pinishintrun.

• Apocalipsis 22:1-3

  Srømpalasrønkutri yu Pirau Tius Nø Aship Karup Wamisren misakmera manaken kuantrø misrmøntrun, manakatik øsik warøntrun, Tiuswai munchin chillishimøntrap køripala pøntrøntrun.