KUSRENANIK 06
¿Øsik kømikpe mantø pølpasrik kø?
Tius “ñuinukkutrintø øsik kømikpe atrupik køn” (Salmo 36:9). ¿Ikwan ñi kørepik køtitru? Møiløpe isupelø køn, ka køppa kenamisrik køn cha kan marøpik chi kaakui lataik. Inchentø, Jeupa Tius namui Ellmarøpik kuik køpene kaaka kømuin køn, ¿cierto? a Bibliayu nam øsik amønaimpurø mantø pølpasrikwan, namui øsik amønaikwan chincha tør eshkapik kui nepua ash.
1. ¿Srømpalawanpa Pirøwanpa mu marik kø?
Biblia trenchipik køn: “Ke srøtø chigucha chigaaben, Tiusbe srømbalameranba, pirøwanba marig køn” (Génesis 1:1). Yam científicosmera trenchipelø køn mutø marik kuintrun cha. Trupe, ¿srømpalawanpa Pirøwanpa Tius mantø marik kø? Nø espíritu santotøka estrellasmeran, galaxiasmeran, planetasmerankucha marik køn... (Génesis 1:2).
2. ¿Tius chincha Pirøwan marik kø?
Jeupape “Pirøwan kaakatø kømø misakmera warøntrai marik køn” (Isaías 45:18). Jeupa Pirøwan marøppe misakmera kasraktø tap warøntrai isua marik køn (leu Isaías 40:28 incha Hechos 17:24, 25). Científicosmera trenchipelø køn latrø tap Pirøchik køncha, katøkan øyeekwaimpe chi kaakøn. Inchawai katøkan paløpe waramtik kømøn.
3. ¿Misakmerape ushamerapa chincha pekmayelø kø?
Pirøwan chap marøppe tru Pirøyu warøntrapelankucha marik køn. Srøtøpe, tusrmeran, ushameran marik køn. Trukutrimpe, “Tiusbe møwan marøppe nø maig køben ke tre lataitøwein kønrrai marig køn” (leu Génesis 1:27). ¿Nampe ushamerapa chincha pekmayelø kø? Tius nø latawai køntrai ellmarik køppe, nam untakwan kenamarinuk nui sølkantikwan kenamarøpelø ker. Trektøwai, nø namun pek trikmay kusreinuk, tapchelø marikwan untaktøka ashchai, kasrak miirailan møra nø latawai kasraktø puraampamik køntrai marik køn. Ushamera lata kømøtø, nam namui Ellmarøpikwan adorapelø ker.
MAS NEPUA KUSREU
Srømpalasrø yu Pirau chitøkucha øsik køpikpe Tius marik kui mantø kenamarøpik kuikwan, trektøwai Biblia srømpalasrønpa Pirøwanpa marikwan eshkaik chincha sølkantø kenamarøpikwan ashchap. Misakmera tapelø kenamarøpelø kuikkutri Jeupawaimpurø latrø nu kusrenanikwan ashkun.
4. Srømpalasrø lata Pirau lata øsik warapelan kan ellmarøpik køn
Chap marilø pøntrapelan misakmera katøyu asha maren, katøkaneløpe trunun asha latrø tap kui ashipelø køn. Inchentø, ¿kutike ellmarøpikwan unkua chip køpra chinta? VIDEUN asay, yu videu asinuk pinaku paíkwan waminchap:
-
¿Misakmerape møilantø asha marik kø chap marilø pøntrapelan?
Chi yatøkucha pasrappe mukøpen marikwaim pasraintrun inchentø, ¿yu Pirau pøntrapelan mu marik kø? Ley Hebreos 3:4, yu leinuk pinaku paílan waminchap:
-
¿Marilø pøntrapelan ñune møilantø mas kustapik kø?
-
¿Srømpalasrø marik pøntrapelan, Pirau marik pøntrapelan, truilan kan Marøpik kui køremtik kø chinta? ¿Chincha?
¿Nepua asha køtitru?
