KUSRENANIK 17

¿Jesús maik kø?

REPRODUCIR EN

¿Jesús maik kø?

Kusrep yainuk yu Pirau Jesús marikwan trentaikwan, Jesús chi tapelø tøkakuikwan kenamarik køn. Ik kenamarinuk Jesúswan Jeupawan mas pulu kemallinkarun. ¿Ik tapelø tøkakuilan møilø kera? ¿Jesús latawai køntrap chi maramik kø?

1. ¿Jesús nui Møskaimpa maik asønapik kø?

Jesús srømpalasrø waik køn latrø yam pilamerasrø Jeupa marikwan aship, nø maik køtashchap aship. Inchawai isuik, mørøraik incha nø latawai marøpik køn (leu Juan 5:19). Jesús nui Møskai maik kui treekwain køn. Jesús trentaik køn: “Nan ashibiibe, Møskawangucha asan cha” (Juan 14:9). Ñi Jesúswan tap nepua ashape, trektøwai Jeupawankucha tap nepua ashchun. Por ejemplo, Jesús maik yu Pirau misakmeran lastima asikpe ñunkucha Jeupa lastima asan.

2. ¿Jesús mantø kenamara nui Møskawan untarapik kui?

Jesús trentaik køn: “Pirau misaamerabe asam kusremig køn cha, nabe nai Møskawan undaguig køb, trurrigu nabe Møskai maig martrai karuigwan treeg marøbig [kuik køn]” (Juan 14:31). Jesús yu Pirau uñip uras kenamarik køn latrø nu untarapik kui Møskawan, maya murik atrinkucha nø maik karuikwan marik køn. Trektøwai latrø kustaik kuik køn, nui Møskai maik kuikwan wamintamik katøkan misakmeran Tiuswai linchipelø køntrai purukumik (Juan 14:23).

3. ¿Jesús mantø kenamarik kø misakmeran untarapik kui?

Bibliape trenchipik køn Jesús purø nu untarapik kui misakmeran (Proverbios 8:31). Jesúspe untaktøka purukuik køn katøpurø pakarantrai isua kømø, marampurap martrai traniktøka misakwan lastima asik køn (Marcos 1:40-42). Søteelan tammay untak kenamarøpik kuik køn. Nø wamintikwan tammay mørene tap mørørankarupik køn. Nø maik kusrenanilan møra marøpelan latrø nu untakik kua, maya misakmeran untak køptø kuantraptøwai pasraik køn (leu Juan 15:13, 14).

MAS NEPUA KUSREU

Jesús mu kuitashchap tap nepua ashkun. Nampe Jesús latawai merø kømø untak kenamarikwan ashkun.

4. Jesúspe latrø nu untakik køn nui Møskawan

Nø kenamariktrawa kusrenanan, mantø untak kenamaramik Jeupawan. Ley Lucas 6:12 incha Juan 15:10; 17:26. Versículosmera ley mørik trukutri yu leinuk pinaku paíkwan waminchap:

Jesús marikwan isupene, ¿nampe mantø untak kenamara Jeupawan?

Jesús yu Pirau uña nui Møskawan untarapik kuik køn incha chu urastøkucha nøpa waminchipik kuik køn.

5. Jesús isui inchipik køn tre chikarwaimpurap

Jesús isui inchipik kuik køn nuimpurapken kømøtø, masken katøkanelaimpurap. Latrø køtrø muraaraik wawatøkucha utø wesrupik kuik køn katøkanelan purukuntrap. Ley Marcos 6:30-44, yu leinuk pinaku paílan waminchap:

Yu kenamarimpala Jesús katøkanelaimpurap tap køntrai isupik kui, ¿mantø kenamara? (Ash versículosmeran 31, 34, 41, 42).
¿Ik misakmeran Jesús chincha purukuik kø? (Ash versículo 34n).
¿Jesús Møskai lataik kuik køppe ñune chi kusrenana Jeupawaimpurap?
Jesús latawai, ¿nampe katøkanelai tap køntrai isupelø kui mantø kenamartrap?

6. Jesúspe merø kømø tranøpik køn

Jesúspe waacha køpentø merømø tranøpik kuik køn, treeløwain køntrai namun kusrenanøpik køn. Ley Hechos 20:35, yu leinuk pinaku paíkwan waminchap:

¿Jesús taimpala namun chi kasraranøpik kø?

VIDEUN asay, yu videu asinuk pinaku paíkwan waminchap:

VIDEU: Nakutri tranamikpe mas tapken køn na utap lataken kømø (pititø wesruik) (4:00)

¿Nam chikar køpentø katøkanelan mantø purukuntrap?

¿Nepua asha køtitru?

Bibliape kusrenanan oración marinuk Jeupawantø miap wamintamik kui Jesúswai munchiyu pasran (ley Juan 16:23, 24). Øyamay Jesús namuimpurø Jeupawai linchipelø køntrai marikwan unkua chintrap.

MØILØPE TREEK ISUPELØ KØN: “Nam øyeek kiship waraikwane Tiuspe chikucha nepua ashmíik kui lataik køn cha”.

Jesúspe nui Møskai lataik asønapik kuikkutri, ¿Jesús marinuk Jeupa namuimpurø isupik kui mantø kenamara?

¿CHI KUSREKU?

Jesúspe nui Møskawan untarapik kua misakmerankucha trektøwai untaran. Jesús nui Møskai lataik kuikkutri, Jesúswan tap nepua ashene, Jeupawan tap nepua ashchun.