Pirø mupa kuimpurap, kørap pi mutsamikwaimpurap pekmaytø isupelø køn. Møiløpe nui linchipeløpa kanmaywantø muchip. Møiløpe muchimelø køn. Inchentø møiløpe køtra warøntrap muchipelø køn. ¿Kørap pi mutsamikwaimpurø Bibliape chi eshkapik kø?

1. ¿Kørap pi mutsamik kaik kø chinta?

Bibliape kørap pi mutsamik kaik kui eshkamøn. Masken, treek eshkan: vinope misakwan kasraranøpikpe Tiuswainukkutri atrupik kui (Salmo 104:14, 15). Katøkanpurappe, Bibliape eshkan Tiuswai misakmerakucha muchipelø køpik kuikwan (1 Timoteo 5:23).

2. ¿Kørap piwan ka mutchap isupelaimpe Bibliape manchipik kø?

Jeupape kaik kui ashipik køn kan misak nu mutchen mutsiramuinkucha (Gálatas 5:21). Bibliape trenchipik køn, mentra vinon muchipeløpape linchimøta cha (Proverbios 23:20). Inchawai, namtø kape namui linchipeløpa, mutchap isuape mentra nu muchimøntrap isua mutsamik køn, tru chi marinken asimíik marøp pøntrømøntrap. Trektøwai mentra mucha kuantrø wesrumøntrap. Inchentø mutsiramøntrap lamøtø mutchap kaimapikpe mejorpe muchimuinken søl køntrun.

3. ¿Katøkanelø pekmay isupelø køpene nampe chi martrap?

Kan kan isumik køn kørap pi mutchappe. Trupe kan misakwan lamøtø mucha mutsiramøntrap isupikwane “øyeek øyeek mutsamik køn chape” chimøwai, muchi kømui inchipelane “muchi cha” obligamøwai (Romanos 14:10). Inchentø katøkanelø tap kømui ashmupene, treempe muchimøntrun (leu Romanos 14:21). Kakentø Cristoi wentautø uñipikpe nuimpurapikwantø “tab kønrrai lamøtø, katøganelaimburab tab kønrrai lamig køn” (leu 1 Corintios 10:23, 24).

 MAS NEPUA KUSREU

4. Kørap pi mutchappe kape muchimøntrappe tap isu

¿Kørap pi mutsamikwaimpurap Jesúspe maik isupik kuik kø? Jesús maik isupik kuikwan ashchap, srøtø marampurap mariktøka chi marikwan ashkun. Ley Juan 2:1-11, yu leinuk pinaku paílan waminchap:

• Ik versículosmera leimpala, ¿kørap pi mutsamikwan Jesús maik ashipik kuikwan namun chi kusrenana?

• Jesús kørap pi mutsamikwan kaik kømui ashmuikkutri, ¿kan Cristoi wentautø uñipik katøkanelø kørap pi muchen maik asamik kø?

Inchentø kørap pi mutsamik kaik kømuinkucha, Cristoi wentautø uñipikpe mana muchimumikwan tør nepua asha kømik køn. Ley Proverbios 22:3, yu pinaku kenamariløyu tap kø chintera kørap pi mutsamik:

• Carro srumikkøpen kape maquinariastøka maramikkøpen.

• Kan ishuk kuantrik køpen.

• Doctor kørap pi muchimøntrain chipen.

• Maya mutsamikwan isumik mur køpen.

• Ñi tsuinuk aship pøntrapelai leyesmera muchimøntrai kaatin pasrøpen.

• Metrapsrømpe muchiptik kua møimpe yantø muchimíikpa lincha wapape.

¿Kasharapyu kape chikøpen mariløyu kørap pi srøtramik tap kø chintera? Chimeran cuenta tøkakømikwan kan VIDEUN asay.

Ley Romanos 13:13 incha 1 Corintios 10:31, 32. Yu leinukkutri pinaku paíkwan waminchap:

• ¿Ik Bibliayukutri ciertonikpe Jeupa kasraktø wantrai isua maramik mantø purukupik kø?

 5. Maya mutsamikwan tap isu

Kørap pi mutchap isuppe Jeupa kørap pi mutsamikwan kaik kømui ashmuinkucha, tru mentra nu mutsamikwane sí kaik kui ashipik kui pesannamøntrap. ¿Chincha? Ley Oseas 4:11, 18, yu leinuk pinaku paíkwan waminchap:

• ¿Kan misak kørap piwan mentra nu muchene chi puraintrera?

¿Mentra muchimøntrap chi purukuntrera? Mutsampurap muchimøntrap maya mutsamtik kui, namtøwai tørtø srua kømik køn. Ley Proverbios 11:2, yu leinuk pinaku paíkwan waminchap:

• ¿Ñi kørap pi mutchaptø maya mutsamikwan chincha cuenta tøkakømik kø?

6. ¿Kørap pi sruaintraintø pasrømøntrap chi martrap?

 ¿CHI KUSREKU?

Jeupape kørap piwan trannøppe kasraktø puraamtrai tranik køn. Inchentø mutsiramikwan mentra nu mutsamikwan kaik kui ashipik køn.

Kusreikwan katøle isuntrap

• ¿Kørap pi mutsamikwaimpurø Bibliape manchipik kø?

• ¿Kørap piwan mentra mutsiksruantøpe chi puraintrera?

• ¿Mukøpen mutchap kape muchimøntrap inchene, nampe chi maramik kø?