Ikpurap mas ashchap jw.org yu pørilan, videumeran wetøtrantrun. Serieyu “¿Chi køpikwan mukøpen marik kø chinta?” incha Møiløpe paya mørøpelø køn øsik kømikpe chukutri atrupik kera cha”.
“Pøs chi yatøgucha pasrappe, mugøben marigweim pasrainrrun. Inchendø lutøgurri chiwandøgucha mara pønsrøbiibe, Tius køn”.
5. Bibliape tørkantø kenamaran mantø chishtø ellmara pasrilan
¿Génesis kapítulo 1yu eshkan Pirøyu lutøkutri mu marik kuikwan cierto kø chintera kape kemesra wamintiktø kø chintera? VIDEUN asay, yu videu asinuk pinaku paílan waminchap:
-
¿Bibliape eshkapik kø chintera Pirøwan chi øsik køpelan kualmay mawa seis díastø marik kui?
-
¿Bibliayu maik eshkaikwan ellmara pønsrailaimpurap ñi isuinuk treek kø chintera? ¿Chincha?
Ley Génesis 1:1, yu leinuk pinaku paíkwan waminchap:
-
Científicosmerape trenchipelø køn Pirøwanpa srømpalasrøwanpa mutø marik kuintrun cha. ¿Møi Biblian leinuk trektøwai chipik kuita?
Møiløpe paya mørøpelø køn “¿Tius kan célula mara, tru célulatøka Pirau øsik køpikwan evolucionantrai marik kø chinta?” cha. Ley Génesis 1:21, 25, 27, yu leinuk pinaku paílan waminchap:
-
Tius kan célula mara, tru célulatøka misakmeran, ushameran, piyaumeran, evolucionantrai marik kui, ¿treek Biblia kusrenanøpik kø chintera? ¿Kape yu Pirau lutøkutri øsik køpelan Tius marik kø chintera?
6. Tius chishtø mara pønsrailøpa misakmerapa pekmayelø ker
Nampe ushamera lataik kømø pekmayelø ker. Ley Génesis 1:26, yu leinuk pinaku paíkwan waminchap:
-
Tius namun nø lataik marilø kuik køppe, untak kenamarøp, lastima ashipelø ker. Treekkutri, ¿Tiuswaimpurap chi kusreku?
MØILØPE TREEK ISUPELØ KØN: “Bibliayu chishtø ellmara pønsraimpurap eshkaikpe, misakmera kemesra wamintik lataik køn” cha.
-
¿Ñipe chi isuku? ¿Chincha?
¿CHI KUSREKU?
Jeupape srømpalasrø Pirøyu lutøkutri chi køpikwan nø marik køn.
Kusreikwan katøle isuntrap
-
Srømpalawanpa Pirøwanpa mu marik kui, ¿Bibliape chi kusrenana?
-
¿Tius kan célula mara, tru célulatøka misakmeran, ushameran, piyaumeran, evolucionantrai marik kø chintera? ¿Kape yu Pirau lutøkutri øsik køpelan Tius marik kø chintera?
-
¿Chishtø ellmara pønsrainuk misakmera chincha pekmayelø køpra?
MAS NEPUA ASH
Yu Pirau marik pøntrapelan kan marøpik pasrapik kui kenamarøpikwan ash.
“¿Yu Pirau chitø køpik chi kusrenana?” (¡Despertad!, septiembre 2006wai)
Ash kan møskai nui unan kusrenanøp wan Biblia maik taikwan ellmara pønsraimpurap.
¿Biblia, evolución taimpala trektøwai kø chintera?
Metrap tsutsikmerapa científicosmera kenamarikpa eshkainuk ash: ¿Øsik unikpe kaakatø kø chintera kape trunun mu marik kø chintera?
El origen de la vida. Cinco cuestiones dignas de análisis (fulletu)
a Kusrenanik 25 tør marøpik køn Tiuspe misakmeraimpurø chi isua martrap kuikwan.
