KUSRENANIK 6
¿Kuapelø cierton katøle kutrøntrauta?
1. ¿Kuapelø cierton katøle kutrøntrauta?
Jesús yu Pirau uñip uras nui trak linchipik Lázaro kuaik køn. Ikpe Betaniasrø tsupik kuik køn, Jerusalén pulusrø. Jesús pupene, pip kualømken Lázaro kuaik tsuik køn. Jesús kuapikwai nuchalø María Martapa sørin tulsrø pupen latrø nu misakmera tuluntsunik køn. Jesús Lázaron katøle øsiranen, ¡ñiken isu Martapa Maríapa maik isup pøntraikwan! Leu Juan 11:21-24, 38-44.
Bibliayu srø wammera eshkailøyu, kuapelø katøle kutrøntrap kui eshkapik køn. Martape Tiuswai wamwan nepua ashipik kuik køn, Jobyu pørik pasrainuk yu Pirau kuapelø katøle amøñintrap kui asha kuik køn. Leu Job 14:14, 15.
2. ¿Nam kuapen chi puraintrera?
Tius Adánwan trentaik køn: “Ñibe pirø usrø kuig køppe, katø ñibe usrøtøwei misrtrabig køn— cha” (GÉNESIS 3:19).
Nampe pirøyu usrøtøka marilø ker (Génesis 2:7; 3:19). Namui umpupe møsik chikar ker, nam kuapen øsik uñchapikpe kaaken. Inchakutri, kuapeløpe isumøwai, pusrkuai mørmøwai warapelø køn. Treekkutri, Lázaroma øsiranen, kuain tsuimpurø chikucha waminchimuik køn. Leu Eclesiastés 9:5, 6, 10.
Møiløpe isupelø køn, Tius kuapelan infernosrø kepusrøpik kui tamap, inchentø cierton kømøn. Møi chap asimpala, kuapeløpe chikucha isua mørmelø waran. Jeupawan pusrkuankarupik køn infiernosrø kepusran cha kusrenanikpe, kakentø nøpe ni nui isupikukutri misakwan pattraimpe isumíik køn. Inchakutri, ik kusrenanikpe isatø køn. Leu Jeremías 7:31.
Videun ash ¿Nam kuapen chi puraintrera?
3. ¿Kuapeløpa wamintamtik kø chinta?
Kuapeløpe mørmøwai, waminchimøwai waran (Salmo 115:17). Kan kuapikwai møsikwan ashar chipentø, tru kuapik kømøn. Ñiken isu, kan kuapik waminchen kape kenamisren kuapik kømø, kuaimantsikmera køn kepenøsrkøntrai inchipelø (2 Pedro 2:4). Øyeekkutri, kuapeløpa waminchap intamikwane Jeupa latrø tsalø kui ashipik køn. Leu Deuteronomio 18:10, 11.
4. ¿Katøle øsirantrapeløpe mumera kera?
Yam misak kuapelø yu Pirau katøle kutrøntrun. Øyamay, Jeupawan nepua ashmuikkutri kalø marøpelan katøle øsirantrun. Leu Salmo 37:29; Hechos 24:15.
Katøyu øsirapeløpe Tius maik kuikwan kusrep, Jesúswaimpurø fe tøkakøp, Tius chi karuikwan møra marøp, treek marene, yu Pirau manakatik øsik waramtik køntrun (Apocalipsis 20:11-13). Leu Juan 5:28, 29.
5. ¿Kuapelan katøle øsiranimpurø kusrenanikpe, Jeupawaimpurø namun chi kusrenana?
Kuapelan katøle øsiranikpe, Jeupa misakmeran untakkutri tapik tranikwan kenamaran. Tius nui Nusrkawan namuimpurø kuantrai ørikkutri, ik latrø tapchik munirap pøntramikwan tøkarker. Kuapelø katøle kutrøpen, ¿ñune mun øsiraik ashik keta? Leu Juan 3:16; Romanos 6:23.
