Tiuspe mayelan alapik køn nun waminchai (1 Juan 5:14). Inchentø, Tiuspe nøpa wamintilan mayelan mørmíik køn. Bibliayupe eshkapik køn, Tiuspa waminchip pasrøpentø kan møk srawan kaik marøp inchene, Tiuspe nun mørmíik køn cha (1 Pedro 3:7). Israelitasmerape, katøle katøle, kaløwan marøpelø kuikkutri, Tiuspe nømun mørmíik kuik køn. Treek kuintøkucha, Tiuspe mørøpik køn kalø mara pøntrapelan isua møra tap misrene. Leu Juan 9:31; Hechos 3:19.

Videun ash ¿Tiuswan misakmera waminchen nøpe mayelan mørøpik kø chintera?

Jeupawantø wamintamik køn, kakentø nøpe namui Ellmarøpik ciertonik Tius Nøtø køn (Mateo 4:10; 6:9). Katøkanpurappe, nampe tapelø kømuikkutri Tiuswan waminchippe Jesúswai munchiyu wamintamik køn, kakentø nøpe namui kalø marimpurø kuaik køn (Juan 14:6). Jeupapa waminchippe trununtø katøle katøle waminchimø, masken mantraukutri wamintamik køn. Leu Mateo 6:7; Filipenses 4:6, 7.

Tiuspa wamintinuk, namui isupiku niløchiktø waminchen, nøpe mørøpik køn (1 Samuel 1:12, 13). Chu urastøkucha nøpa waminchai namun alapik køn: løtsøkutri yemkatik, mamikwan mantraptø kape chikøpen kalø pupenkucha. Leu 1 Pedro 5:7; Mateo 15:36.

Namui pøtøkatan misakmera Tiuswan køremelø kuikkutri nam Tiuswan kemalamik kanmaype murik køn. Nøm Tius yu Pirau pishintø warøntrai martrap misrilan intsatø asan (2 Timoteo 3:1, 4; 2 Pedro 3:3, 13). Treekkutri, nampe katøkanelø  Cristoi wentautø ampupeløpa, kankutrin kankutri, purukuntrap tuluntsunamik køn. Leu Hebreos 10:24, 25.

Nam Tiuswan kemallape, Tiuswan untarapeløpa lincha amønamik køn. Jeupawaiwan waminchipeløpa tuluntsunik yaumay ampikpe, kanelø fe kenamarøp pøntraikwan asha kusremtik køntrun. Leu Romanos 1:11, 12.

Bibliayu Tiuswaimpurø kusreikwan tsøntatø isumik køn. Tius chi marilan, chi wamintilan, nø martrap misrilan isu. Tiuspa waminchip, tsøntatø tsøntatø isupene Jeupa latrø kusrepik kui, untakik kui nepua asamtik køntrun. Leu 1 Timoteo 4:15, 16.

Tiuswaimpurø fe tøkakøp, nuimpurøtø kørep pøntrøwape Tiuswaim pulu pasramtik køntrun. Kan tusrma kualømmørik piu usrøp kømik palapik køn kuamøntrai; øyamaytøwai namui fewan mur martrap, kualømmørik Biblian lemik køn; tsøntatø tsøntatø isumik køn Tiuswaimpurø kusreilan. Leu Mateo 4:4; Hebreos 11:1, 6.

Jeupape isupik køn nun untarapelan. Fewanpa, manakatik øsik waramikwanpa tarømisrmøntrai, nøpe purømisran (Salmo 91:1, 2, 7-10). Kuantrømisrmø, kasraktø amøñintrai chitø maramelan eshkapik køn. Namui øsik amønainuk tap amøñintrai Jeupa namun kusrenanøpik køn. Leu Santiago 1:25; 4:4, 8.