KUSRENANIK 15
¿Jesús mu kø?
Metrapsrønkutri møyankatik yam misakmera Jesúswan nepua ashipelø køn. Inchentø, yam misakmera Jesúswai munchin ashipelø kuakucha, Jesús mu kui tap nepua ashmelø køn. ¿Bibliape Jesúswaimpurap chi kusrenana?
1. ¿Jesús mu kø?
Jesúspe kan ángel srømpalasrø wapik køn latrø murik. Jeupape srøtø marøppe Jesúswanmetrik mara pasrik køn. Inchawai, nø “chigurrimbunø pønrrabigwan marmøwatøsrøwei tru srøsrø nømerrig pasrabig [kuik køn]” (Colosenses 1:15). Bibliape eshkapik køn Jesús Tiuswai kantø Nusrkain køn cha, kakentø Tius nøtø muken purukuimíik marik kua (Juan 3:16). Jesús nui Møskaimpa chimerantøkucha mara pønsram purukuik køn, katøkucha latrø tap trak linchipelø køn (leu Proverbios 8:30). Jesúspe “Wam” køn, kakentø Møskawai wamwan srua intrapik køpen (Juan 1:14).
2. ¿Jesúspe yu Piraumay chincha atrik kø?
2.000 pilamerasrønkutri, Jeupa nui espíritu santotøka kan milagro marik køn: srømpalasrønkutri Jesúswai øsik unikwan kan srusrø, María taikwan, nui patsø umpu kal-lantrai marik køn (leu Lucas 1:34, 35). Jesús yu Pirau atruppe Mesías køntrai, incha maya misakmeran kaikyukutri wesruntrap atrik køn. a Misakmera nø “Cristo, Øsig wab Tiuswei Nusrkain” kui asamtik køntrai, Bibliayu chap eshkailø Mesíaswaimpurap chishtø Jesúswantø purayaik køn (Mateo 16:16).
3. ¿Møi kualømpe Jesús chu waira?
Jesús kuapen, Tiuspe srømpalasrø katøle espíritu køntrai øsiranik køn. Truyupe “Tiusbe nune purø nuig kønrrai” mara wamik køn (Filipenses 2:9). Møya, Jesús latrø nuik køn inchentø Jeupa mas purap nuik køn.
MAS NEPUA KUSREU
Tsøntatø mas tap nepua ashkun, Jesús mu kuitashchap incha chincha tap nepua asamik kui.
4. Marampurap Marøpik Jesús Tius kømøn
Srømpalasrø Jesúspe poder tøkaik køpentø, Biblia eshkapik køn, Jeupa nui Møskai, maik karuikwan møra marøpik kui, ¿øyeekpe chincha trenchipelø kø? VIDEUN asay wetøashchappe Bibliayu eshkaimpala Jesúspa Tius Marampurap Marøpikpa pek pek kui.
Bibliayu versículosmera pørik pøntrapelø tør kenamaran Jeupapa Jesúspa pek pek kui. Kan kan versículosmeran ley, ik leikwan pinaku paílan waminchap:
Ley Lucas 1:30-32.
-
¿Ángel eshkainuk, Jeupapa Jesúspa chincha pek pek kø?
Ley Mateo 3:16, 17.
-
¿Srømpalasrønkutri kan wam chi taik kø Jesús piu umpu ulsrøpen?
-
¿Ñi isuinuk mui wam kuik kera?
Ley Juan 14:28.
-
¿Nakchaku karupik mu kø, møskai kape nusrkai?
-
¿Jesúspe manchatrentaik kø Jeupawan “Møskain cha”?
Ley Juan 12:49.
-
¿Jesúspe isuik kø chintera nøpa nui Møskaimpa kantø køpreitamap? ¿Ñipe chi isuku?
5. Jesúspe Mesías kuik køn
Maya misakmeran kuamikyukutri wesrantrap, Tiuspe Mesíaswan ørik køn. Trupe Bibliayu metrapsrønkutri chap eshkailø Mesías mu kui nepua ashchai purukupik køn. VIDEUN asay, videuyu kenamaran metrapsrønkutri chap eshkailø Jesúswaimpurap nø yu Pirau uñip uras maik purayaikwan.
Bibliayu metrapsrønkutri chap eshkailan ley. Yu leinuk pinaku paílan waminchap:
Mesías chu kal-laikwan nepua ashchappe ley Miqueas 5:2. b
-
¿Metrapsrøwai wamintik Jesús kal-lapen treek puik kø chintera? (Mateo 2:1).
Mesías kuamikwaimpurap metrapsrønkutri chap eshkailan ashchappe, ley Salmo 34:20 trukutri Zacarías 12:10.
-
¿Metrapsrøwai chap wamintik treek puik kø chintera? (Juan 19:33-37).
-
¿Metrapsrøwai chap wamintilan Jesús treek puraintrai marik kø chintera?
-
¿Jesúswaimpurap metrapsrøwai chap wamintilø ñune chi kusrenana?
6. Jesúswan tør nepua asamik purukupik køn
Biblia eshkapik køn nampe kusremik kui Jesúswaimpurap incha Tius maik karuikwan Jesúswan. Ley Juan 14:6 incha 17:3, yu leinuk pinaku paíkwan waminchap:
-
¿Jesúswan chinchatre tap nepua asamik kø?
Jesús maywan kurik køn Tiuswai tap linchipelø køntrai trektøwai Jeupawaiwan ciertonikwan kusrenanik køn. Jesúskutriwai manakatik øsik waramikwan utøntrun.
MØILØPE TREEK ISUPELØ KØN: “Jeupawaiwan waminchipeløpe Jesucristone køremelø køn cha”.
-
¿Ñipe chi løtapsruku?
¿CHI KUSREKU?
Jesúspe kan ángel latrø murik, Tiuswai Nusrkai, Mesías køn.
Kusreikwan katøle isuntrap
-
¿Chincha Jesúspe “chigurrimbunø pønrrabigwan marmøwatøsrøwei tru srøsrø nømerrig pasrabig” kø?
-
¿Jesús yu Piraumay atrumuatø chi marøpik kuik kø?
-
¿Jesús Mesías kui nampe mantø nepua ashchap?
MAS NEPUA ASH
Jesús Mesías kui chi kenamarikwan nepua ash.
¿Yu Pirau møskaløma urek tøkakøpelø køn, øyeek lataitøwai Tius Jesúswai Møskai kø chintera? Biblia maik kusrenanøpik kuikwan ash.
“¿Chincha Tiuswai Nusrkain køn chipelø kø Jesúswan?” (jw.org yu pørilø)
Tiuspa Nusrkaimpa espíritu santopa pønpa kantø køn chipelø køn, Biblia treek kusrennamuikwan nepua ash.
Leu kan ishuk Bibliayu Jesúswaimpurap kusreikwan nepua ashen, nui øsik unikwan mantø yunømarik kui.
“¿Kan judíasrik ishuk misak nø køreikwan chincha yunømarik kø?” (¡Despertad!, mayo 2013wai)
a Kusrenanik 26 kenamaran mayelan kaikyukutri wesrailø kømik palapik kui incha kusrenanik 27 kusrenanan Jesús namune mantø kaikyukutri wesrailø køntrai purukupik kui.
b Pititø pørik 2wan ash, Bibliayu eshkainuk Mesías mana yu Pirau uñchapikwan kenamaran.
