Kan kan asru kemikwan kape maik tamaramikwan pekmay kustaik inchipelø køn. Bibliayukutri ciertonelan kuenta tøka marene, namui asru chi kustaikwan kep trektøwai Jeupa tap kui ashchai martrun. Møilø kui ashkun.

1. ¿Nam kewa pøntrainuk Bibliayukutri ciertonelan møilan kuenta tøkakømik kø?

Cristoi wentautø ampupeløpe “asru keppe, chull ashchai purab tabig kemumig køn, maig kemigwan treetøgue”. Trektøwai, chishelø kømik køn øyamay “Tiusweyasig tabiitø martrab pønrramisrøbelø maig kømig” treek kui kenamarøpelø køntrun (1 Timoteo 2:9, 10). Ik versículosmerayukutri chi kusremtik kui pipkatø ashkun: 1) “Asru keppe, [...] purab tabig kemumig køn”. Inchippa ñipe asha kuintrun, namui tuluntsuninuk Jeupawai misakmerape pekmaytø kewa pøntrapelø kui, inchentø namui kewa pøntrailøtøka, nam maik peinawa pøntrailøtøka namui Tiuswan adorapelø kui kenamarøpelø ker. 2) “Asru keppe, chull ashchai [...] kemumig køn” tru namui kewa pøntraikkutri katøkanelø trømpøik isumøntrai kømøwai namun mas ashchai kømøwai. 3) Srøiktø srøiktø kewa pøntramik wepatrupen chull ashumumik køn. 4) Nam kewa pøntraiktøka kape maik tamara pøntraiktøka “Tiusweyasig tabiitø martrab pønrramisrøbelø maig kømig køben”, kakentø treek marape katøkaneløpe ashchun cierton Tiuswan nam adorapelo kui (1 Corintios 10:31).

2. ¿Chikøpen kentraptø chincha nuchalaimpurap nunelaimpurap isumik kø?

Mayeløpa nømui asrupe chikøpen kemtik køpik køn. Inchentø katøkanelø namuimpurap chi isuntrermap isumik køn. Nam katøkanelan chi kalø isumøntrai mur trantrapelø ker. “Nambe møitøgucha namui [nunekwan] tab kui mørtrai maramig køn nuimburab tab kønrrai, Señorweimburabigu nurab inrrai marøb” (leu Romanos 15:1, 2).

3. ¿Nam kewa pøntraikpe katøkanelan, Jeupawan nepua ashchai mantø purukuntrera?

Chu urastøkucha tap tamara amøñintrap isupelø ker. Inchentø tuluntsunikmay amtrap kape kusrenanøp amtraptø mas ashiptø tamarøpelø ker, inchippa nam kewa pøntraikpe tap kømuikkutrintø Tiuswai Wamwan mørøk kømui inchipkun. Masken ciertonikwan nepua ashchai purukuntrap isupelø ker tru “Tius namui Kaigyugurri Wesrabigwei tabig kusrenanigwan nøm chi marigutøgucha purø tab kui asig kørrømisrtrai” (Tito 2:10).

 MAS NEPUA KUSREU

4. Nam tap kewa pøntraiktøka Jeupawan kørikpala pøntraik kenamartrap

¿Chincha latrø nuik kø nam tap tamara kewa pøntraik kenamaramik? Ley Salmo 47:2, yu leinuk pinaku paílan waminchap:

• Nam kewa tamara pøntrainukkutri misakmerape Jeupawan nepua ashchap isuntrun, ¿treekwan nepua ashape nampe mantø tamartrap?

• ¿Nam tuluntsuninukmay ampinuk, Tiuswai Wamwan kusrenanøp ampinuk tap tamara amtrap isumik tapik kø chintera? ¿Chincha øyeek isuku?

5. Nam mantø tamaramikwan chi kemikwan chitre purukuntrera

VIDEUN asay.

Namui kewa kuiløpe nuwayelø kuinkucha nuwayelø kømuinkucha, chishik kømik køn. Incha chumaykøpen ampuppe tap tamarake. Ley 1 Corintios 10:24 incha 1 Timoteo 2:9, 10. Yu leinuk pinaku paílan waminchap:

• ¿Chincha kewa kui chishik kømíikwan kape maikkøpen kemumik kera?

• ¿Mentra trakik kape mentra asrwan kenamarøpikwan katøkanelø trømpøik isuntrai chincha kemumik kø?

Møin kualømpe Cristoi wentautø ampupeløpe, maik maramikwan martrai Moisés pørikwan møra marmuinkucha, truyu pørik pasrapikpe Jeupa maik isupik kuikwan nepua asamik purukupik køn. Ley Deuteronomio 22:5, yu leinuk pinaku paílan waminchap:

• ¿Kan ishuk kan møk latawai chincha tamarmumik kø? ¿Kape kan møk chincha ishuk latawai tamarmumik kø?

Ley 1 Corintios 10:32, 33 incha 1 Juan 2:15, 16, yu leinuk pinaku paílan waminchap:

• Nam warainuk kape kungrekasiunyu nam kewa pøntraikwan tap kømui ashene, ¿truikwan chincha kuenta tøkakømik kø?

• ¿Ñi tsuinukpe misakmerape maik tamarøpelø kø kape chi kepelø kø?

• ¿Treekkutri kan Cristoi wentautø uñipikpe ka kemtik kø chintera? ¿Ñipe chincha øyeek isuku?

 ¿CHI KUSREKU?

Nam tap tamara pøntraiktøka Jeupawan katøkanelankucha kørikpala pøntraik kenamartrun.

Kusreikwan katøle isuntrap

• ¿Jeupape chincha ashipik kø nam kewa pøntraikwan?

• ¿Nam tamara pøntrainuk Bibliayukutri ciertonelan møilan kuenta tøkakømik kø?

• ¿Nam kewa pøntraikpe katøkanelan Jeupawan nepua ashchai mantø purukuntrera?