KUSRENANIK 35

¿Mantø tap isua martrap?

REPRODUCIR EN

Mayelan manatøkucha isua maramikpe pupik køn. Øyeek isua mariløpe namui øsik uninuk incha Jeupapa lincha pøntraikwanpa tap køntrai kape mintishintrai martrun. Por ejemplo, chu warøntrap, an kanantrap incha kasharantrap kø kape kasharamøntrap kø isup wape. Trupe nam tap isua marene, Jeupawan kasraktø marøp, namkucha kasraktø amøñintrun.

1. ¿Bibliape ñun mantø purukuntrera tap isua martrap?

Chikøpen isua martraptø Jeupawan purukutra cha miau. Trukutrimpe ñi martrap isupwaimpurø Bibliayu Jeupa maik isupik kuikwan lau (leu Proverbios 2:3-6). Kanmaype Jeupape chi maramikwan tør kenamartrun. Truikwan møra marene nampe tap isua martrun.

Inchentø Bibliayu lapen chi maramikwan tør kømup lataik inchen, ¿chi martrap? ¡Chi isumøta! Jeupape “tap maywan ik pasrøntrai pera ip pasrapik køn” (Isaías 48:17). ¿Mantø? Bibliayukutri ciertonelø pøntrapeløpe Jeupa maik isuikwan, maik mørøraikwan, tør kenamaran. Nam Biblian lewape Jeupa chi isuikwan nepua asikkutri nam isua marøppe Jeupa tap kui wantrai isua martrun.

2. ¿Ñi isua martraptø chiwan isua tøkakømik kø?

Biblia trenchipik køn, nepua ashipikpe chikøpen martraptø tap isua marøpik køn cha (Proverbios 14:15). Inchawai chikøpen martraptø maik køntraptik kuikwan isumik køn. Ilan paya møramik køn: ¿Bibliayukutri ciertonelø pøntrapeløpe chi kenamarøp pasra? ¿Øyeek isua marikpa chi isumø unamik purukupsru chintera? ¿Katøkaneløpe na øyeek isua marikwan maik ashchera? Incha ikwan isu mas ñiken: ¿Øyeek isua marikpe Jeupa kasrak wa chintera? (Deuteronomio 32:29).

Tiustø køn tru namun chi tapik kui, chi kalø kui kenamartrapikpe. Jeupawai karuikwan, tru Bibliayukutri ciertonelan nepua asha treelan møra martrap inchene, namui isup kepachipikwan tap kusrenantrun. Isup kepachipikpe namui umpu, ñipe kalø marøp kape tap marøp pasran cha, eshkapik truik køn (Romanos 2:14, 15). Namui isup kepachipikwan tap kusrenanik køpene, tap isua martrai purukuntrun.

MAS NEPUA KUSREU

Bibliayukutri ciertonelø pøntrapeløpa tru isup kepachipikpa tap isua martrai maik purukupelø kuikwan ashkun.

3. Ñi isua martraptø Biblia maik taikwan ash

¿Bibliayukutri ciertonelø pøntrapeløpe mantø purukuntrera nam tap isua martrap inchen? VIDEUN asay, yu videu asinuk pinaku paílan waminchap:

VIDEU: Nam isua martraptø Bibliayukutri ciertonelan ashkun (5:54)

¿Jeupa namun chi latrø tapchikwan keta trana?
¿Jeupape chincha namtøwai isua martrai marik kø?
¿Jeupa namun tap isua marøpelø køntrai chiwan trana?

Kan ejemplo ashchap, ley Efesios 5:15, 16. Trukutri wamintay tru namui utøwan mantø tap asha tøkakømikwan tru...

... kualømmørik Biblian lemikwan.
... mas tap keelø, sralø, møskalø, urekmera køntrap.
... kungrekasiun tuluntsuniksrømay ampamikwan.

4. Ñi tap isua martrappe ñui isup kepachipikwan tap kusrenan

Biblia martrai karuikpe tør køpene, tap isua maramik fácil køntrun. Inchen tør kømupene, ¿chi martrap? VIDEUN asay, yu videu asinuk pinaku paíkwan waminchap:

VIDEU: Namui isup kepachipikwan tap tøkakøkun (5:13)

Videu asimpala, ¿tru nuchakpe Jeupa tap kui wantrai nui isup kepachipikwan mantø kusrenanik kø?

¿Katøkanelan namuimpurø isua martrai nampe chincha miamumik kø? Ley Hebreos 5:14, yu leinuk pinaku paílan waminchap:

Chikøpen martraptø katøkanelan mantø maramø cha payamikpe fácil køn. Inchentø, ¿chincha namtøwai tap isua maramik kø?
¿Chimeratø purukuntrera namui isup kepachipikwan tap isupik køntrai maramik?

Isup kepachipikpe kan mapa lataik namui øsik amønainuk tap amtrai kenamarøpik køn.

5. Katøkanelai isuikwan kuenta tøkaku

Nam mayelø pekmayelø isupelø kuikkutri pekmaytø isua marøpelø ker. Trupe, ¿katøkanelai isuikwan kuenta tøkailø kui mantø kenamartrap? Maik køpik kuikwan papurap ashkun.

Kanyupe: Kan nuchak maløwan pisam kustaik pek kungrekasiunsrø tuluntsuna mentøpen, truyupe nuchaløpe maløwan pisamik tap kømui ashipelø køn.

Ley Romanos 15:1 incha 1 Corintios 10:23, 24, yu leinuk pinaku paílan waminchap:

Versículosmera leimpala, ¿ik nuchak chi marøpsruera? Katøkanpurappe, ¿ñui isup kepachipikku tap køn tainkucha katøkanelai isup kepachipikku tapik kømui ashape chi marøpsruku?

Payupe: Kan nunek ashipik køn tru Bibliape kørap pi mutsamikwan newan merømíik kui. Pero nøpe maichikken muchimøntrap køtrømisran. Inchentø kan pieje tap utø puraamtrap cha eshkapen, truyu nuchalan møilan mutsirantrap kømø, lamø muchip putraik asan.

Ley Eclesiastés 7:16 incha Romanos 14:1, 10, yu leinuk pinaku paílan waminchap:

Versículosmera leimpala, ¿ik nunek chi marøpsruera? Katøkanpurappe, ¿katøkanelø chikøpen maren ñui kapyu tap kømui asønapen ñipe chi marøpsruku?

¿Tap isua martrappe chi martrap?

1. Jeupawan purukutra cha miau, tap isua martrap (Santiago 1:5).

2. Bibliayu incha Bibliayukutri wesrua pørin kilkamerayu mantø maramikwan lau. Trektøwai kungrekasiunyu nuchalan purukutra cha miau.

3. Øyeek isua marikpa ñi maik mørørai inchap kuikwan, katøkanelø maik mørørai inchap kuikwan isu.

MØILØPE TREEK ISUPELØ KØN: “¡Chikøpen chintrai muniramø! Ñui martrap isuikwane maramik køn cha”.

¿Tius isuikwan katøkanelai isuikwanpa nampe chincha kuenta tøkakømik kø?

¿CHI KUSREKU?

Jeupa maik isuikwan kuenta tøka marene tap isua martrun, trektøwai nam mariløpe katøkanelan tap køntraptik kui, tap kømøntraptik kui nepua asha maren.