KUSRENANIK 21
¿Tap srø wammera mantø kusrenanøpkø?
Jeupa Aship Karup Waikpe yu Pirau trømpøik pup pasrapikwan patsøkamik yana palømøn, treekkutri tap srø wammera eshkantrap katøkanelan waminchipelø ker. Jesús nui wentautø ampupelan Pirø mupa kuimpurap kusrenanøp amtrai isuik køn (Mateo 28:19, 20). ¿Jeupawaiwan waminchipeløpe Jesús øyeek martrai karuikwan martrap mantø marøpelø kø?
1. ¿Møin kualømmera Mateo 24:14 mantø nepup pasra?
Jesús treek eshkaik køn: “Tius nø ashib karub waigwei tabig srø wambe yu pirau pirø muba kuimburab chi misaamerandøgucha eshkab kusrenanig kønrrun [cha]” (Mateo 24:14). Jeupawaiwan waminchipeløpe Tiuswai tap srø wammeran, Pirø mupa kuimpurap, tru 1.000 trikmaykatik køn kasraktø waminchipelø ker. Øyeek maramikpe tap tamara pøntramik køn. Trektøwai Jeupa purukuik chi keikpe nepua maramkeik køn.
2. ¿Misakmeran tap srø wammeran kusrenantrap chi marøpelø køpra?
Misakmera chu amønaiksrø waminchipelø ker, siglo primerosrø latawai “yamørig kusrenanøbelø [ker]” (Hechos 5:42). Øyeek tamara pøntraikpe misakmeran pilamørik tap kusrenanøp ampamtik køn. Inchentø, kanmaywane Tiuswai tap srø wammeran waminchap yamerasrø pupen mukucha kaalapelø ker, treekkuintøkucha parquemerasrø hospitalmerasrø kape chu amønaiksrø kusrenanøpelø ker. Chu urastøkucha Jeupawaimpurap nø martrap isupwaimpurap katøkanelan waminchap isupelø ker.
3. ¿Tiuswai tap srø wammeran mumeratre kusrenanøp ampamik kø?
Cierton Cristoi wentautø ampupeløtre Tiuswai tap srøwammeran kusrenanøp ampamik køn. Misakmera manakatik øsik warøntraimpe, Tiuswai tap srø wammera møramik palailø kui asha pøntraikkutri namun nepuinukkatikpe misakmeran waminchipelø ker (leu 1 Timoteo 4:16). Øyeek marimpurø pakarantraimpe muniramelø ker, pøs Bibliape trenchipik køn: “Ñimun øyeeg martrai tranigwan ñimma ka ketig utig køn cha, ñimgucha katø treegwei marøppe, anwei marmøtay cha” (Mateo 10:7, 8). Maya misakmera mørøk kømui intinkucha, Tiuswai tap srø wammerane elachimø waminchip amtruer, kakentø treek marape Jeupawan adorap kasraktø wantrai marøpelø ker.
MAS NEPUA KUSREU
Jeupawaiwan waminchipeløpe Pirø mupa kuimpurap kusrenantrap chi marøp amtruikwan trektøwai Jeupa mantø purukup pasraikwan ashkun.
Pirø mupa kuimpurap kusrenanøpelø ker: A) Costa Ricasrø; B) Estados Unidossrø; C) Benínsrø; D) Tailandiasrø; E) Micronesiasrø; F) Sueciasrø.
4. Maya misakmeran kusrenantrap inchipelø ker
Jeupawaiwan waminchipeløpe Tiuswai tap srø wammeran, mur kuinkucha, misakmera chu waraiksrø waminchip ampupelø ker. VIDEUN asay, yu videu asinuk pinaku paíkwan waminchap:
-
¿Jeupawaiwan waminchipelø kusrenantrap marimpurø ñune chi mastre tapik asønata?
Ley Mateo 22:39 incha Romanos 10:13-15, yu leinuk pinaku paílan waminchap:
-
¿Nam øyeek kusrenanøp ampikpe misakmeran untarapelø kui mantø kenamara?
-
¿Nui tap srø wammeran waminchip ampupelane Jeupape maik ashipik kø? (Ash versículo 15n).
