“Tius [...] nømui kappimeran kerrigu pinømørtrun cha. Inchen yandø kwamig kawei, kisamig kawei, wamab trasamig kawei, pusrkwabig kawein kønrrun chib” (Apocalipsis 21:3, 4, Tius Namun Waminchip).

Nampe trek kui ashchun Jeupape namun kiship warøntraimpe tranmik køn (Santiago 1:13).

Nampe tap kui møramik puntrun kaken nam isuik putrøpene Jeupape namun latrø nu isupik køn (Zacarías 2:8).

Nampe muniramik puntrun yantø namuimpe más kiship isuik putramik kantrun (Salmo 37:9-11).

Yu pakatø pøntran eshkapelø:

• Tiuspe kiship waramikwan kaik marikwan tap kømui ashipik køn. ¿Metrapsrø Tiuswai misakmeran purø trømpøik maren Jeupa chi isui kø? Bibliayupe eshkan Tiuspe trentaik køn: “Nabe nai misag [...] yeeg isuig kullaarailø melaigwan tab ashib, katø purø murig nebuptø ke mulliptøø tranrrab melailan mørøb” cha (Hechos 7:34, Tius Namun Waminchip).

  Misakmerape katøkanelan kaik marøp truilan Tiuspe tap ashmik køn. Bibliayupe eshkan Tius trenchipik køn: “Kaig marimburø pagaramibe nain køn cha. Truburøbe na asha maramig køn” (Romanos 12:19).

• Jeupape kanun kanun isupik køn. Ñune chikøpen trømpøik puik isuik pasrøpen, natø isua pasharmap isuik nainkucha inchentø Jeupa chishtø nepua ashipik køn. Jeupa trentan ñimui isuintailø nai tasku pønsray cha, “kakentø nøbe ñimuimburab tab kønrrai isua martrab wabig køn” (1 Pedro 5:7).

  Nø Aship Karup Waikwan tøka Tiuspe pestø tamartrun, yantø isui pøntramik kantrun, chikøpen kan kanun trømpøik pureipik kantrun (Mateo 6:9, 10). Truik punnepe Tiuspe misakmera mantraukutri chu urakucha Tiuswan isupelane purø køtrø untarap, manaken tarømisrmik køn (Hechos 17:27; 2 Corintios 1:3, 4).