KUSRENANIK 34

¿Jeupawan untarapelø kui mantø kenamartrap?

REPRODUCIR EN

¿Biblian kusrep mentikkutri Tiuswan mas kemallip pasraik mørku? ¿Nøpe lincha pasraikpe mas mur misrtrai ñun kustantrauta? Treek køpene, pesannamøta: Ñi Jeupawan mas untarapene, nøkucha ñun mas untarawa aship pasrøntrun. ¿Trupe ñi Jeupawan untarapik kui mantø kenamartrap?

1. ¿Nampe Jeupawan untarapelø kui mantø kenamartrap?

Jeupawan møra marene nun untarapelø kui kenamarøp køntrun (leu 1 Juan 5:3). Nøpe nun møra martrai wentautø pasrømøn, masken nøpe nam isua møra martrai munirapik køn. ¿Chincha treek kø? Kakentø Jeupape nam “manrraugurri” møra martrai munirapik køn (Romanos 6:17). Trupe nøpe ñun nø karuikkutrintø kømø, untak kuikkutri møra martrai isun. Ik pørin kilkayukutri sección 3 incha 4 ñun purukuntrun Jeupawan untarapik kui kenamartrap papurap maramik kui, tru Jeupawai kapyu tap asikwan marøp, tru Jeupa tap ashmuikwane marmup.

2. ¿Jeupawan untak kenamaramik kanmaywane chincha fácil kømø?

“Sølwan marøpelaimpe chikøpen trømpøiktø pun” (Salmo 34:19). Nam sølkantelø kømuikkutri fácil kømøn trektøwai an lamik mur køpen, søl marmuik ashen kape chikøpentø pupen, mur kualømmera puraampup meløpen Jeupawan møra marmumik fácil køn, kakentø tru urastøwai Jeupa martrai karuikwan møra maramik mur køpik køn. Inchentø Jeupawan møra martrap trantrøpene, nuntø newan untarapik kui incha mur kualømmera puinkucha, nun tarømisrmø pasraik kenamartrun trektøwai Jeupakucha ñuinukkutri manaken tarømisrmøntrun (leu Salmo 4:3).

MAS NEPUA KUSREU

Nam Jeupawan møra marikpe nui kapyu chincha latrø nuik kuikwan incha nuinukkutri tarømisrmøntrap chi purukupik kuikwan ashkun.

3. Kuaimantsikpe ñuimpurø trømpøik wamintan

Bibliayu Jobwan chi purayaikwan lepene, Satanás Jobwaimpuraptø kalø wamintikwantø kømø, tru Jeupawan møra marøpelaimpurapkucha kalø wamintikwan ashchun. Ley Job 1:1 incha 1:6-2:10, yu leinuk pinaku paílan waminchap:

Kuaimantsik taimpala, ¿Jobpe Jeupawan chincha møra marøpik kuik kø? (Job 1:9-11n asay).
¿Kuaimantsikpe misakmeraimpurø ñuimpurø chi trømpøik waminchipik kø? (Job 2:4n asay).

Ley Job 27:5b, yu leinuk pinaku paíkwan waminchap:

¿Jobpe mantø kenamarik kø Jeupawan cierton untarapik kui?

Jobpe Jeupawan tarømisrmuikkutri Jeupawan untarapik kui kenamarik køn.

Nam Jeupawainukkutri tarømisrmupene, Jeupawan untarapelø kui kenamartrun.

4. Jeupa kasrak wantrai mar

Ley Proverbios 27:11, yu leinuk pinaku paíkwan waminchap:

¿Jeupa maik mørørai inchipik kø ñi møra maren, tap isua maren? ¿Chincha?

5. Ñi Jeupawan tarømisrmø møra maramtik køntrun

Jeupawan untarapelø kuikkutri katøkanelan nuimpurø waminchai purukupik køn. Nun tarømisrmøntrap isua marene, fácil kømuinkucha treek martrap purukupik køn. VIDEUN asay, yu videu asinuk pinaku paílan waminchap:

VIDEU: Søtøpøntramisrinkucha ñui køreilan kørmø waminchi (5:09)

¿Jeupawaimpurap wamintamik ñun kørik køpik kuita?
Videu asimpala, ¿Grayson kørmø wamintamik chi purukupik kuik kø?

Tapikwanpa kaikwanpa Jeupa maik ashipik køpen namkucha treek ashene, nuinukkutri tarømisrmøntrap mas fácil køntrun. Ley Salmo 97:10, yu leinuk pinaku paílan waminchap:

Yukatik kusrep atrinuk, ¿Jeupape chi marilantre tap ashipik kø? ¿Incha chi marilantre tap kømui ashipik kø?
¿Tapikwan untarantrap incha kaikwan tsalø ashchap chi purukuntrera?

6. Jeupawan møra marene tap amøñintrun

Jeupawan møra marene chu uratøkucha tap intrun. Ley Isaías 48:17, 18, yu leinuk pinaku paílan waminchap:

Jeupape chu uratøkucha namun tap amtrai nepua aship pasrapik køn. ¿Ñipe truyu kørepik køtitru? ¿Chincha?
¿Yukatik Biblian kusreikpe incha Jeupa tap nepua asikpe mantø purukup atta?

MØILØPE TREEK ISUPELØ KØN: “Nam chikøpen marikwane Tiuspe ashmíik køn cha”.