5. Tiuswan purukupelø ker
Jeupa nuimpurap wamintamikwan Pera Ip Pasrapik kui ashchap, Nueva Zelandasrø kan purayaikwan ashkun. Kan maapen, Paul kan Jeupawaiwan waminchipik ya mørik waminchip uña kan ishukwai yau pupen, tru ishukpe trentaik køn: “Mira løtsø Tiuswan nui munchi Jeupawan wamap yaik køn tru nan nuimpurap kusrenantrai mun køsrøn ørtra cha”. “Na øyeek miap wainukkutri, pøn ura puraipen na puik køn cha”, Paul trenchipik køn.
Ley 1 Corintios 3:9, yu leinuk pinaku paíkwan waminchap:
-
¿Øyeek purayaikpa Jeupa nuimpurø wamintikwan pera ip pasrapik kui mantø kenamara?
Ley Hechos 1:8, yu leinuk pinaku paíkwan waminchap:
-
¿Katøkanelan Jeupawaimpurap kusrenantrap nui purukuikwan chincha palailø kø?
¿Nepua asha køtitru?
Tøpø truneyu tuluntsunik mørik mantø kusrenanøp ampamikwan kusrenanøpelø køn. Ñi namui tuluntsuninukmay atrupen øyeek kusrenanikwan asha, ¿ñune maik asønaik kø?
6. Øyeek kusrenanøp ampape Tius maik karuikwan marøpelø ker
Siglo primerosrø, Cristoi wentautø ampupelan ashik kømui inchipeløpe kusrenanmøntrai søtøkatapelø kuik køn. Tru srøtø siglosrømpe Tiuswai tap srø wammeran søtøkatinmíik waminchip amtrap karup putrapeløpa waminchap ampik køpik køn (Filipenses 1:7). Møin kualømkucha, Jeupawaiwan waminchipeløpe trektøwai marøpelø ker. a
Ley Hechos 5:27-42, yu leinuk pinaku paíkwan waminchap:
-
¿Søtøkatinkucha Tiuswai tap srø wammeran chincha waminchap ampupelø køpra? (Ash versículosmeran 29, 38 incha 39).
MØILØPE TREEK PAYIPELØ KØN: “¿Jeupawaiwan waminchipeløpe chincha ya mørik waminchip ampupelø kera? cha”.
-
¿Ñipe chi løtapsruku?
¿CHI KUSREKU?
Jesús nui wentautø ampupelan Pirø mupa kuimpurap Tiuswai tap srø wammeran waminchai karuik køn. Jeupa nui misakmeran øyeek martrai purukup pasran.
Kusreikwan katøle isuntrap
-
¿Tiuswai tap srø wammeran Pirø mupa kuimpurap kusrenantrap chi marøpkø?
-
¿Nam Tiuswai tap srø wammeran kusrenanøp ampinuk misakmeran untarapelø kui mantø kenamarøpelø kø?
-
¿Tiuswai tap srø wammeran wamintikpe kasrakelø køntrai purukuntrauta? ¿Chincha?
MAS NEPUA ASH
Nøtrø ciudasrø Jeupawaiwan waminchipelø mantø kusrenanøpelø kuikwan ash.
Parissrø nøtrø nøtrø misakmera puraampiksrø exhibidortøka kusrenanøp (5:11)
¿Nøm warainukkutri wepampa ampupelan Jeupawaiwan waminchipeløpe mantø purukup pøntra?
Nøm warainukkutri wepampa ampupelan Tiuswan tap nepua ashchai purukuik køn (5:59)
Kan ishuk Jeupawayelan newan marøpik latrø kasrak uñipik kuikwan ash.
Jeupawayelan newan martrap isuikkutri latrø tap køtan (6:29)
Asay tru juecesmera nømpa waminchen Jeupawaimpurap wamintamik murik kømøntrai chi marikwan.
a Yu Pirau karupeløpe Tiuswai tap srø wammeran waminchimøntrai katinkucha nampe ka waminchip ampupelø ker kakentø øyeek martrai karuikpe Tius kuikkutri.
