Sølkantø marøpelan maya misakmera linchipelø martrap isun, Jeupakucha øyamaytøwai linchipelø martrap isun sølkantø marøpelø. Inchentø møyampe sølkantø marøpelan lamikpe latrø murik, kakentø møiløpe isaptelø køn. ¿Chi tapelø utøntrera sølkantø marøpeløpe? ¿Møilø kø?

1. ¿Chinchatre latrø tapik kø sølkantø marøp pasramikpe?

Nam sølkantø marape kenamaran, Jeupawan kørikpala untaktøka pøntrapelø kui. Isukun Jeupape chishtø namui isupikwan, marilan nepua ashipik kui (Hebreos 4:13). Nam sølkantø marene Jeupape latrø tap kui ashipik køn. Tiuswai Wampe trenchipik køn: “Jeupape kaik misakmerane tsalø kui ashipik køn, inchentø sølkantø marøpelane trak kantø lincha pasrapik køn” (Proverbios 3:32).

2. ¿Nam øsik amønainuk kualømmørik sølkantø mantø martrap?

Jeupa karuikwane “ampukutri ikutri sølkantø” wamintamik køn (Zacarías 8:16, 17). ¿Ikpe mantø kø? Nampe yawelan lata, lincha kuallipelan lata, kungrekasiunyu namui nuchalan lata, katø yu Pirau asha karupelan lata isa waminchimelø ker. Misakmera sølkantø marøpeløpe chikøpen ketrantrap isa wamincha nilømumik køn (leu Proverbios 24:28 incha Efesios 4:28). Trektøwai chiwankøpen pakaramik pupen pakarapelø køn (Romanos 13:5-7). Iløyu lata kaneløyu lata nam øsik amønainuk, “chiyutøgucha nambe tabig marøb melønrrab isua meler” (Hebreos 13:18).

3. ¿Sølkantø marøpeløpe chi tapelø utøntrera?

Nam sølkantø marape isuintelø amøñimøntrun, tapik marøpelø kui asilø køntrun. Trektøwai kungrekasiunyu kan ya lataik chi isumø tap amøñintrai purukuntrun. Trektøwai isup kepachip pasrapiku chi kalø køn chipik chikar køntrun. Nam sølkantø marøpelø køpene, “Tius namui Kaigyugurri Wesrabigwei tabig kusrenanigwan nøm chi marigutøgucha purø tab kui asig kørrømisrtrai”, katøkanelan Jeupawayelan martrai purukuntrun (Tito 2:10).

 MAS NEPUA KUSREU

5. Chu urastøkucha sølkantø markun

 6. Sølkantø marikpe namun purukuntrun

Sølwan marene inchippa kanmaype tap kømíik puntrun, inchentø namuintøwai tap puntrun. Ley Salmo 34:12-16, yu leinuk pinaku paíkwan waminchap:

• ¿Sølwan marene nam øsik amønaik mantø tammisrtrera?

1. Kekpa sraimpa ciertonikwan sørømø waminchene, kasraktø tap amøñintrun.

2. Kuallipelø sølkantø marene, patrónmera tap kui asha chi isumøntrun.

3. Misakmera sølwan marene, aship karupelø tap kui ashchun.

 ¿CHI KUSREKU?

Jeupa munirapik køn nui linchipeløpe wamintinuk, trutø kømøtø, mariløyupa sølwan marøpelø køntrai.

Kusreikwan katøle isuntrap

• ¿Nam øsik amønainuk kualømmørik mantø sølwan martrap?

• ¿Chincha ciertonikwan sørøntrap kaimamtik kø?

• ¿Chincha tapik kø sølkantø marøp pasramikpe?