KUSRENANIK 03
¿Bibliayu eshkaikwan ñi chincha kørentrap?
Bibliape tap kørøsrailø, wentøsrøwainkucha tap wammera eshkapik køn. Ñi Biblian tap nepua ashchap isupentø: “¿Cierton kø chintera?” cha isuintre. ¿Latrø yana pørin kilkawan maik taikwan kørepsru chintera? ¿Møya namun Biblia purukupsru chintera? ¿Wentøsrø tapik attrapikwan Biblia eshkaikwan kørepsru chintera? Yam misakmerapa Biblian maik taikwan kørepelø ker. Ñi asha kusrentraimap isupelø ker.
1. ¿Biblia maik taik puraip pasraita?
Bibliape tap wam tøkaik ciertonikwan eshkapik køn (Eclesiastés 12:10). Bibliayu cierton purayailø incha misakmera ciertonelø kui pørilø køn (leu Lucas 1:3; 3:1, 2). Bibliayu eshkapik fechas purayailan, mumeratø kui, chu purayaikwan, latrø yam historiadoresmera arqueólogosmerapa ciertonik kui kenamarik køn.
2. ¿Biblia yanaik kuintøkucha møya chincha purukupik kui kørewa kø?
Metrapkutri møyankatik, misakmera nepua ashmuatø Biblian chap pørilø kuik køn. Por ejemplo, cienciaimpurap eshkapik køn; ilan pørøp uras, misakmera ciertonik kui køremuinkucha møya científicosmera Bibliayu eshkaikpe ciertonik kui kenamarik køn. Nui wamwane “chu urastøkucha møya manakatik kørentrun” (Salmo 111:8).
3. ¿Biblia wentøsrøwai eshkapikwan chintimpatre køremik kera?
Bibliape “metrapsrønkutri katøkucha puraimuatø” eshkapik køn a (Isaías 46:10). Bibliape metrapsrønkutri møyasrønkatik chitø puraintrapelan chap eshkaik køn. Bibliape møyasrø chitø purep pasrøntrapik kuikwan chap eshkaik kuik køn. Ik kusrenanikyu ashchap, metrapsrønkutri Biblia chap eshkailan. ¡Nø eshkaikpe treek purayaik køn!
MAS NEPUA KUSREU
Bibliape científicosmera Pirøpurap maik wetøkøtrilan trektøwai eshkapik kuikwan incha Bibliayukutri metrapsrø chap eshkailan ashchun.
4. Bibliape científicosmera Pirøpurap maik wetøkøtrilan trektøwai eshkapik køn.
Metrap siglosrømpe Pirøwan chikøsrøn kemøra pasrapik kui isupelø kuik køn. VIDEUN asay.
Bibliayu Jobyu 3.500 pilamerasrønkutri pørikwan ñiken ash. Ley Job 26:7, yu leinuk pinaku paíkwan waminchap:
-
Pirøwan chikucha kemørimíik pasran cha Bibliayu eshkaikwan, ¿chintimpatre kuara asamik kø?
Bibliape ciclo del aguaimpurø tør marøpik køn: nu piwan pøsr pacha nakish misra kutrø karuwa; inchen katø sre misra pupen katøyu nurankarupik køn. 1800 pilasrø ciclo del aguaimpurø misakmera tør nepua asinkucha, 3.500 pilamerasrønkutri Biblia manchipik kuikwan ash. Ley Job 36:27, 28, yu leinuk pinaku paílan waminchap:
-
¿Ciclo del aguaimpurap Bibliape tør marøpikwan ñune møikwan mas tapik asønata?
-
¿Møin ñi versículosmera leimpala Biblian mas kørentrai purukuntraptik kø chinta?
5. Bibliape latrø nuik puraintrapelan eshkapik køn
Ley Isaías 44:27-45:2, yu leinuk pinaku paíkwan waminchap:
-
200 pilamerasrøn køpen Babilonia pinisaik kømuatø, ¿trupurap Bibliape chimera eshkaik kø?
539 pilasrø Jesucristo mukapatø, Persíasrø aship karup wapik Ciro taik nui suldaumerapa Babilonia ciudawan pinisaik køn. Babilonia ciudawan kepamtrap, piwan pekpurap øra: pi køløpen yaskap kurin pasrøpen kuayam palømøtø kepampik køn. Treek purayaik 2.500 pilameraken køn, inchen møyankatik Babilonia katøkucha mintisaik pasran. Møimpe Biblia chap eshkaikwan ñiken ash.
Ley Isaías 13:19, 20, yu leinuk pinaku paíkwan waminchap:
-
Metrapsrønkutri treek puraintrun cha eshkaikpe, ¿mømay purayaik kø?
Møya Iraksrø Babiloniape katøkucha mintisaik pasran
6. Møyasrø purep pøntrapelan Bibliape metrapsrønkutri chap eshkaik køn
Bibliape møya “srabe kwalømmera” kui eshkan (2 Timoteo 3:1). Biblia metrapsrønkutri srape kualømmerasrø chi puraintrapik kui eshkapikwan ash:
Ley Mateo 24:6, 7, yu leinuk pinaku paíkwan waminchap:
-
Biblia srape kualømmerawan maik køntrap kuikwan, ¿mantø eshkaik kø?
Ley 2 Timoteo 3:1-5, yu leinuk pinaku paílan waminchap:
-
Bibliayu taimpala srape kualømmerasrø, ¿yam misakmera mailø køntrap kø?
-
Versículosmera leinuk, ¿ñi asinuk møilan nepua asha kuku?
MØILØPE TREEK ISUPELØ KØN: “Bibliayu pørin pøntrapelø namui misakmera kemesra wamintilø latailø køn” cha.
-
¿Biblia ciertonikwan eshkapik kui ñune chitre trunun nepua ashchai purukuta?
¿CHI KUSREKU?
Metrapsrønkutri møyankatik purayailøpa, científicosmera tailøpa, metrapsrønkutri chap eshkailøpa kenamaran; Biblia cierton eshkapik kui.
Kusreikwan katøle isuntrap
-
¿Bibliayu eshkailø cierton treek purayaik kø chintera?
-
¿Møin kualømmera Biblia tainukkutri científicosmera møilantre treekwain kui eshkapik kø?
-
¿Biblia wentøsrøwai chi puraintrapik kuikwan eshkantrapik kø chintera? ¿Chintimpatre treek isuku?
MAS NEPUA ASH
¿Biblia cienciaimpurap eshkapen pella eshkapik kø chintera?
Nam srape kualømmerasrø kui, ¿chitre kenamarøp pasra?
“Metrapsrønkutri trattrø kan chap eshkailø purep pøntran” (Asha Eshkapik, 1 mayo 2011wai)
Metrapsrønkutri Greciaimpurap chap eshkailø, chap purayaikwan ñiken ash.
“Tius maig karuigwan eshkabelø wamindiibe” maik taikpe namun mur pøntrøntrai purukupik køn (5:22)
Metrapsrønkutri chap eshkailan kan møk nepua asha Bibliaimpurap nø maik yunømara asikwan ash.
a Metrapsrønkutri Biblia chap eshkailøpe Tiuswainukkutri wentøsrøwai pørilø køn.
