KUSRENANIK 50
Yaumpuilø mantø kasrak putramik (parte 2)
Urekmerane Jeupa keta tranik køn. Ik keta tranikwan tap aship meløntrai Jeupape munirapik køn. Inchawai, møskalane tap wammera ketøpik køn urekmeran ashiptø nøtrørantrai. Nakchaku tap lincha putrøntrai urekmeran tap wammera keta tranøpik køn.
1. ¿Møskalane Jeupape chi tap wammera ketøpik kø?
Jeupape munirapik køn, møskawanpa usrampa urekwan untak kenamartrai incha utø wesrantrai nui urekmerayasik. Trektøwai Jeupape munirapik køn urekmeran kalø pumøntrai, møskaløpe Bibliayu kusrenaniktøka kusrenantrai (Proverbios 1:8). Tius nakchaku metrap aship pøntrapelan trenchipik køn: “Ñimui uregwane sølwan maram kusrenrrai kusrenanøb, Señor maig kusrenaniitøga ‘øyeeg maramig kønʼ chib waminchib kusrenanamig køn” (leu Efesios 6:4). Jeupape latrø tap kui ashipik køn, møskaløpe nø maik karuikwan kusrenanen incha urekmeran pekelan kepetømø tap nøtrøranøp pøntrøpen.
2. ¿Jeupape urekmerane chi tap wammera ketøpik kø?
Jeupape karupik køn “ureemerabe, chiyutøgucha nømui møskalane maig chiben møramig” kui (leu Colosenses 3:20). Kan unø møskalan kørikpala untaktøka møra marene, Jeupape latrø tap kui nepua ashchun incha møskaløkucha kasraktø pøntrøntrun (Proverbios 23:22-25). Jesúspe unø kua tapik kenamarik køn, sølkantik kuakucha nui møskalane møra marik køn sølkantelø kømuinkucha (Lucas 2:51, 52).
3. ¿Chi martrera mayelø nakchak umpuilø Jeupawan mas trak kementøntrap?
Urek tøkaik kuape, Jeupawan ñi latawai untarantrai isupik kuintrun. ¿Mantø martrera? Bibliayumay eshkaikwan: “Trupurap [Jeupawai wammeran] ñui urekwankucha chu urastøkucha kusrenanøp, waminchip, nakchaku putraiksrø, chu ampiksrø, kintrap tsumisrmuatø, løtsø kia kutrøpentø” (Deuteronomio 6:7). Kusrenanamik køn katøle katøle isuntrai, pesannamøtø. Ñipe nepua ashipik kuintrun ñui urekmeran isunanamik kui katøle katøle isua pesannamøntraimpe. Yu versículoyupe kusrenanan, urekmeran Jeupawai wamwan waminchap utø wesramik kui. Trektøwai latrø tapik køn, mayelø nakchak umpu trune mørik utø wesramik Biblian kusrentrap øyamay kenamartrun Jeupawan adorapelø kui. Unø chikeik kuinkucha Biblian natø kusremik trune mørik latrø tapik køn kakentø nu purukuntrun.
MAS NEPUA KUSREU
Nepua ashkun nakchak umpu chi isumø kasraktø mantø tap putramik chi purukupik kuikwan.
4. Urekwan untaktøka kusrenankun
Unan kusrenanamikpe latrø murik køn. ¿Mantø purukuntrera Bibliape? Ley Santiago 1:19, 20, yu leinuk pinaku paílan waminchap:
-
¿Møskaløpe mantø untak kenamartrera urekpa wamintinuk?
-
¿Møskaløpe urekmeran sølwan martrai kusrenanøppe chincha namik kuin palatø mur wamømumik kø? a
5. Urekmeran kalø marmøntrai purømisrkun
Urekmeran kalø marmøntraimpe sexopurap wamintamik køn murik kuinkucha. VIDEUN asay, yu videu asinuk pinaku paílan waminchap:
-
¿Møskalane chincha murik kø sexopurap wamintamik urekmeran?
-
¿Chi puruku møskalan trupurap wamintamik?
Metrapsrønkutri chap eshkaimpala Satanáswai mundope latrø kaik køn. Ley 2 Timoteo 3:1, 13, yu leinuk pinaku paílan waminchap:
-
Versículo 13 wamintimpala, kaik misakmera urekmeran kemøra nømui asrwan latrø trømpøik maran. Treek kuik køpene, ¿chinchatre latrø nuik kø sexopurap urekmeran kusrenanamik? ¿Urekmeran kemøra asryu latrø trømpøik marmøntraimpe møskaløpe chi maramik kø?
¿Nepua asha køtitru?
