KUSRENANIK 40
¿Tiuswai malau chishelø køntrap chi martrap?
Ñiken isu kan usri nui unø kusrenanik yamay imuatø pira, kewa kuilø chish kantø intrai marøpikpe; nui asrwan chishik tøkakøntrai purukup katøkaneløkucha unan untarapelø kui ashchun. Kan møskaima nui urek chish amøñintrai isupik latawai, namui Møskai Jeupa trektøwai nam chish kantøle køntrai isupik køn, namui asrwan lata nam isuinuk nam wamintilø nam amønaiku. Chish amønaikpe namuntøwai tap køp, Jeupawai munchin tap kenamarøpelø køntrun.
1. ¿Asrwan chishchik tøkakøntrap chi martrap?
Jeupa trenchipik køn: “Ñimbe newan tabelø kuy cha” (1 Pedro 1:16). Nam newan tapelø køntrap, chishelø kømik køn asryu lata isupiku lata nam chikøpen marinuk lata. Nam chishelø kui kenamartrappe, chu urastøkucha pirap, namui kewa kuilan chishik tøkakøp, yawan lata, nam karru tøkawa lata, chikøpen tøkakuilan tap chishik tøkakøp. Trutø kømøtø namui tulutsunik yawankucha chishik tøkakøntrai purukupelø ker. Nam chishelø køpene misakmera asha Jeupawan untarantrun (2 Corintios 6:3, 4).
2. ¿Nam chishelø køntrap chimeran marmumik kø?
Bibliape trenchipik køn: “Namui asru lata, namui espírituyu lata, kaig marig køsøngønrrapteelan kerriguwan chish misrkun” cha (2 Corintios 7:1). Treekkutri namui asrwan kape isupikwan tap kømøtik puntraptelane wentøpasrøpelø ker. Jeupa kasraktø wantraimpe, namui isupikwan chishik køntrai chish kømelane wentøpasrtrap inchipelø ker (Salmo 104:34). Trutø kømø namui wamintik manatøkucha tapik køntrai trantrapelø ker (leu Colosenses 3:8).
¿Chi mariløtre chillikinchaptik kera namui asrwan namui isupiku nam chikøpen marinuk? Møilø chikøpen mutsilø namui asrwan mintishipelø køn, ¿chimera kera? Por ejemplo, køntsø muchimøwai, masø tsachimøwai, mutchai mømera karumuilane muchimøwai, chikucha kesrashmøwai. Nam treelan muchimøntrap inchene, namui asr chish chish køntrun incha Jeupa namui øsik amøñintrai tranikwan unkua chip køntrun. Nam isupiku chikøpen marinuk chishelø køntrap, por ejemplo masturbamøwai a kape pornografía b ashmøntrap trantramik køn (Salmo 119:37; Efesios 5:5). Truilan wentau køtrømaramik mur køntrun inchentø Jeupape purukuntraptøwai pasran (leu Isaías 41:13).
MAS NEPUA KUSREU
Ashkun nam chishelø køpen Jeupawai munchin tap waminchai marøpelø kui incha nam mantø wentau køtrømartrap nam trømpøik marilan.
3. Namui asr incha nam chikøpen tøkakuik chishik pasraikkutrimpe Jeupawai munchin tap waminchun
Jeupa metrapsrø Israelwan martrai karuiløyu tørtø asamtik køn chish kømikpe latrø nuik kui. Ley Éxodo 19:10 incha 30:17-19, yu leinuk pinaku paílan waminchap:
-
¿Ik versículomera chi kusrenana Jeupa nam chishelø kømikwaimpurap maik isupik kuikwan?
-
¿Chi tapelø marik namun purukuntrera manatøkucha chishelø amøñintrap?
Chishelø kømikpe utø palapik køn treekkutri mur trantrøkun chishelø køntrap. Nam chu waraiksrø puar køntrun waachamera køntrun chishelø kømik køn. VIDEUN asay, yu videu asinuk pinaku paíkwan waminchap:
-
Misakmeran Tiuswai Wamwan waminchip amønainuk chiyutøkucha chishelø kui ashape, ¿nømun purukuntrauta Jeupawan kørikpala pøntramik? ¿Chincha?
4. Namui asru mitishipelan lelachi
Namui asru mintishipelan elatsamik purukuntrun Jeupa.
Ñi køntsømera kesrøp kape mutchai mømera karumuilane muchip inchipik kuape, ñitøwai nepua asintre øyeeløyukutri wepiamikpe latrø murik kui. Inchentø ñui øsik unikwan isumik køn. Paya mør: “¿Iløpe nane mantø mintishintrera na tarømisrmø ipene?”. Ley Mateo 22:37-39, yu leinuk pinaku paílan waminchap:
-
¿Namui asru mintishipelan tarømisrmuape Jeupawai lintikwan mantø mintinshintrera?
-
¿Namui asru mintishipelan tarømisrmuape nakchak umpu katøkanelan chi kalø marøp pasrømera?
Namui asru mintishipelan elatsamik chi maramtik kui isu. c VIDEUN asay.
