Biblia trenchipik køn kuamikpe tru kan tsalø ashipik lataik køn cha, kakentø kan yawik kuapen, namun køtrø pusrkuankarupik køn (1 Corintios 15:26). Kusrenanik 27 asimpala, Jeupape kuamikwan patsøkøntrap køn. Inchentø, ¿kuapeløpa chi puraintrera? Ik kusrenaniku nepua ashchun Jeupa martrap misrikwan, nøpe latrø nu misakmeran katøle manakatik øsik warøntrai kusruntrun. ¡Nømpe katøle øsirantrun! ¿Treekpe cierton kø chintera? ¿Chu øsirantrera, srømpalasrø kape yu Pirau?

1. ¿Jeupa namui kuapelaimpurap chi isua martrap kø?

Jeupape kuapelan kusruntrap latrø tap kui aship wan. Job kan møk Tiuswainuk kørewa pasrapik trentaik køn, nø sørik tsuinkucha nøpe pesannamøntrun cha. Inchakutri nøpe trentaik køn: “Ñi wamøpen nape løtamøntrun” cha (leu Job 14:13-15).

2. ¿Kuapeløpe katøle øsirantrap kui chincha nepua asha kø?

Tius Jesúswan kuapelan øsirantrai marik kua, yu Pirau uñip uras kan srusrø unan 12 pila tøkaikwan incha kan piudai nusrkawanpa øsiranik køn (Marcos 5:41, 42; Lucas 7:12-15). Trukutri, nui tap linchipik Lázaro kuapenkucha, tru pip kualøm sørik tsuinkucha Jesúspe nun øsiranik køn. Jesúspe Tiuswan chap miawa, trupa mur wamapik køn: “¡Lázaro, webamø!—cha”. Inchene “tru kwabiibe [...] webarruptinchibig køn” (Juan 11:43, 44). ¡Lázaroi yaweløpe trupa kasraraik kuintrun!

3. ¿Ñimui kuapeløpe katøle øsirantrauta?

Bibliape tør eshkan tru kuapelø katøle kutrøntrap kui (Hechos 24:15). Jesús yu Pirau uñip uras, tru kuapelan øsiraniløpe kuaik warainukkutrimpe srømpalasrømay ammuik køpik køn (Juan 3:13). Mayeløpa tap kui pøntraik køn yu Pirau øsirantrap kua. Trektøwai yana palømøn tru latrø nu misakmera kuailan yu Pirau latrø tap Pirøchiku manakatik øsik warøntrai øsiranamik. “Mayan kwabelø søriilø purrabelø”, kape Tiuswai isupiku pøntrapelø, katøle øsirantrun taik køn, tru muken isumuilanken (Juan 5:28, 29).

 MAS NEPUA KUSREU

4. Jesús kuapelan cierton kusruntrap kui kenamarik køn

Jesús nui tap linchipik Lázaroimpurap chi mas marikwan nepua ash. Ley Juan 11:14 incha 38-44, yu leinuk pinaku paílan waminchap:

• ¿Lázaro cierton kuain tsuik kui chincha nepua asha kø? (Versículo 39n ash).

• Lázaro kuawa srømpalasrømay yaik kuimpe, ¿Jesús yu Piraumay katøle srua atrupsruik kø chintera?

VIDEUN asay.

5. Latrø nu misakmera katøyu øsirantrun

Ley Salmo 37:29, yu leinuk pinaku paíkwan waminchap:

• ¿Misakmera øsirapelø chu warøntrera?

Jesús Jeupawan adorapelantø øsiranmøtø, katøkan misakmerankucha øsirantrun. Ley Hechos 24:15, yu leinuk pinaku paíkwan waminchap:

• Kuapelø katøyu øsirapen, ¿ñune mun øsiraik ashik keta?

• ¿Ishuk unai møskalan kuapelaimpurap nepua asikpe nømun mantø purukuik kø?

 ¿CHI KUSREKU?

Biblia tør eshkan tru latrø nu kuapelan yu Pirau katøle øsirantrap kui, Jeupa treek martrap isup waikkutri Jesúswan kuapelan katøle kusruntrai marampurap marøpikwan tranik køn.

Kusreikwan katøle isuntrap

• ¿Mantø nepua asha kø Jeupapa Jesúspa kuapelan kusruntrap kui isup putraik?

• ¿Øsirantrapeløpe chu øsirantrera: srømpalasrø kape yu Pirau? ¿Chincha øyeek isuku?

• ¿Chincha kørewa pasrøku ñui yawelø øsirantrap kui?