KUSRENANIK 46

¿Namui øsik amønaikwan Jeupawantø chincha trana piu umpu ulsramik kø?

REPRODUCIR EN

Møikkøpen nui øsik unikwan Jeupawan tranen, kan oraciónyu treek martrap køtrømisrøpik køn. Øsik uninuk Jeupawayelan metrik metrap pasra marøp, “ñuntø adoramøntrun cha” (Salmo 40:8). Trukutrimpe, piu umpu ulsrøpen, maya misakmerai malau nui øsik unikwan yantø Tiuswan trana pasramisrik kenamartrun. Namui øsik unikwan Jeupawan tranikpe latrø nuik køn kakentø namui øsik amønaikwan manakatikwai yunømartrun. ¿Treek maramik ñun chi purukuntrera?

1. ¿Chi kera ñui øsik unikwan Jeupawan trantrai marøpikpe?

Untak køn. Jeupawan untarapelø kuikkutri namui øsik unikwan nun trantrun (1 Juan 4:10, 19). Biblia trenchipik køn: Jeupawane “ñui manrraugurri kerrigu newan undaaraitøgaba, kerrigu ñui øsig pasraitøgaba, kerrigu ñui turtøga isumburab isuitøgaba, katø kerrigu ñui asru chishkømburab chish kuitøgaba undaaramig køn […] cha” (Marcos 12:30). Jeupawan untarapelø kui namui isuiløtøkatø kømø, mariløtrawakucha kenamarøpelø ker. Pailø misrinukma untarapelø kuikkutri kasharapelø køn, trektøwai Jeupawan untarapelø kuikkutri nun namui øsik amønaikwan trana piu umpu ulsrøntrun.

2. ¿Piu umpu ulsrøpelane Jeupape chi tapeløtø tranøpik kø?

Ñi piu umpu ulsrøpen, Jeupawai yawik misrøp, nui misakmerapa kasraktø uñchun. Jeupape namui nuchaløpurap ñun untarapik kui kenamartrun trektøwai Jeupawan ñipe mas kemallchun (leu Malaquías 3:16-18). Katøkanpurappe, Jeupape ñui møskai misrøp, ñipe nuchalø nunelø Jeupawan untarapelø ñun untarapeløkucha tøkakøntrun (leu Marcos 10:29, 30). Inchentø, ñipe piu umpu ulsrøntraptø, ilø maramik køn: Jeupa maik kuikwan nepua aship, nun untarapik kui kenamarøp, nui nusrkainuk fe tøkakøp incha kan oraciónyu “nai øsik unikpe ñuintø køntrun cha” køtrømisramik køn. Nuyelan mara piu umpu ulsrøpen, manakatik øsik kømikwan tøkakøntrun. Tiuswai Wampe trenchipik køn: “Piu umpu ulsra[iløpe] kaigyugurri wesrailø [køn cha]” (1 Pedro 3:21).

MAS NEPUA KUSREU

Ñi ñui øsik unikwan Jeupawan trana piu umpu ulsraikpe chincha latrø nuik kuikwan ashkun.

3. Mun servintrap kui kan kan isua maramik køn

Metrapsrø israelitasmera møiløpe Jeupawan Baalwanpa adoramik tap ashipelø kuik køn. Jeupa tap ashmuikkutri, nøpe Elíaswan nømun treek marmøntrai purukuntrap ørik køn. Ley 1 Reyes 18:21, yu leinuk pinaku paíkwan waminchap:

¿Israelitasmerape chi isua marik kø?

Israelitasmera latawai, namkucha mun servintrap kui isua maramik køn. Ley Lucas 16:13, yu leinuk pinaku paílan waminchap:

¿Jeupawantø adoraiktø katøkan tiusesmerankucha adoraiktø munkøpen adoraikpe chincha tap kømø?
¿Nampe Jeupawantø adorapelø kui mantø kenamartrap?

4. Jeupape ñun trupa untarapik kui isu

Jeupape namun latrø tapeløtø tranøpik køn. Inchentø, ¿nampe nune chi tapeløtø trantrap? VIDEUN asay.

VIDEU: ¿Tiuswane chi tapeløtø trantrap? (3:04)

¿Jeupape ñun untarapik kui mømaytø kenamarøpik kø? Ley Salmo 104:14, 15 incha 1 Juan 4:9, 10, yu leinuk pinaku paílan waminchap:

Jeupa ñun latrø tapelø traninukkutri, ¿møilan mas unkua chipik kuku?
Jeupa ñun latrø tapelø keta tranikkutri, ¿ñun maik mørørankarupik kø?

Mukøpen namun chikøpen latrø tapchik keta tranen, nøpa unkua taik pasraik kenamartrap intintrun. Ley Deuteronomio 16:17, yu leinuk pinaku paíkwan waminchap:

Jeupa ñun latrø tapelø tranikkutri, ¿ñikucha nun trantrap isupik køtitru? ¿Chimeratø tranøpsruku?

5. Jeupawan ñui øsik unikwan tranen latrø tapeløtø utøntrun

Misakmera møiløpe latrø asilø kømikwan, tap carrera tøkakuinuk kape latrø nu an tøkakuinuktø kasraktø amønamtik kui isupelø køn. ¿Pero truikpe cierton kø chintera? VIDEUN asay, yu videu asinuk pinaku paílan waminchap:

VIDEU: Fútbol eshekamikwantø latrø tap køpik kuik køn (5:45)

Tru møkpe fútbolwan latrø chull ashipik kuinkucha, ¿chincha elatsik kø?
Nui øsik unikwan Jeupawantø tranik køn tru fútbolwan kømøtø. ¿Ñuimpe øyeek marikpe tap isua marik kø chinta? ¿Chincha?

Apóstol Pablope Cristoi wentautø uñipik misrmuatøpe, nu kusrepik køntrap kusrep waik køn. Judíosmerai maik maramikwan martrai pørikwan nu kusrepikpa kusreik køpik køn. Inchentø ketrikuwan wentøpasrik køn Jeupawayelantø martrap. ¿Apóstol Pablope kalø marøprain kui isuik kø chinta? Ley Filipenses 3:8, yu leinuk pinaku paílan waminchap:

Apóstol Pablope wentøpasrilan “køsøngøndø shau lataig” kui taik køn. ¿Chincha?
¿Øyeelan lelatsikkutri chi tapeløtø utik kø?
Jeupawayelan martrap isupene, ¿ñui øsik uninuk latrø tapik køntrap kui isupik køtitru? ¿Chincha?