Bibliape trenchipik køn: “Misakmerape yana warømelø køp incha øsik warainukpe mur kualømmera pupik køn [cha]” (Job 14:1). Pero, ¿Tius treek warøntrai marik kø chinta? Kape ¿Tiuspe namuimpurø chi isua martrap kø? ¿Tru manakøpen treek martrera? Trupurap Biblia manchipik kuikwan ash.

1. ¿Tiuspe nam maik warøntrai isupik kø?

Jeupape nam tap warøntrai isupik kuikkutri, Adánwanpa Evanpa marøppe tru latrø tap Pirøchiku pønsraik køn: Edén taiksrø. Truyu “Tiusbe mayanguen tabig nebuilø kønrrigay chib, trenchibig køn: ‘Srøig larrøbitchabig yellmera tøgagøb, srøitø srøitø larrø nørrø nemisrtrigay cha. Ñimbe pirøwan netsøgana, pirøwane ñim ashib tøga pønrramisra, chinchaingaig ñim ashib karunrrigay chaʼ” (Génesis 1:28). Jeupape misakmeran marøppe urek tøkamisra, latrø tap Pirøchikwan latrøpitcha, ushameran aship tøkakøntrai isua marik køn. Trupe, Jeupape namun marøppe kuantrømisrmø, manakatikwai øsik warøntrai marik køn.

Møi kualøm treek warømuinkucha, a Tiuspe nui martrap isuikwane yunømarmø pasran (Isaías 46:10, 11). Jeupape tru misakmeran nun mørøpelane manakatikwai kasraktø amøñintrai katøkucha isup wan (leu Apocalipsis 21:3, 4).

2. ¿Møinkutri nampe mantø kasraktø amøñintrap?

Jeupape namun marøppe nun nepua asha, nun adorantrai isuntrai marik køn (leu Mateo 5:3-6). Nøpa trak lincha pøntrøntrai isup, nuimpurapelan marøp, nun untarawa nam nun mantraukutri servintrai isupik køn (Deuteronomio 10:12; Salmo 25:14). Treek marene, mur kualømmera puintøkucha, tap amøñintrun. Jeupawaimpurapelan marene, namui øsik amønainuk cierton kasrakelø amøñintrun.

 4. Jeupa namuimpurap martrap isuikpe truiktøwain køn

Ley Salmo 37:11, 29 incha Isaías 55:11, yu leinuk pinaku paíkwan waminchap:

• ¿Tius namuimpurø martrap isuikpe truiktøwain kui mantø nepua asha kø?

5. Jeupawayelan marene latrø kasrak amøñintrun

 ¿CHI KUSREKU?

Jeupape manakatikwai nam yu Pirau pishintø tap warøntrai isupik køn, incha møi kualømkucha Jeupawayelan mantraukutri marene kasraktø amønamtik køntrun.

Kusreikwan katøle isuntrap

• ¿Jeupa Adánwanpa Evanpa marøppe chi isua marik kø?

• ¿Tius namuimpurø martrap isuikpe truiktøwain kui mantø nepua asha kø?

• ¿Møinkutri ñipe mantø kasrak uñchap?