Jeupape nun tap nepua ashchai isupik køn. ¿Chintimpa? Kakentø nø tapik tøkakuilanpa, nø maik marilanpa, ñuimpurø chitø martrap misrilanpa, nepua asha ñui linchipik misrtrai munirap pasran. Inchentø, ¿cierton Tiuswai linchipik kømtik kø chinta? (Leu Salmo 25:14). Treek køpene, ¿ñi chi martrap? Bibliayu ñi chitø maramikwan eshkapik køn, trektøwai nøpa lincha pasramik chiwantøkucha purap nuik kui eshkapik køn.

1. ¿Jeupa ñun chi martrai alapik kø?

“Ñim Tiusweimay kemallene, nøbe ñimuimay kemallchun” (Santiago 4:8). ¿Ik wammera manchatrenta? Pøs Jeupa nui linchipik køntrai isupik køn. Inchentø, møiløpe Tiuswan kaptøka ashmuikkutri nøpa linchipik misramik kaimamtik kui isupelø køn. Nø mu kuikwan nam nepua asha nun kemallchai, Bibliayu pøra køtrømarik køn. Namuyasik Bibliayu nø tailan lepen, nøpa trak kantø pøntramtik køn nun maya kaptøka nepua asamkeik kuinkucha.

2. ¿Jeupa chintimpatre tap linchipik køntraptik kø ñiasinukpe?

Jeupape ñune latrø nu untakik køn katøkanelø lataik kømø. Ñi kasraktø uñchai isupik kuikkutri chikøpen paløpene nun miantrai isupik køn. Ñi “chigøben truba isub tøga” pasraikwane Tiuswantø pash. Kakentø nøpe ñuimpurap “tab kønrrai isua martrab wabig køn” (1 Pedro 5:7). Jeupape nui linchipelan møra, tap kui mørtrai purukuntraptøwai wapik køn (leu Salmo 94:18, 19).

3. ¿Jeupape nui linchipelan chi martrai munira?

Jeupape maya misakmeran untakik køn, inchentø “sølkantø amøñip misakmerapape trak kantø lincha pasrapik køn” (Proverbios 3:32). Jeupape nui linchipelø nø tsalø asilan marmø, masken sølwan martrai munirap pasran. Inchentø, møiløpe nø martrai karuilan nepua maramkeik kuitamap isupelø køn. Jeupape latrø tammay utapik køn, nø maik martrai karuilan untaktøka marøp trantrap amøñipelane (Salmo 147:11; Hechos 10:34, 35).

 MAS NEPUA KUSREU

4. Abrahánpe Jeupawai trak linchipik kuik køn

Bibliayu kenamarikpe Abrahánwaimpurap Jeupapa mantø linchipik kømikwan eshkan. Abrahánwaimpurø Génesis 12:1-4 ley, yu leinuk pinaku paílan waminchap:

• ¿Jeupape Abrahánwan chi miaik kø?

• ¿Jeupape nuimpurø chi martrap misrik kø?

• Jeupape Abrahánwan nø chi maramikwan chap eshkapen, ¿nøpe chi marik kø?

5. Jeupa nui trak linchipelan chitø miailø

Mutøkucha nømui linchipelø chikøpen martrai munirapelø køn.

• ¿Ñi ñui linchipelaimpurø chi munirap pasrøku?

Ley 1 Juan 5:3, yu leinuk pinaku paíkwan waminchap:

• ¿Jeupape nui trak linchipelaimpurø chi munirapik kø?

Nam Jeupa maik taikwan møra martrappe, nam isuilan kape chi marilan yunømaramik køn. Ley Isaías 48:17, 18, yu leinuk pinaku paíkwan waminchap:

• ¿Jeupape nui trak linchipelane nøm isuilan kape chi marilan yunømartrai, chinchatre miapik kø?

 6. Jeupa nui trak linchipelaimpurap chi marikwan

 ¿CHI KUSREKU?

Jeupa ñui trak linchipik køntrap isupik køn incha nuimay kemallchai purukupik køn.

Kusreikwan katøle isuntrap

• ¿Jeupape nui trak linchipelan mantø purukupik kø?

• ¿Jeupape nui trak linchipelane nøm isuilan kape chi marilan yunømartrai chinchatre miapik kø?

• ¿Jeupawai trak linchipik kømik kaimamtik kuitamap isupik køtitru? ¿Chincha treek isuku?