Jeupawaiwan waminchipeløpe videumera, pøriløkucha neerilø pøntran møskalø urekwan sexopurap kusrenantrai, øyamay ilø urekmeran kemøra asryu latrø trømpøik marmøntrai purukuntrun. Truiløpe ilø køn:
-
“Mantø waminchap urekwan sexopurap” (¡Despertad!, no. 5 2016wai)
6. Møskalan kørikpala pasrau
Urekmera lata, matsørelø lata, srusralmera lata møskalane kørikpala pøntramik køn, møskalan møra marøpelø kui wamintiløtøka kenamaran. VIDEUN asay, yu videu asinuk pinaku paílan waminchap:
-
¿Chinchatre tapik kø urekmera møskalan kørikpala wamintamik?
-
¿Urekmerape mantø kenamartrera møskalan kørikpala pøntrapelø kui?
Ley Proverbios 1:8, yu leinuk pinaku paíkwan waminchap:
-
¿Kan usri kan møskai martrai karupene urekmera chi maramik kø?
7. Nakchak umpu putramisra Jeupawan adoray
Jeupawaiwan waminchipeløpe truneyu utø wesrapelø køn nakchaku putramisra Tiuswan adorantrap. ¿Mantø marøpelø kø nakchaku putramisra Tiuswan adorantrap? VIDEUN asay, yu videu asinuk pinaku paílan waminchap:
-
¿Chi purukuntrera trune mørik lelachimø nakchak umpu putramisra Tiuswan adoramik?
-
¿Møskaløpe chi martrera nakchak umpu putramisra Tiuswan adorainuk pesrø mørmø kasraktø puraamtrai? (Pølpasrøyuikwan foton ash).
-
¿Ñuimpurappe chikøpen iløsrkøpelø kuita nakchak umpu Tiuswai Wamwan kusremik? ¿Møilø kera?
Metrapsrø Jeupape munirapik kuik køn israelitasmera nakchak umpu putramisra nui wamwan waminchai. Ley Deuteronomio 6:6, 7, yu leinuk pinaku paíkwan waminchap:
-
¿Ik tap wammera kusrenanikwan ñipe mantø marøpsruku?
Nakchak umpu putramisra Tiuswan adoramik mantø maramikwan ash:
-
Kungrekasiunyu tuluntsuniksrømay amtraptø namtø tap nepua kusrewa asha ampamik køn.
-
Biblian leinuk chi mas tapchik asønapen trunun wamintay.
-
Urek shush tøkakuape, JW.ORG yu kepampa urekmeraimpurapikwan køtrøray kape imprimiu.
-
Matsørelø, srusralmera tøkakuape JW.ORG yu kepampa pørilan matsørelaimpurap waminchipikwan køtrøray.
-
Kanpalatø putramisra Biblia pøriku metrapsrø purayailan møya trusrø pøntra lataikwai maray.
-
JW.ORG yu videumera asilan wamintay.
MØILØPE TREEK ISUPELØ KØN: “Biblian urekmeran nepua asamikpe latrø murik køn cha”.
-
¿Ñipe ikwaimpurap maik isuku?
¿CHI KUSREKU?
Jeupape tap kui ashipik køn møskalø untaktøka urekmeran kusrenana purømisrøp maren; trektøwai urekmerakucha kørikpala pøntramik køn møskalan untaktøka møra marøp, nakchak umpu kanpalatø putramisra Tiuswan adorap.
Kusreikwan katøle isuntrap
-
¿Møskaløpe mantø marøpsrueira urekmeran kusrenantrap trektøwai purømisrtrap?
-
¿Urekmerape mantø kenamartrap møskalan kørikpala pøntrapelø kui?
-
¿Chimeratø tapik puraintrera trune mørik utøchik wesrua nakchak umpu putramisra Tiuswan adorainuk?
MAS NEPUA ASH
¿Ñui unan kølirawa tap intraimpe chi tapelø kusrenantrera?
“6 kusrenanilan nui urekwan kusrenanamik køn” (¡Despertad!, no. 2 2019wai)
Køllik misakmeran aship melapeløpe mantø tap maramik purukuntraptik pørilan leu.
“¿Møskalø køllirapen urekmera ashchai Tiuspe munirapik kø chintera?” (jw.org yu pørilø)
Ash kan møk mantø urekmeran nøtrøranamikwan ashmíik kuinkucha latrø tap møskai misrikwan.
Urekmeran tap maywan nøtrørap amtrai Jeupa namun kusrenanan (5:58)
Nepua ash møskalø urekmerapa latrø tap pøntrapelø kui.
“¿Urekmerapa mentaik lataik kømøntrap møskalai chi maramik kø?”(Asha Eshkapik, 1 noviembre 2011wai)
a Bibliape kusrenanan urekmeran sølwan martrai kusrenanøppe, namiktøka lastimakeik ni latrø trømpøikpe marmumik kui (Proverbios 4:1).
