¿Kualikwaimpurø anwaimpurø kanmay isup pasrapik køtitru? Kanmaype latrø mur køpik køn, asru pula pøntramik, map putramik wetøtramik incha Jeupawaiwanmetrik lap maramik. Inchentø treek nepua martrap Bibliayupe latrø tap wammera eshkapik køn.

1. ¿Nam kualimpurø Bibliape manchipik kø?

Tiuspe nam kualikwan kasraktø amøñintrai isupik køn. Bibliape trenchipik køn: “Misakmerape [...] kuallip pøntrøwa kasrak amønan latrø tap køn” (Eclesiastés 2:24). Jeupape mur kuallipik køn. Incha nam trektøwai mur kuallip pøntrøpen, latrø tap kui ashipik køn inchen namkucha kasraktø amøñintrun.

Nampe latrø mur kualamik køn, inchentø nampe Jeupawai adoramikwanmetrik lap maramik køn (Juan 6:27). Jeupape trantrap misrik køn nam nuyelanmetrik lap marene nø chi palapelankucha trantrun.

2. ¿Nampe mantø tap ashchap anwaimpurap?

Bibliayupe eshkan “anpe kalø pumøntrai purukupik køn”, inchentø an nu tøkakuikpe kasraktø putrøntrap purukupik kømøn cha (Eclesiastés 7:12). Bibliape namun eshkapik køn: “Ñim amøñippe, anwane ke chinchimmørø chull inchib amøñimøtø, ñim møi maig tøgagúitøgatø tab kui mørøb kasraatø amønamig køn” (leu Hebreos 13:5). Nam chikøpen tøkakuiktøkatø kasraktø putrøwape, nampe mas purø nøtrø tøkakøntrappe isumøntrun. Treek marape, an palømupentøpe ulø misrmøntrun (Proverbios 22:7). Nam tøkakuiktøkatø kasrak amøñipene, an kanantrap eshekik tøkamerapape eshemøwai inchun purø malla an tøkakøntrap inchimø.

3. ¿Anwan ñi mantø merø kømø trantrap?

Jeupape chi tøkakuilan nø merø kømø tranøpik køn, nam “tøgagúigwane chigucha merø kui inchimø [tranene], lata pirishib purugunrrab muniitø købelø” køntrun (1 Timoteo 6:18). Namui an tøkakuikwan chikucha merø kømø inchimø tranamikpe, kungrekasiunyu palapelan purukuntrap tranamik purø tap køn misak tre chikarwan palaik amøñipelan tranamik, inchen mas namui nuchalan katøkuchinken tapik tranamik køn. Nam mantraukutri nam tøkakuilan merø kømø tranene, nam kasrak amøñip Jeupawan kasrarantrun. Kakentø Jeupape nam maya trantashchap ashmíik køn, masken nam chinchakutri tranøp kuikwan ashipik køn (leu Hechos 20:35).

 MAS NEPUA KUSREU

4. Jeupawai munchin ñi kualik uniktøka misakwan tap kenamar

 5. Nam tøkakuiktøkatø kasraktø waraik tap køn

Latrø nu misakmera nu an tøkakøntrap lapelø køn, inchentø Bibliape pek eshkapik køn. Ley 1 Timoteo 6:6-8, yu leinuk pinaku paíkwan waminchap:

• ¿Bibliape chi tap wammera tranøpik kø?

6. Namun chi palapikwan Jeupape chishtø trantrun

 ¿CHI KUSREKU?

Lutø tøkakømik an tøkakømik latrø tapik kuintøkucha, Jeupawayelanmetrik metrap pasramik køn.

Kusreikwan katøle isuntrap

• ¿Ñune chi purukuntrera kualamikwantø mentra utø kepasrmøntrap?

• ¿Chi tapelø utøntrera nam møi tøkakuiktøkatø kasraktø amøñipen?

• Jeupa nui misakmeran chi palapelan nø trantrap kui tørtø tøkakuape, ¿ñipe truyu kørepik kui mantø kenamartrap?