Jeupa “chi maringuen asiimíig marøb Tius” kømuikkutri nui misakmerakucha tap tamara pøntrapelø køn (1 Corintios 14:33). ¿Cristoi wentautø ampupelai kungrekasiunpe maik tamarin pasrapik kø? ¿Nampe tap intrai mantø purukuntrap?

1. ¿Kungrekasiunwan mu aship karup pasrapik kø?

“Cristo nui [kungrekasiunwai], tru nui asrwein tur køb” lataitøwein køn (Efesios 5:23). Jesús Jeupawai misakmeran srømpalasrønkutri chi marøpkuikwan aship wan. Jesús “kan karuindiig megabig maig taigwan møra” marøpikwan wesrua pasrik køn: nømpe Jeupawaiwan marøp metrap pera pøntrapelø køn (leu Mateo 24:45-47). Srøtø siglosrø Cristo nøaship karua øriløpa Tiuswaimpurapelan pera marøp pøntrapeløpa yu Pirau kungrekasiunwan aship pøntrapelø kuik køn, møya trektøwain køn (Hechos 15:2). Inchentø ik møkeløpe namui urkanisasiunwan nøm asha karumelø køn. Masken Jeupa isuikwanpa nui wamyupa lapelø køn, trektøwai Jesús maik karuikwan møra marøpelø køn.

2. ¿Kungrekasiunyu metrap pera aship pøntrapeløpe chi marøpelø kø?

Ik møkeløpe Jeupawan tarømisrmø møra marøp amtrupelø køn. Nømpe Jeupawai misakmeran Bibliayukutri kusrenanøp tap putrøntrai purukup inchipelø køn. Nømpe chikøpen marøppe anwai marmelø køn. Masken purukuppe nømaship “treeg martrab isua marøb, Tius maig palain køben, treeg. Katø ke anwandø chull inchimø, [...] maig maramigwan marøppe, palabinø kømø, tab” marøpelø køn (1 Pedro 5:1, 2). Kungrekasiunyu metrap pera aship pøntrapelan wentau purukupeløpe, yanayupe Biblia maik taikwan marape metrap pera aship pøntrapelø misrtrun.

Jeupawaiwan marøp metrap pera pøntrapeløpe, møilø nunelan kungrekasiunesmeran aship llirapelø køntrai nøm asha wesrupelø køn. Tru kungrekasiunesmeran aship llirapikpe ashchap amtrua, namui nuchalan latrø tap wammeratøka wamincha kasraktø putrøntrai purukupelø køn. Nøm asha wesrupelø køn kungrekasiunyu namui nunelan metrap pera pøntrøntrai trektøwai nømun purukuntrapelankucha Bibliayukutri maik eshkaikwan (1 Timoteo 3:1-10, 12; Tito 1:5-9).

3. ¿Jeupawaiwan waminchipeløpe kan kan chitø maramik kø?

Namui kungrekasiunyu tuluntsuninuk mayeløpa Bibliatøka latrø tap wammera tranen mørøp, tasik kusrua løtap, miirap Jeupawai munchin tap intik køntrai marøpelø ker. Kan kan Tiuswai Wamwan kusrenantrap wepampamik utøchikwan wesrupelø køn (leu Salmo 148:12, 13).

 MAS NEPUA KUSREU

4. Karupik Jesús chi isumø tap pøntrøntrai purukupik køn

Jesúspe latrø tapchik trantrap waminchipik køn. Ley Mateo 11:28-30, yu leinuk pinaku paílan waminchap:

• ¿Jesús mantø karup pasrapik kø? ¿Jesúspe nam maik mørøraik inchai inta?

5. Metrap aship pøntrapeløpe nømui øsik amønainuk kenamariktøka kusrenanøpelø køn

1. Kungrekasiunyu metrap aship pøntrapeløpe Jeupawan trak kementapelø køn, nui yawelankucha trektøwai martrai purukupelø køn.

2. Kungrekasiunyu metrap aship pøntrapeløpe mayelan isupelø køn chi palømøntrai.

3.   Kungrekasiunyu metrap aship pøntrapeløpe chu urastøkucha Tiuswai Wamwan waminchipelø køn.

4. Kungrekasiunyu metrap aship pøntrapeløpe Biblian kusrenanøpelø køn. Trektøwai chish maramiku katø chi maramik køpen purukupelø køn.

6. Metrap aship pøntrapelan purukupelø ker

Bibliape tørtø eshkapik køn kungrekasiunyu metrap aship pøntrapelan chincha purukumik kui. Ley Hebreos 13:17, yu leinuk pinaku paílan waminchap:

• ¿Chincha Bibliape eshkapik kø metrap pera ampupelan møramik kui? ¿Chinchatre tapik kø?

Ley Lucas 16:10, yu leinuk pinaku paíkwan waminchap:

• ¿Chinchatre kungrekasiunyu metrap aship pøntrapelan chiyutøkucha purukumik kø?

 ¿CHI KUSREKU?

Jesús kungrekasiunyu nø aship karup pasran. Tru metrap aship pøntrapelan Jesús aship karup pasran, nampe purukupelø ker kakentø namune tap amtrai purukup kusrenanøp pøntran, incha nømui øsik amønainuk kenamariktøka kusrenanøpelø køn.

Kusreikwan katøle isuntrap

• ¿Kungrekasiunwan mu aship karup pasrapik kø?

• ¿Metrap aship pøntrapeløpe kungrekasiunwan mantø purukup pøntra?

• ¿Jeupawaiwan waminchipeløpe kan kan chitø maramik kø?