KATØLE WAMINCHAP INTRØ
KUSRENANIK 8
Tammay purukupik
Biblia chi taikwan: “Undag købiibe chi puindøgucha tammay kømig køn” (1 Cor. 13:4).
Jesús nø chi marik
1. VIDEUWAN ash kape Juan 7:3-5 incha 1 Corintios 15:3, 4, 7 leu. Trukutri pinaku paílan isu:
¿Jesús kenamarikwaimpurap nampe chi kusrentrap?
2. Møilane tap wammeran utamik utø palai mørøpelø køn. Treekkutri, nam tammaytø muniramik køn.
Jesús latawai mar
3. Pekmay isua mar. Srøtø kan misak Bibliayukutri kusrek kømui inchene, katøyu katøyu kusrentrai inchimøta. Inchen misak tap utøntrap inchene, videumeratøka, pørin kilkameratøka Bibliayukutri nam kusrenanøp putrailøpe mailø kuikwan, nun mantø purukuntrap kuikwan kenamar.
4. Misakwan katøkan misakpa maik køtashchap ashmøta. Kan kan misakmerape pekmayelø køn. Kan yawik kape kan misak Biblian kusrentrap, kape Bibliayukutri kan kusrenanikwan utøntrap mumayken kømui wapene, chincha treek isuikwan paya mør. ¿Nui iglesiayu, kan kusrenanik nuyasimpe más latrø nuik kø chintera? ¿Nui yaumpuilø kape nui yau puluelø Biblian más kusremøntrai inchip kø chintera? Tsøntatø ka munirau, chi wamintikwan isuntrai Bibliayukutri kusrenanilan nuway kui ashchai.
5. Misakwaimpurap Jeupapa waminchi. Jeupawan miau misakmera tap wammeran utøntraitamap isuntrap, trektøwai tap wamintamtik køntrai. Trektøwai kan misak tap wammeran yantø más mørøk kømui inchene, nøpa yantø más waminchimumikwan kenamartra cha Tiuswan miau (1 Cor. 9:26).
