Jesús nø kusrenanøp pera unilan trentaik køn, ñimpe ik pirauelø kømøn cha (Juan 15:19). Trenchippe, Tiuswai Aship Karup Wainkatøtø pøntrai tru yu Pirau chikøpen pøntrainkatø pøntrømuikkutri. Por ejemplo, políticainkatø pøntrømøwai kape kuayainkatø pøntrømøwai inchipelø ker. Muinkatøken pøntrømumik fácil kømíik køn kakentø treek marikkutri intsa ashen. Treek kuintøkucha, ¿Jeupawainkatøtø pøntrai mantø kenamartrap?

1. ¿Cierton Cristoi wentautø ampupeløpe møkelan aship karup putrapelan mantø ashipelø kø?

Cristoi wentautø ampupeløpe møkelan aship karup putrapelan køripala pøntrapelø ker. Jesús trentaik køn: “Césarwein købene, trube, Césarwan tranay cha”. Inchawai aship karup putrapelan møra marøp, por ejemplo impuestosmeran pagarap (Marcos 12:17). Biblia trenchipik køn yu Pirau aship karup putrapeløpe Jeupa nø treek køntrai mariløkutri putran cha (Romanos 13:1). Nø treek køntrai marikkutri, yu aship karup putrapeløpe Tius Aship Karup Waik lataik kømøn. Nampe tør nepua asha pøntrer yu Pirau chikøpen trømpøik pup pasrapikwan Tius Aship Karup Waiktø tamartrap kui.

2. ¿Mantø kenamarøpelø køpra Tius Aship Karup Wainkatøtø pøntrai?

Jesús latawai políticainkatø pøntrømelø ker. Jesús marampurap maren misakmerape nun aship karup wantrai wesruntrap inchen, nøpe kaa taik køn (Juan 6:15). ¿Chinchakutri kaa taik kø? Kakentø Jesús nøtøwai trentaik køn: “Na ashib karub tøgagúig naimbe yu pirauig kømøn cha” (Juan 18:36). Cristoi wentautø ampupeløpe Tius Aship Karup Wainkatøtø pøntrai mømay køpentø kenamarøpelø ker. Por ejemplo, kuayaiksrø ammelø ker (leu Miqueas 4:3). Trektøwai símbolosmera bandera latailane maya nuken tapikwane tranmelø ker, kakentø adorap lataitøwain køn (1 Juan 5:21). Políticayu muinkatøken pøntrømøwai. Treelø marikpa Tiuswai Aship Karuinkatøtø pøntrai kenamarøpelø ker.

 MAS NEPUA KUSREU

3. Cierton Cristoi wentautø ampupeløpe yu Pirauelainkatø pøntrømelø ker

Jesús nui kusrenanøp pera uniløpa nam mantø maramikwan kenamarik køn. Ley Romanos 13:1, 5-7 incha 1 Pedro 2:13, 14. Trukutrimpe VIDEUN asay. Yu videu asinuk pinaku paílan waminchap:

• ¿Aship karup putrapelan chincha køripalatø pøntramik kø?

• ¿Nøm maik chipen møra marøpelø kui mantø kenamartrap?

Kuayap køpen møilø Pirausreløpe trenchipelø køn kuayainuk muinkatøken pøntrømer cha, treek tainkucha kuayapelan mømaykøpen purukupelø køn. ¿Treekyupen cierton Cristoi wentautø ampupeløpe chi maramik kø? Ley Juan 17:16. Trukutrimpe VIDEUN asay. Yu videu asinuk pinaku paíkwan waminchap:

• ¿Yu Pirau muinkatøken pøntrømuik mantø kenamartrap?

Kanmaype aship karup putrapelø Tius martrai karumuikwan martrai karupen, ¿nampe chi martrap? Ley Hechos 5:28, 29. Trukutrimpe VIDEUN asay. Yu videu asinuk pinaku paílan waminchap:

• Aship karup putrapelø Tius martrai karumuikwan martrai karupen, ¿nampe mun møra maramik kø?

• ¿Cristoi wentautø ampupeløpe yu Pirau aship karup putrapelan chimerayutøtre møra marmumik kø?

 4. Namui isuiløyu mariløyukucha

Ley 1 Juan 5:21. Trukutrimpe VIDEUN asay. Yu videu asinuk pinaku paílan waminchap:

• ¿Ayenge chinchakutri partido políticon kuñamøwai, banderan saludamøwai intik kø?

• ¿Nøpe tap isua marik kø chinta? ¿Chi isuku?

¿Yu Pirauelainkatø pøntrømøntrap chimeratretø mur køntrera? VIDEUN asay, yu videu asinuk pinaku paílan waminchap:

• ¿Chu Pirausreløkøpen eshekøpen, muinkatøken pøntrømuik mantø kenamartrap?

• Políticosmera isua marilø namun purukuntraptelø kui kape purukuntraptelø kømui marøpsruintrun. ¿Treekyupe políticainkatø pøntrømøntrap chi martrap?

• ¿Noticiasyu kape misakmera namui petøkatan wamintiløpe namun chi isuntrai martrera?

 ¿CHI KUSREKU?

Cristoi wentautø ampupeløpe políticayu kementemøntrap mur trantrapelø køn, nømui isuilan, nømui wamintilø, nømui mariløtøka treelø kui kenamarøpelø køn.

Kusreikwan katøle isuntrap

• ¿Aship karup putrapelan køripala pøntrai mantø kenamartrap?

• ¿Chincha políticainkatø pøntrømelø køpra?

• ¿Yu pirauelainkatø pøntrømøntrap chimeratretø mur køntrera?