Ley Filipenses 4:13, yu leinuk pinaku paílan waminchap:
-
¿Kan misak Tiuspa waminchip, Biblian lep, tuluntsunik yamay palømø atrup intintø nø asru mintishipelan tarømisramik purukuntrauta? ¿Ñipe chincha øyamay isuku?
5. Mariløyu isuiløyu trømpøilø marmøntrap mur trantrø
Ley Colosenses 3:5, yu leinuk pinaku paílan waminchap:
-
¿Mantø nepua asha kø pornografía asilø, sextear, d masturbación Tiuswain kapyupe trømpik kui?
-
¿Nam newan chishelø køntrai Jeupa karuikpe tapik kø chintera? ¿Chincha øyeek isuku?
Namui isupikkutri trømpøik isuilan mantø tarømaramikwan nepua ashkun. VIDEUN asay.
Jesús kan kemesra wamintiktøka kusrenanik køn nam isuiktø kømøtø mantø maramikwan, øsik amønainukkucha chishelø køntrap marøp pøntramik. Ley Mateo 5:29, 30, yu leinuk pinaku paíkwan waminchap:
-
Jesúspe namui asrwan køtrinchai karumuik køn masken chishelø køntrai eshkaik køn. ¿Trømpøik isuilan elatchap chi maramik kø? e
Iløyukutri tarømisrtrap mur trantrap mekawape, chi isumøta Jeupape ñune latrø tap kui aship pasran. Ley Salmo 103:13, 14, yu leinuk pinaku paílan waminchap:
-
¿Ik asru mintishipelan tarømisrtrap mur trantrap mekawape ik versículomera cierton ñun purukuntrauta metrap wepiamik? ¿Chincha?
¡Kullaramøta! Kan pieje peñape katøle kutrøntrun
Latrø trømpøikyu kepeñape kutrømøntrap isuntrun. Ñiken isu: luløp ya srutren wawa peñape truyu tsumøtø katøle kutra lultrun. Øyamaytøwai ñi katøyu kepeñape katøle kutra metrap intrun. Møiløtøkucha køntsø mutsilan elatchap kaimapelø køn. Inchentø katøle kutra Jeupa purukuiktrawa øyeek mariløyukutri tarømisrtrun, inchawai ¡kullaramøta!
MØILØPE TREEK ISUPELØ KØN: “Nane ilane køtrø palapik køn, lelatchap kaimar”.
-
Jeupawai purukuiktrawape chiyukøpenyukutri metrap wepiamtik køn, ¿kan misakwan Bibliayukutri chi versículo kenamarøpsruku?
¿CHI KUSREKU?
Namui asryukutri latrø chishelø kømik køn, isupiku lata trektøwai namui amønainukkucha, treek marinkatikpe Jeupa cierton latrø kasrak wantrun.
Kusreikwan katøle isuntrap
-
¿Chinchatre latrø nuik kø chishelø kømik?
-
¿Namui asrwaimpurap, chikøpentø tøkakuiløyukucha chi martrap chishelø køntrap?
-
¿Nam amønainuk trektøwai namui isupeløyukucha chi martrap chishelø køntrap?
MAS NEPUA ASH
¿Nam waachamera kuintøkucha chitø martrap chishelø køntrap?
Kuantrø misrmøntrap chish maramik køn: tasikwan kinap (3:01)
Køntsø mutsilan lelatchap chikøpen purukuntraptelø lewa ash.
“Køntsø mutsilan mantø lelatchap” (¡Despertad!, mayo 2010wai)
Pornografía asiløpe chiwantø mintishipik kuikwan nepua ash.
“¿Pornografíape tapik kø chintera kape kaik kø chintera?” (Asha Eshkapik, 1 agosto 2013wai)
Kan møk pornografía asilan mas ashmøntrap mantø lelatsikwan ash.
“Katøle katøle penik køn inchentø na metraptø wepiaik køn” (Asha Eshkapik, No. 4 2016wai)
a Masturbación: Namasiktøwai kape katøkanuikwan kullak asrwan katerawa trømpøik marik.
b Pornografíape: Fotos purø trømpøik asilø, videumera, pørilø kape audiomerayu mørilø purø trømpøik marilø kenamarik, trektøwai isua martrai lataik kenamaran.
c Ik kusrenaniku “Mas nepua ash” yu “¿Køntsø kesrilan mantø lelatchipsruera?”, yu pørilan namui asru mintishipelan mantø lelatsamikwan kenamaran.
d Sexteo: Purø trømpøik marilø fotos kape videumera computadoryu, celularyu, tabletyu ørilø. Mensajes purø trømpøik, kape purø trømpøik mariløkucha pørilan pønsrøpelø køn, asrtøka trømpøik marilan.
e Masturbaikwan mantø lelatsamikwan nepua ashchappe, “¿Manakøpen masturbamikwan lelatsamik kø chintera?” asin kilka Lo que los jóvenes preguntan. Respuestas prácticas (volumen 1yu), kapítulo 25n ash.
