KUSRENANTRAP 13
Jeupa namun tap aschaimpe, ¿nampe chi maramik kø?
Tiuspe latrø tsalø ashipik køn øyelane marmumik køn (1 Corintios 6:9, 10)
Tiuswan untarapelø køppe nampe kalø marmumik køn.
Mutsiramikwan, nilamiwan, kaik mømera asru mintishipelan, køntsø kesrilan. Nø ilan tap ashmik køn.
Lutø kutsamikwan, kuetsamikwan, møkpa møkpa trømpøik marikwan, anwantø chull asikwan, kuayan lamikwan, ilan Tius tsalik køn.
Nampe taskatøka marik tiusmerane tømpasrøp miamumik køn. Trektøwai pishimarilan piimailan marmumik køn.
Tru latrø tap pirøchiku waramiyu ilan kutike purø trømpøik marøpelø kantrun.
Nampe katøkanelan tapik maramik køn (Mateo 7:12)
Nampe Jeupa lataik tapelø køpene, Jeupa kasrak wan.
Ñipe latrø tapmai kømik køn katøkan misakmeran trektøwai chikøpen tøkakuilan tranøp. Ñipe trek marape untakwan kenamaran.
Ñipe sølkantø mar.
Ñun kanelø kalø marene pesanau.
Ñi kanelan Tiuswaiwan waminchi (Romanos 10:13-15).
Trektøwai ash
NAMUIWAN
¿Chincha Biblian kusremik kø?
Purø nøtrø misakmera Pirø mupa kuimpørap latrø paíkwan øsik amønamikwan løtikwan Bibliayu wetøkøtrap køn. Ñipe nampa Biblian kusreu.
